Tweet
يا جماعة انا معروض عليا عربية بيتل موديل 1955 هى قديمة بس الميكانيكى بيقولى عليها اسم كدة غريب تقريبا فى البيتل بس بما معناه انها فابريكة حاجة كدة وبيقولى فيتيس استراد وعفشة جديدة كلها والعربية معدلة وعايزها على 7.5 الاف فا ياريت عايز رايكم اعمل اية وخصوصا انا هموت واجيب بيتل والسعر ده حلو ولا لا وياريت اللى عنده صور الموديل دة يورهالى علشان انا نفسى فى الموديل اللى هو اسمه تقريبا 1303 حاجة كدة وشكر جدا جدا
-
-
1955 قديمه اوى ... هى البيتلز معمره بشكل عام
بس مشكله القديم اوى حتى لو حالة كويسه ان ممكن و انتا ماشى حاجه عمرها الافترضى يخلص و تعملك مشكله
فبلاش منها احسن ... او لو حتشتريها خليها للمشاوير الصغيره
على العموم انتا الاحسن لو تنقل سؤالك لقسم البيتلز حيفدوك اوى -
ماهو أنت هتموت عليها بس كل حاجه بالعقل......أنت عارف يعني أيه موديل 55؟؟؟؟يعني بقالها أكتر من 55سنه ماشية وطالع عين أهلها في شوارع المحروسة.....وما أدراك بأه بشوارع المحروسة!!!!!! الشوارع التي لن تجد لها مثيل في شوارع دول العالم أجمع.......وبعدين خد بالك الفولكس قطع غيارها ألماني وغاليه جدا وناس معدوده اللي بتبيع قطع الغيار دي وطبعا طالعين في العالي أوي أوي بأعتبار أنه مافيش غيرهم.....وماتنساش كمان الميكانيكية مش كتير اللي بيفهموا فيها لأنها تبريد هوا ومافيهاش راديراتير ولكن توجد ريش علي البستم لتقوم بعمليه التبريد أثناء صعود ونزول البستم أثناء دوران الماتور......وبعدين أنت مش ملاحظ أن الفولكس قلت أوي أوي في الفتره الأخيرة؟؟؟؟؟مع العلم أنها من سنتين فقط كانت مغرقه شوارع القاهرة وكانت ناس كتير شداها زيرو ومروشينها ومخلينها تحفة !!!!!! أنما فجأه قلت أوي وتكاد تكون أختفت.....ع العموم في الاول والاخر أنت حر ،،،وعلي فكرة أنا كمان كنت هموت علي حته بيتل بس البيت عندنا مارضيوش وعملولي خناقةComment
-
انا معايا واحد بيتلز موديل 79
1300 واحتمال أبيعها قريب عشان فية عربية تانية ممكن اشتريها
يس متردد فى بيعها عشان بجد هى تستاهل ان الواحد يحتفظ بيها حتى لو هاتفضل مركونة بالبيت
لانها ممتعه فعلا[SIGPIC][/SIGPIC]Comment
-
الف شكر على الرد يا جماعة بجد
وبالنسبة للاخ samirsaid1 ممكن بس تقولى مواصفتها علشان انا عندى جدية اوى انى اجيب واحدة وحالتها عاملة اية وياريت تضفنى على الايميل Minawork@hotmail.com وشكرا جداااااااااComment
-
و انا كمان كنت هاموت على عربية بيتل لحد ما سوقتها
العربية بجد حقيرة في المشي بيها ( مع الاعتذار لكل عشاق البيتلز بس ده رايي )
اولا العربية ديقة من جوة
نظام الدواسات العجيب بتاعها بايخ قوي و صعب تتعامل معاه بالسرعة المطلوبة
ابعاد العربية و انت سايق صعبة جدا
نيجي للنقطة التانية العربية مو 55 يعني بقالها 55 سنة لو فرضنا انها متحركتش من مكانها هاتلاقي البرومة اكلتها
تصليح العربية متعب علشان ليها ميكانيكية متخصصة بيتلز بس و لو صنيعي عادي مش بيعرف يعمل فيها حاجة و مصنعيات تصليحها عالية
و مو 55 بعيدة كليا و جزئيا عن الموديل 1303
بص البيتيلز عربية جميلة قوي بس لما تقراء عنها في الويكيبيديا مش لما تقتنيها بعد ما كل خيرها راح[CENTER][COLOR=sandybrown]الفورد عربية بشوات[/COLOR][/CENTER]
[CENTER][COLOR=#0040ff][B][U]I'm not so Rich [/U][/B][/COLOR][COLOR=#0040ff][B][U]to buy Cheap things[/U][/B][/COLOR][/CENTER]
[CENTER][FONT=Arial][SIZE=1][COLOR=orange][B][U]صرفت على 128 ضعف الي صرفتة على فورد في نفس المدة و عجبي[/U][/B][/COLOR][/SIZE][/FONT][/CENTER]
[CENTER][URL]http://www.nilemotors.net/Nile/91508-a.html[/URL][/CENTER]Comment
-
مش عارف ارد واقول اية بس دة رايكو اقولكو والله ما هرد احسنComment
-
ازاى يا احمد رد علشان انا متحير جدا انت شكلك عندك البيتلز قولى رايك ؟؟؟Comment
-
مع احترامى للاخ اللى بيقول عربيه حقيره
العربيه دى لو حقيره زى مانت بتقول
مكانش الاجانب عملوا فيها البدع
و مكانتش شركه فولكس نزلت منها طراز النيو بيتلز
و طراز كمان لسه هاينزل فى 2012
وده طبعا على سمعه البيتلز القديمه
و العربيه دى فضلت تتصنع من سنه 35 لغايه 2003
عموما يعنى عشان مبوظش الموضوع للراجل
و نبعد عن الهدف الاساسى من الموضوع
نصيحتى ليك :
خليك فى العربيه اللى حالتها كويسه
و تبت اوى على حالتها كويسه دى
مش مهم الموديل اوى على قد ما هو مهم حاله العربيه
لانها لو كويسه هاتريحك و لو تعبانه هاتتعبك
و ده حال كل العربيات
البتلز جميله و ليها طابع خاص بيها غير كل العربيات
و عايز اقولك انها عامله زى الادمان لو حبتها و عشت معاها
قطع غيارها اسعارها عاديه
ولا غاليه و لا رخيصه
يعنى فى المتناول
ليها الميكانيكيه المتخصصين بيها هى بس دون غيرها
يعنى فاهم ايه اللى فى العربيه و حافظها
مش هيجرب و يقرفك و الكلام ده
استهلاكها فى البنزين على حسب السى سى و ظبطه العربيه
و حاله الموتور
بالنسبه لموضوع ال 1303
ف ال 1303 موديلاتها بدات من سنه 74
موديل 1302 بدايه من سنه 70
فيما قبل ذلك بقى كله موديل 1300
و الاختلافى فى شكل الفوانيس و الرفارف
الباب و الصالون من جوه
اختلافات مش مؤثره على الاداء طبعا
و شكليا كل ده امره سهل فى التعديل و التغيير
السعر كويس نسبيا
بس ده يعتمد على حاله العربيه
يعنى برضه حاول لو انت ناوى ان شاء الله تنزلها معاه شويه
انت و شطارتك
و ربنا معاك :)[FONT=Arial][B][FONT=Fixedsys][SIZE=3]لا اله الا الله عدد ما كان و عدد ما يكون ,و عدد الحركات و السكون[/SIZE][/FONT][/B][/FONT]Comment
-
انا بجد متشكر جدا جدا جدا يا beetleMOSH وتعبك معايا بس لو فيها تعب ممكن تعملى ادد علشان انا بجد محتاج حد زيك يفهمنى فيها شوية minawork@hotmail.com وشكرا جداااااااااااااااااComment
-
تمت الاضافه يا باشا
و مفيش اى تعب خالص
و لو نقلت الموضوع فى قسم الفولكس
ان شاء الله الاعضاء يجاوبوا على كل استفساراتك بصدر رحب :)[FONT=Arial][B][FONT=Fixedsys][SIZE=3]لا اله الا الله عدد ما كان و عدد ما يكون ,و عدد الحركات و السكون[/SIZE][/FONT][/B][/FONT]Comment
-
السلام عليكم
قبل ما ارد عليك عايز بس ازجه كلمه لكل الناس اللى بيقولو انها عربية مش كويسة وحقيرة و و و و
لولا اختلاف الازواق لبارت السلع . كل واحد حر في ذوقه . بس مش معنى ان في حاجة مش عاجباك انك تقول عليها حقيرة . انا شايف ان الواحد ممكن يقول الفاظ كتير تانية غير الكلمة دي . معجبتنيش , مارتحتش فيها , مش هي دي العربية اللى انا عايزها . كده يعني لان صعب اوي حد ييجي يقول على عربيتك دي عربية حقيرة .
بالنسبة للعربية بقى اللى انت عايز تشتريها هو سعرها مناسب نوعا ما لان الفلوكس اسعارها في النازل للاسف وده اللى مخليني مش عايز ابيع عربيتي لانها غالية عليا اوي وعشت ابيها احلى ايام حياتي . الموديل مش هايفرق لان كله نفس الشكل .
في حاجة اسمها الرقبة بتاعة العربية ودي بتكون تحت تنك البنزين . لازم تشوف الرقبة وتكون سليمة يعني العربية معملتش حادثة جامدة من قدام ووصلت لغاية الشاسية بتاع العربية . الموتور والعفشة دول مهمين جدا برضه لان موتور الفولكس غالى دلوقتي نسبيا . من الاخر تكون العربية مش متهانة . يعني تحس انها سليمة وواقفة كده .
وانا راي لو لقيت كل شيء كويس اتكل على الله وماتحطش في دماغك موضوع قطع الغيار ولا الميكانيكية . اي عربية مستعملة هاتروح لميكانيكي . والميزة في الفولكس ان اللى بيشتغل فيها مش بيشتغل في عربية تانية . يعني لو شاطر يبقى خبير فولكس بس . وقطعة الغيار بتاعتها الماني وعمرها طويل والعربية حمالة قسية والله . انا كنت بلف بيها القاهرة كلها وعربيتي الحمد لله تاني يد ومكانتش متهانة عشان كده عاشت معايا جوالى 10 سنين اقسم بالله كنت بحط بنزين فقط لا غير . بس هي حاليا مركونة تحت البيت وعليها كوم تراب .
وربنا معاك ان شاء الله[CENTER][FONT=Times New Roman][SIZE=7] you only live once[/SIZE][/FONT][/CENTER]Comment
-
طب هو سؤال واحد بس.....هي الفولكس ليه قلت أوي كده؟؟؟؟ومين اللي سحبها من السوق دفعة واحده كده؟؟؟؟بعد مكانت من سنتين تلاته مغرقه الشوارع وكأن ماسورة أنفجرت وطلعت فلاكس بالهبل!!!!!!!دلوئتي هي ليه بقت قليله اوي ؟؟؟؟؟ماهو أصلي مش معقول كل الناس اللي كانت معاها فولكس باعوها كلهم مرة واحدةComment
-
اولا بعتزر يا جماعة ان اللفظ المستخدم بس انا متمسك بالراي العربية مش مريحة
عموما تم انتاج العربية لحد سنة 74 في المانيا و بعد كدة اتوقف و كملت لحد 85 في البرازيل و بعدين لحد 2003 في المكسيك نظرا للطلب عليها هناك و بس
موضوع قطع غيارها الماني طبعا اشك ان فيه قطع غيار الماني ليه في السوق المصري اعتقد ممكن تلاقي برازيلي او مكسيكي
موضوع قطع غيار استيراد معتقدش انها لسة متوفرة زي زمان و ان كانت متوفرة يبقي مش الماني
الاخ صاحب الموضوع نصيحة صغيرة لو ديه اول عربية تقتنيها بلاش تكون عربية قطع غيارها غالية او غريبة في الشغل بتاعها
الرقم بتاعك 7.5 ممكن يجيبلك 127 اتنين باب بحالة معقولة ( عارف انه مفيش مقارنة ) بس انت بـ 1000 جنيه تقدر تجددها لكن نفس الرقم في البيتلز مش هايعملك اي حاجة
يا ريت الاخوة اصحاب العربية يكتبوا بعض اسعار قطع غيارها جديد و استيراد و يكتبوا تمن المصنعيات علشان الراجل يعرف يحكم[CENTER][COLOR=sandybrown]الفورد عربية بشوات[/COLOR][/CENTER]
[CENTER][COLOR=#0040ff][B][U]I'm not so Rich [/U][/B][/COLOR][COLOR=#0040ff][B][U]to buy Cheap things[/U][/B][/COLOR][/CENTER]
[CENTER][FONT=Arial][SIZE=1][COLOR=orange][B][U]صرفت على 128 ضعف الي صرفتة على فورد في نفس المدة و عجبي[/U][/B][/COLOR][/SIZE][/FONT][/CENTER]
[CENTER][URL]http://www.nilemotors.net/Nile/91508-a.html[/URL][/CENTER]Comment
-
شوف 127 إيطالى _هاتعملها 10 الاف_وريح دماغكMy "facebook" Account is "Ahmed Aymn Arbiat"Comment
Comment