إعـــــــلان

Collapse

.

,
See more
See less

تفويلـة عملت 265 كيلو بس!!!! ما هى اسباب استهلاك البنزين العالى؟

Collapse
X
 
  • Filter
  • الوقت
  • Show
Clear All
new posts

  • تفويلـة عملت 265 كيلو بس!!!! ما هى اسباب استهلاك البنزين العالى؟

    السلام عليكم ورحمة الله

    بعد حكاية الكربراتير الجديد الصينى ... وبعد استرجاعة للبائع .... قمت بتركيب كربراتير استيراد
    وكانت المفاجأة ان تفويــلة بنزين 90 عملت 265 ك ... التفويلة 45 لتر !!!

    كنت اشكو من استهلاك البنزين العالى منذ تركيب الكربراتير الصيني واللى من ضمن مشاكلة الاستهلاك العالى
    وبعد تخلصى منة وتركيب كربراتير استيراد فحصة متخصص كربراتير واكد لى انة تمام
    كانت المفاجأة انى لاول مرة ف حياتى اسيب العربية لحد ما البنزين يخلص تماما !
    لدرجة انها شحتت ومعرفتش اوصل البنزينة نهائى التى تبعد على الدائري 4 كيلو مترات
    ولولا وجود سيارة اخري تسير معى كنت فى خبر كان .. وبالتالـى قمت ما طلبة منى الميكانيكى لتجربة الاستهلاك
    تـمن التفويلة كالعادة بنزين 90 هى 79 ج + جنية للعامل يعنى 80 ج طارو فى 265 ك !!!!!! العربية مكنتش كدة الاول

    لا يوجد اي نوع من انواع الدخنة سواء سوداء او بيضاء والمكنة تم عمل عمرة لها ولا اشم اي رائحة غير طبيعية من الشمكان .. كلة سليم

    سؤالى : مـا هى اسباب استهلاك البنزين العالى فى اي سيارة عموما ... وسياراتى خصوصا ؟
    اهم مواضيعى عن الريجاتا : بداخل عضويتى
    عدنا بكل قوة للرابطة .. م / Hussein
    مبرمج ومالك لشركة برمجيات وتصميم مواقع الانترنت

  • #2
    مهو مافيش سبب مقنع يخلي العربية تعمل كدة غير ان ممكن يكون التانك مخروم وبعدين هو كان الطبيعي كام الاستهلاك يعني وربنا معاك
    وعلى فكرة في ناس متخصصة كاربيراتير حاول تروحلهم افضل
    [FONT=Comic Sans MS][SIZE=5][COLOR=#665353]The worst is Not come Yet[/COLOR][/SIZE][/FONT]

    Comment


    • #3
      معني كلامك ان الليتر عمل 6 كيلو ( 79 بنزين يعني 45 ليتر ) و ده كلام كبير قوي
      اولا لو انت في فترة التليين يبقي تخلصها الاول
      ثانيا هاتجرب تاني بس بطريقة تانية هاتفول لحد الزور و تتاكد ان خرطوم الفايز بتاع التانك مش بينزل بنزين و المرادي هاتفول 92 من اي بنزينة وطنية ( مش اي حد تاني )
      و تمشي مسافة معلومة على طريق سفر ( علشان لو العداد عندك هو الي مش مظبوط ) و بعدها تفول تاني لحد الزور و تشوف اخدت قد ايه
      عموما قبلها العربية تكون مظبوطة يفضل في اي بنزينة من الي عندهم قياس نسبة العادم علشان تبقي ظبطة تمام هواء و كهرباء كله على الجهاز مش سماعي
      موضوع البنزين مهم علشان 92 فيه نسبة كحول اقل و من وطنية علشان ديه تبع الجيش و صعب تلاقي عندهم منتج مضروب
      و اطلع جرب و السرعة يفضل من 80 إلى 90
      و خلي بالك ان العربية في مرحلة التليين بتستهلك بنزين كتير قوي
      [CENTER][COLOR=sandybrown]الفورد عربية بشوات[/COLOR][/CENTER]
      [CENTER][COLOR=#0040ff][B][U]I'm not so Rich [/U][/B][/COLOR][COLOR=#0040ff][B][U]to buy Cheap things[/U][/B][/COLOR][/CENTER]
      [CENTER][FONT=Arial][SIZE=1][COLOR=orange][B][U]صرفت على 128 ضعف الي صرفتة على فورد في نفس المدة و عجبي[/U][/B][/COLOR][/SIZE][/FONT][/CENTER]
      [CENTER][URL]http://www.nilemotors.net/Nile/91508-a.html[/URL][/CENTER]

      Comment


      • #4
        المشاركة الأصلية كتبت بواسطة yahiahelaly مشاهدة المشاركة
        مهو مافيش سبب مقنع يخلي العربية تعمل كدة غير ان ممكن يكون التانك مخروم وبعدين هو كان الطبيعي كام الاستهلاك يعني وربنا معاك
        وعلى فكرة في ناس متخصصة كاربيراتير حاول تروحلهم افضل
        انا شكيت والله يا استاذ يحي ف موضوع التـنك بس انا دايما بكشف على كل حاجة قبل متحرك سواء تنك
        او زيت وكاوتش الكبالن يعنى تقدر تقول حضرتك ببص دايما تحت العربية فى الاجزاء الهامة ولم اري اي شيئ
        وحطيت ف مرة كارتونة بطول وعرض السيارة وسبتها يوم ونظرت تانى يوم للتأكد ولم اجد . بالنسبة للكربراتير
        انا جبت كربراتير استيراد .. وقبلها كنت جايب كربراتير صيني جديـد وحذرت منة فى موضوع هنا فى المنتدى
        ورجعتة للبائع .. متخصصي الكربراتير رحت لفردين منهم واحد ف شبرا للاصلاح الكربراتير القديم قبل مفكر ف الشراء
        وللاسف معجبنيش نظام المسكنات اللى شغالين بيها .. موضوع اكس وباب ورجلاشة وخلافة يشتغل معاك شهرين ويبوظ
        بوظو لى الكربراتير القديم بعد اصلاح 3 مرات ورفضت اصلح تانى وقلت اشتري جديد ولم تفلح التجربة فشتريت واحد استيراد
        وبعد فحصة لدى متخصص كربراتير قالى انة كويس

        المشاركة الأصلية كتبت بواسطة aYaBooY مشاهدة المشاركة
        معني كلامك ان الليتر عمل 6 كيلو ( 79 بنزين يعني 45 ليتر ) و ده كلام كبير قوي
        اولا لو انت في فترة التليين يبقي تخلصها الاول
        ثانيا هاتجرب تاني بس بطريقة تانية هاتفول لحد الزور و تتاكد ان خرطوم الفايز بتاع التانك مش بينزل بنزين و المرادي هاتفول 92 من اي بنزينة وطنية ( مش اي حد تاني )
        و تمشي مسافة معلومة على طريق سفر ( علشان لو العداد عندك هو الي مش مظبوط ) و بعدها تفول تاني لحد الزور و تشوف اخدت قد ايه
        عموما قبلها العربية تكون مظبوطة يفضل في اي بنزينة من الي عندهم قياس نسبة العادم علشان تبقي ظبطة تمام هواء و كهرباء كله على الجهاز مش سماعي
        موضوع البنزين مهم علشان 92 فيه نسبة كحول اقل و من وطنية علشان ديه تبع الجيش و صعب تلاقي عندهم منتج مضروب
        و اطلع جرب و السرعة يفضل من 80 إلى 90
        و خلي بالك ان العربية في مرحلة التليين بتستهلك بنزين كتير قوي
        فعلا " aYaBooY " زى محضرتك بتقول بالظبط ... الليتر بيعمل من 5 كيلو وفى اقصى حالاتة ف السفر بيعمل 6 ك
        ودة طبعا خراب بيوت خصوصا انى بحط دايما بنزين 90 بفول على طول بـ 81 ج وبتشربهم بسرعة
        انا امبارح وانا راجع دخلت على بنزينة وفعلا مونت 92 ولاول مرة ف حياتى امون 92 .. مفيش اي دخنة من الشمكان
        لانى ظبط دة بالفعل بس مش على جهاز عادم ... ظبطة بالرؤية كدة عند ميكانيكى .. حضرتك فكرتنى بنقطة مهمة

        العربية حاليا بعد التليين مشيت 2950 كيلو بس حتى وقتنا هذا ... هل ممكن دة يكون السبب ؟ انى لسة مكملتش حتى 3000 ك بعد العمرة ؟ بس هى كانت بتشم البنزين قبل موضوع الكربراتير الصيني والعك دة ... بس من قبل مركب الكربراتير
        الصيني ... الكربراتير بتاعها كانت شغال كويس لحد مبقى يقطع بوجيهات واستهلاك فظيع كان بيعمل بالكتير 150 ك ف التفويلة ! .. ودخنة سودة وعرفت طبعا ان الكربراتير كدة بايظ صلحتة 3 مرات وف كل مرة يشتغل كويس جدا شهرين
        ويـــشم بنزين شم ... وبعد كدة ترجع لة الحالة ويبوظ .. لحد مزهقت من مصاريف المسكنات والعطلة .. فقلت اشتري جديد
        زيرو ... ورجعتة للبائع ... ثم اشتريت الاستيراد اللى راكب حاليا .. مقصد قولي انها كانت بتشم البنزين لحد ما اصاب
        الكربراتير حالة جنون وباظ وغيرتة . فرأيكم ما السبب ؟ انا ظبط تاكيهات فى التفويلة اللى فاتت وكنت معتقد انها السبب
        زى مقال الميكانيكى وواضح ان ملهاش علاقة وقالى لازم تسيب التنك يفضى خالص ودى حصلت بالفعل سبتها لحد مخلص
        البنزين نهائى
        اهم مواضيعى عن الريجاتا : بداخل عضويتى
        عدنا بكل قوة للرابطة .. م / Hussein
        مبرمج ومالك لشركة برمجيات وتصميم مواقع الانترنت

        Comment


        • #5
          جبت كاربراتير استيراد و البكات جديدة ولا بتاعتة ؟؟
          [CENTER][COLOR=sandybrown]الفورد عربية بشوات[/COLOR][/CENTER]
          [CENTER][COLOR=#0040ff][B][U]I'm not so Rich [/U][/B][/COLOR][COLOR=#0040ff][B][U]to buy Cheap things[/U][/B][/COLOR][/CENTER]
          [CENTER][FONT=Arial][SIZE=1][COLOR=orange][B][U]صرفت على 128 ضعف الي صرفتة على فورد في نفس المدة و عجبي[/U][/B][/COLOR][/SIZE][/FONT][/CENTER]
          [CENTER][URL]http://www.nilemotors.net/Nile/91508-a.html[/URL][/CENTER]

          Comment


          • #6
            المشاركة الأصلية كتبت بواسطة ayabooy مشاهدة المشاركة
            جبت كاربراتير استيراد و البكات جديدة ولا بتاعتة ؟؟
            البكات بتاعتة .. ولما قلت لة نغيرها فكها وحلف لى انها كويسة وانة مش هيخسر حاجة انة يبيع لى بكات
            وقالى هو كدة بحالتة كويس
            اهم مواضيعى عن الريجاتا : بداخل عضويتى
            عدنا بكل قوة للرابطة .. م / Hussein
            مبرمج ومالك لشركة برمجيات وتصميم مواقع الانترنت

            Comment


            • #7
              لا تجيب بيكات جديدة بالمقاسات بتاعت الفبريكة و طقم كهرباء و بوجيهات و تظبط في البنزينة يبقي كدة انت عدام العيب و طبعا تتاكد من جودة الخراطيم بتاعت البنزين و موضوع خرطوم فايز التانك اتاكد انه كويس و جرب
              [CENTER][COLOR=sandybrown]الفورد عربية بشوات[/COLOR][/CENTER]
              [CENTER][COLOR=#0040ff][B][U]I'm not so Rich [/U][/B][/COLOR][COLOR=#0040ff][B][U]to buy Cheap things[/U][/B][/COLOR][/CENTER]
              [CENTER][FONT=Arial][SIZE=1][COLOR=orange][B][U]صرفت على 128 ضعف الي صرفتة على فورد في نفس المدة و عجبي[/U][/B][/COLOR][/SIZE][/FONT][/CENTER]
              [CENTER][URL]http://www.nilemotors.net/Nile/91508-a.html[/URL][/CENTER]

              Comment


              • #8
                المشاركة الأصلية كتبت بواسطة ayabooy مشاهدة المشاركة
                لا تجيب بيكات جديدة بالمقاسات بتاعت الفبريكة و طقم كهرباء و بوجيهات و تظبط في البنزينة يبقي كدة انت عدام العيب و طبعا تتاكد من جودة الخراطيم بتاعت البنزين و موضوع خرطوم فايز التانك اتاكد انه كويس و جرب
                حاضر هجيب بكات .. انا مفكرتش فيها لان العادم مفهوش دخنة سوداء والحرق جيد وسحب المكنة ممتاز
                لكن هجبها واجرب .. بالنسبة لطقم الكهرباء .. البوبينة والكوندسر لة 5 شهور بل اقل . البوجيهات والسلوك تم تغييرهم مع تركيب
                الكربراتير الاستيراد لتجربتة وتم فحص الكهرباء والبنزين المستخدم 90 .. وحاليا فولت امبارح 92 ! للتجربة رغم غلائة
                بس حسيت بفرق بين بنزين 90 و 92 فى السحب ... اما بنزين تمانين فلا وجة مقارنة نهائى !!! ولم استخدمة سوى اثناء التليين ومرة قبل العمرة ولم احبة
                بالنسبة لجودة خراطيم البنزين هى من ناحية الحوض باينة ممتازة وجيدة ولا يوجد ثقوب .. اما جودتها من ناحية التنك
                فالله اعلم ! بفكر افك التنك بكرة واراجع على كل الخراطيم رغم انى مش شايف اي بنزين تحت العربية .
                اشكرك استاذى على المتابعة ... ورأيك هل اقم بفك التنك غدا ومراجعة الدورة كلها ؟ ولا ملهاش لازمة طالما مفيش حاجة
                تحت العربية ؟ واشك ف اية تانى افحصة هو كمان يكون سبب استهلاك البنزين ؟ سألت 2 ميكانكية اعرفهم طبعا كل واحد افتى بحاجة ملهاش علاقة بالتانية
                ولانهم عرفيين انى قاعد ولازق معاهم معظم الوقت ولدى خلفية ببعض الامور الميكانكية فرد واحد وقالى بصراحة معرفش بس انا هجرب كل حاجة وهتبقى تجربة
                يعنى هنقلبها من ريجاتا لفأر تجارب :)
                اهم مواضيعى عن الريجاتا : بداخل عضويتى
                عدنا بكل قوة للرابطة .. م / Hussein
                مبرمج ومالك لشركة برمجيات وتصميم مواقع الانترنت

                Comment


                • #9
                  مبروك ياباشا الكربراتير الجديد الاستيراد
                  فاكرني ولا لا ؟
                  الله يعينك انا نفسي اعرف بس انت رحت فين في العيد غطست غطسة جامده وماحدش عرف عنك حاجة من ساعة الكربراتير الصيني الله لا يرجعه ويحرق اللي بيبعوه
                  ردا على موضعكم العمليه بتاعت ظبط استهلاك الوقود دي محتاجه معلومات فنية متخصصة عن الريجاتا وعشان المعلومات دي تتزبط لازم ناخد وقت كافي عشان نقدر نجيبها الا اذا كان عند حضرتك مصادر معينه جاهزة او معلومات قلنا عليها عشان نقدر نفيدك وهاديك شوية طلبات كدا هي اللي هاتحكم الشغل بتاعنا
                  1: عندك المانوال بتاع موديل عربيتك وموديل موتورك ؟ اطلع عليه مهم جدا هاتعرف منه اي موتور بيركب عليه اي كربراتير وممكن تلاقي فيه حاجه عن الاستهلاك .
                  2: المعلومات الرسميه الصادرة عن الشركة الخاصة باستهلاك البنزين عندك في الموتور بتاعك والكربراتير بتاعك متوافره عندك ولا لا ؟ وهل في فرق مابينها ومابين استهلاك البنزين عندك هل بحثت عالنت او في الحياة العادية اصحاب ريجاتا تانيين ولقيت حد بيقول انه فيه استهلاك افضل لنفس موتورك ونفس نوع الكربراتير او مواتير وكربراتيرات مختلفة ( يعني عايزين نعرف الاستهلاك النظري والعملي بس لحد غيرك عشان نعرف احنا صح ولا غلط ).
                  3: عندك مانوال خاص بالكربراتير اللي انت ركبته بيشرح وظائف ومقاسات البيكات بتاعته والاسلاك والخراطيم اللي فيه وطريقة فكه وتركيبه ولا لا ؟ لو ماعندكش انصحك اطلع عليها عشان دي هي اللي هاتحكم اذا كان الكربراتير مناسب للموتور عندك ولا لا ؟
                  4 : الحكم في فترة التليين ليس مقياس مزبوط زي ما الاخ قال ودا احتمال لازم بتحط في الحسبان
                  وعلى جميع الاحوال الحمدلله
                  انت جبت الكربراتير منين وبكام؟ وعملت صيانه للقديم فين ومعجبكش شغلهم ؟ واللي ركب الكربراتير الجديد دا فين ومن ؟
                  كلفتك كام العمليات دي كلها مع الصنايعية

                  Comment


                  • #10
                    المشاركة الأصلية كتبت بواسطة mbx4e مشاهدة المشاركة
                    مبروك ياباشا الكربراتير الجديد الاستيراد
                    فاكرني ولا لا ؟
                    الله يعينك انا نفسي اعرف بس انت رحت فين في العيد غطست غطسة جامده وماحدش عرف عنك حاجة من ساعة الكربراتير الصيني الله لا يرجعه ويحرق اللي بيبعوه
                    ردا على موضعكم العمليه بتاعت ظبط استهلاك الوقود دي محتاجه معلومات فنية متخصصة عن الريجاتا وعشان المعلومات دي تتزبط لازم ناخد وقت كافي عشان نقدر نجيبها الا اذا كان عند حضرتك مصادر معينه جاهزة او معلومات قلنا عليها عشان نقدر نفيدك وهاديك شوية طلبات كدا هي اللي هاتحكم الشغل بتاعنا
                    1: عندك المانوال بتاع موديل عربيتك وموديل موتورك ؟ اطلع عليه مهم جدا هاتعرف منه اي موتور بيركب عليه اي كربراتير وممكن تلاقي فيه حاجه عن الاستهلاك .
                    2: المعلومات الرسميه الصادرة عن الشركة الخاصة باستهلاك البنزين عندك في الموتور بتاعك والكربراتير بتاعك متوافره عندك ولا لا ؟ وهل في فرق مابينها ومابين استهلاك البنزين عندك هل بحثت عالنت او في الحياة العادية اصحاب ريجاتا تانيين ولقيت حد بيقول انه فيه استهلاك افضل لنفس موتورك ونفس نوع الكربراتير او مواتير وكربراتيرات مختلفة ( يعني عايزين نعرف الاستهلاك النظري والعملي بس لحد غيرك عشان نعرف احنا صح ولا غلط ).
                    3: عندك مانوال خاص بالكربراتير اللي انت ركبته بيشرح وظائف ومقاسات البيكات بتاعته والاسلاك والخراطيم اللي فيه وطريقة فكه وتركيبه ولا لا ؟ لو ماعندكش انصحك اطلع عليها عشان دي هي اللي هاتحكم اذا كان الكربراتير مناسب للموتور عندك ولا لا ؟
                    4 : الحكم في فترة التليين ليس مقياس مزبوط زي ما الاخ قال ودا احتمال لازم بتحط في الحسبان
                    وعلى جميع الاحوال الحمدلله
                    انت جبت الكربراتير منين وبكام؟ وعملت صيانه للقديم فين ومعجبكش شغلهم ؟ واللي ركب الكربراتير الجديد دا فين ومن ؟
                    كلفتك كام العمليات دي كلها مع الصنايعية
                    اهلا اهلا استاذ " محمد " وهل يخفي القمر ؟ حضرتك نار على علم طبعا " طالما اسمك فى توقيعك يبقى سهلت الامور علينا "
                    ههههههه :) .. بالنسبة للى عملتة بعد كدة . مصدقت فضيت شوية وقلت هكتب فى نايل موتورز ولقيت نايل موتورز وقتها عطلان .. المشكلة الفنية اللى صادفت استاذ كريم .. وللاسف موضوعى طار مع اللى طارو وقتها .. موضوع الكربراتير الصيني ! .
                    عموما الحمد لله بعد العيد بيوم جبت كربراتير استيراد وركبتة وكلة تمام .. بالنسبة للاستهلاك ففعلا دورت وناتج البحث
                    انها فى اقصى حالتها بتعمل 15 كـ ف اللتر وفى كتالوج تانى بيقول انها بتعمل اكتر من كدة .. بس الكلام دة كلة
                    على الزيــرو .. يعنى وهي لسة بحالتها .. فأحنا نقول لو عملت 10 كـ ف اللتر رضا .. وفية ناس بتعمل معاهم 12ك ف اللتر
                    بعد تركيب الجديد حسيت ان الاستهلاك عالى .. بداية احساسى بدة لما ركب الصيني وبعد متخلصت منة وركبت دة ولسة فية مشكلة الاستهلاك دى .. وللاسف الميكانيكى اللى بتعامل معة شغال لوحدة وزى متقول صعب انة لوحدة ويفك دورة البنزين كلها ونفحصها من الالف للياء .. وعلشان اروح لغيرة اتعرفت انى بتعامل مع غيرهم لانى مريت على ميكانكية كتير
                    وطالما اتعاملت مع غيرة مش هيساعدك ف حاجة " منطق غريب " .. عموما وانا لسة ببحث ف موضوع الاستهلاك
                    العالى حصلت مشكلة نسيتى الموضوع ... الميكانيكى طلب انى اسيب التنك لحد ميفضى نهائى لانــة مش مــصدقنى
                    فى موضوع الاستهلاك ومازال لحد دلوقت بيقولي مستحيل .. المهم مشيت على كلامة والتنك فضى نهائى وانا ع الدائري
                    حطيت بنزين 92 ودة كان الموجود وقتها .. وانا مشغلها على بنزين 90 دايما .. فقلت 92 فرقة بسيط 10 قروش ف اللتر
                    وياريتنى معملت كدة ... العربية اتكتمت ومبقتش بتسحب وعطلت بيا كتير ف الطريق وسحب مفيش نهائى ولما اضغط بنزين تتخنق وتبطل ! .. وطبعا بقت اقف ف الشارع وافك العمة والكربراتير والبكات وغيرت فلتر البنزين ومشيت بيها شوية وسحب مفيش لحد متوصلت للعيب .. العيب فى حاجتين علشان اللى صادفة نفس مشكلتى :
                    1 - اسبراتير بوش وبالتالى كهربة مش مظبوطة او تكاد تكون مفيش بتفصل كهربة
                    2 - الكربراتير مخنوق وهروح بكرة بأذن الله لمتخصص كربراتير يفكة يشوفة ممكن يكون التنك لما فضى دخل لة رواسب

                    ولذلك نصيحة لاى عربية سواء كانت حديثة او قديمة انك لا تنتظر الى ان تضيئ اللمبة الخاصة بأقتراب نفاذ البنزين
                    يعنى لو كنت دخلت بنزينة ومونت مكنتش حصل كدة .. الحمد لله على كل شيئ .

                    بالنسبة لسؤال حضرتك :
                    الكربراتير سعرة ف السوق 300 ج .. جبتة من واحد على 200 ج فكة من موتورة " كان مغير موتور بموتور لانشيا "
                    ويعتبر سعرة لقطة .. القديم عملت لة صيانة فى ورشة اسمها " ياسر وخيري "
                    عنوانة : ش الجسر .. عند مصنع المكرونة .. شبرا ..
                    وصف طريق : وانت ماشى على كورنيش النيل بعد ماسبيرو والبنك المتحد تانى يمين ثم يمين تانى وهناك ابدء اسأل
                    بالنسبة لخبرتة : الله اعلم علشان مظلموش .. بس الكربراتير لعب فية اكتر من واحد وبالتالى معرفش هو صلحة ولا بوظة
                    عموما موضوع اكس وباب والكلام دة مسكن واي لعب ف الكربراتير غير النضافة ملوش لازمة وبيجيب أجل الكربراتير
                    بناءاَ على تجربتى .. يعنى استيراد احسن وافضل .. بدل متصلح بـ 50 ج ويشتغل شهر ويضرب .. اللى ركب الكربراتير الجديد .. مش هقولك مين .. ههههههههه .. قريباَ هغير مهنتى واشتغل ميكانيكى .. اسعدنى وجودك وردك استاذ " محمد"
                    اهم مواضيعى عن الريجاتا : بداخل عضويتى
                    عدنا بكل قوة للرابطة .. م / Hussein
                    مبرمج ومالك لشركة برمجيات وتصميم مواقع الانترنت

                    Comment


                    • #11
                      المشاركة الأصلية كتبت بواسطة nicegypt مشاهدة المشاركة
                      اهلا اهلا استاذ " محمد " وهل يخفي القمر ؟ حضرتك نار على علم طبعا " طالما اسمك فى توقيعك يبقى سهلت الامور علينا "
                      تسلم ياريس دا من ذوقك وبلاش استاذ دي محمد كفاية
                      فى موضوع الاستهلاك ومازال لحد دلوقت بيقولي مستحيل .. المهم مشيت على كلامة والتنك فضى نهائى وانا ع الدائري

                      حطيت بنزين 92 ودة كان الموجود وقتها .. وانا مشغلها على بنزين 90 دايما .. فقلت 92 فرقة بسيط 10 قروش ف اللتر
                      موقف وحش بالذات لو ماكنتش عامل حسابك
                      المفروض كنت ترجع الكربراتير او تشرط على البايع انه لو ماعجبكش استهلاكه ترجعه بلمناسبه نوعه ايه ورقم موديله ايه ( اكيد ويبر )
                      لو تعرف رقم موديله يبقى وفرت عليا لف و دوران هات رقمه واعملك عليه سيرش على النت ادورلك على المانوال بتاعه اللي في طريقة الزبط السليم ونجرب او حتى بشكل نظري نفهم ايه الكلام

                      وياريتنى معملت كدة ... العربية اتكتمت ومبقتش بتسحب وعطلت بيا كتير ف الطريق وسحب مفيش نهائى ولما اضغط بنزين تتخنق وتبطل ! .. وطبعا بقت اقف ف الشارع وافك العمة والكربراتير والبكات وغيرت فلتر البنزين ومشيت بيها شوية وسحب مفيش لحد متوصلت للعيب .. العيب فى حاجتين علشان اللى صادفة نفس مشكلتى

                      دا بسبب الرواسب اللي دخلته الكربراتير
                      1 - اسبراتير بوش وبالتالى كهربة مش مظبوطة او تكاد تكون مفيش بتفصل كهربة ايه اللي بوشه دا ؟
                      2 - الكربراتير مخنوق وهروح بكرة بأذن الله لمتخصص كربراتير يفكة يشوفة ممكن يكون التنك لما فضى دخل لة رواسب دا شي مؤكد وياريتك ماعملتها بس الحمدلله سليمه ياريس
                      بالمناسبه انت فكفكنه ولا لسه فابريكا لو مفكتوش ومش عاجبك ممكن ترجعه ؟ لو مانفعش يبقى يتنظف ويتركب صح وانشاء الله يبقى تمام

                      ولذلك نصيحة لاى عربية سواء كانت حديثة او قديمة انك لا تنتظر الى ان تضيئ اللمبة الخاصة بأقتراب نفاذ البنزين
                      يعنى لو كنت دخلت بنزينة ومونت مكنتش حصل كدة .. الحمد لله على كل شيئ .

                      بالنسبة لسؤال حضرتك :
                      الكربراتير سعرة ف السوق 300 ج .. جبتة من واحد على 200 ج فكة من موتورة " كان مغير موتور بموتور لانشيا "
                      ويعتبر سعرة لقطة .. القديم عملت لة صيانة فى ورشة اسمها " ياسر وخيري "
                      عنوانة : ش الجسر .. عند مصنع المكرونة .. شبرا ..
                      وصف طريق : وانت ماشى على كورنيش النيل بعد ماسبيرو والبنك المتحد تانى يمين ثم يمين تانى وهناك ابدء اسأل
                      بالنسبة لخبرتة : الله اعلم علشان مظلموش .. بس الكربراتير لعب فية اكتر من واحد وبالتالى معرفش هو صلحة ولا بوظة
                      عموما موضوع اكس وباب والكلام دة مسكن واي لعب ف الكربراتير غير النضافة ملوش لازمة وبيجيب أجل الكربراتير
                      بناءاَ على تجربتى .. يعنى استيراد احسن وافضل .. بدل متصلح بـ 50 ج ويشتغل شهر ويضرب .. اللى ركب الكربراتير الجديد .. مش هقولك مين .. ههههههههه ..
                      اكيد انت صح؟
                      قريباَ هغير مهنتى واشتغل ميكانيكى . شكلك ناويها لو حبيت اي مساعده انا تحت امرك اصل انا نفسي اقلب بس ما نخلص دراسة الاول

                      . اسعدنى وجودك وردك استاذ " محمد"
                      ما قلنا بلاش استاذ ربنا معاك

                      Comment


                      • #12
                        طمنا عندك جديد يا أ. nicegypt ؟
                        [CENTER][FONT=Comic Sans MS]


                        [/FONT][/CENTER]

                        Comment


                        • #13
                          طالما مش انجكشن مونها80 وبردو تبقى تشوف موضوع الاستهلاك ده بعدين...اجمل حاجة فى ال80 ان الواحد مابيحسش بالاستهلاك
                          [CENTER]نص مخى شريحة الكترونية ونصه التانى ماتور عربية
                          [/CENTER]
                          محمود حمودة...صيدلى عاشق للهندسة

                          Comment


                          • #14
                            المشاركة الأصلية كتبت بواسطة mahmoodallam مشاهدة المشاركة
                            طمنا عندك جديد يا أ. Nicegypt ؟
                            لا لسة .. الجديد انى حطيت بنزين 90 امبارح فوق الـ 92
                            حط 21 لتر فقط اللى نقصو .. الكيلو متر اللى عملتهم 110 ك يعنى كدة اللتر الواحد الـ 92 عمل 5 كيلو
                            مفرقش عن 90 ف حاجة ف الاستهلاك .. بس صوت الموتور يكاد يكون غير مسموع .. سحب وتجميع سرعة ما شاء الله
                            بمشى ع الخامس والرابع بالليل لانها بتجمع الاول والتانى بسرعة وبثبت رجلي ع التالت .. فايقة جدا ما شاء الله

                            المشاركة الأصلية كتبت بواسطة cars sniper مشاهدة المشاركة
                            طالما مش انجكشن مونها80 وبردو تبقى تشوف موضوع الاستهلاك ده بعدين...اجمل حاجة فى ال80 ان الواحد مابيحسش بالاستهلاك
                            مشكلة الـ 80 اولا الزحمة الرهيبة .. ثانيا العربية مش بتتفول .. يحط لك صفيحة او صفيحة ونص ويقولك كفاية كدة اللى بعدوو
                            تيجي تكلمة تبص تلاقى اللى وراك يقولك كفاية يعم يمشوك اسبوعين توكل .. ثالثا صوت الموتور بيكون عالى وسحب سيئ
                            رابعاَ : مفيش ميكانيكى عارف يظبطها على 80 .... كل ما تتظبط على تمانين شوية وتتبرجل .. بصراحة فية فرق بين التمانين
                            والتسعين رهيب .. كفاية معاملة عامل البنزينة .. بالاضافة انى من ساعة معملت عمرة للموتور وشديت العربية مبقتش بتشم
                            التمانين .. معودها على تسعين زى الفل معاها . دى كانت ملحوظاتى بالنسبة للفرق بين التمانين والتسعين للريجاتا
                            اهم مواضيعى عن الريجاتا : بداخل عضويتى
                            عدنا بكل قوة للرابطة .. م / Hussein
                            مبرمج ومالك لشركة برمجيات وتصميم مواقع الانترنت

                            Comment


                            • #15
                              بص يا سيدي انا عندي كربراتير قديم
                              انت عارف ان انا اشتريت مكنة جديدة استيراد بكل ملحقاتها
                              كرابراتير المكنة القديمة لسة عندي موجود زي ما هو راكب في المكنة القديمة لو عايز تاخدو وتركبو عندك وتشوف الاستهلاك هيقل ولا لأ ؟
                              ما عنديش اي مانع
                              وهو كان في مشكلة ان الباب التاني لما بيفتح ساعات كان بيعلق وما يرجعش تاني والميكانيكي بتاعي كان عامله سسته زيادة كدا كانت ضابطاه .
                              هو المهم دلوقتي تعرف سبب الاستهلاك العالي ده منين ؟
                              لو لاحظيت فرق مع تغيير الكربراتير ، يبقى مشكلة كربراتير وساعتها لو بتاعي مشي معاك اعتبرو هدية مني ليك .
                              ولو ما مشيش انا بقترح عليك تركبلها كربراتير شاهين ، كان في عضو هنا اسمه HotRide
                              العضو ده كان عمل الموضوع ده في عربيته في موضوع ليسه هو كاتب ا لكلام ده
                              ممكن تتواصل معاه عالخاص .
                              [CENTER][FONT=Comic Sans MS]


                              [/FONT][/CENTER]

                              Comment

                              Working...
                              X