العربية صدعتنى

[hulk_jotun]

السلام عليكم ورحة الله و بركاتة
امبارح و النهارده سافرت بالعربية على الطريق جابت اخرها 140 و حسيت العربية هتسبنى و تمشى (هتتفكك):b4_592:
و الصوت بتاع المكنة عالى جدا هى ما شاء الله فى الثبات مش وحشة بس انا عاوز صوتها ينعم شوية لانها بجد صدعتنى
مع العلم انا بخلط فى البنزين يعنى بحد 80 على 90 مرة كده و مرة كده فهل ده ليه تاثير على المكنة

[maroguidehouse]

طبعآ لازم تحدد نوع البنزين الملائم للمكنه لأن التغير بيبوظ العربيه
انا بحط 92 و لما بستنى شويه و يصل لربع التنك و اجي امون العربيه بتتلخبط اش حال لو غيرت النوع
الافض تسبت على 90

[mohamed_e36]

وانا برضو لاحظت موضوع برجله المكنه لما تحطلها 80 و90 ياريت فعلا تثبت على حاجه معينه ويفضل ال 90 لان ال90 تحس انو بيهدي المكنه ويخلي سحبها احسن

[zezmograby]

ممكن يكون الاسطوانة خلصت

[amro1965]

على فكرة بالنسبه تحديد نوع البنزين بيفرق فى كل شىء فى الموتور
صاحب السيارة كان بيمون 90 ولما اخذتها كانت تمام وبعدها بدات امون 80 الكهرباء اتبرجلت وتبطيل على السلاسنية
المهم ذهبت للميكانيكى واشار على تثبيت البنزين الاول وبعده يظبط عليه قلت له اظبطها على 80 ومن ساعتها والسيارة تمام
بالاضافه الى عدم استهلاك وقود اكثر

[zezmograby]

كل بنزين ولية ظبطتو و كهربتو وال 80 زي الفل

[SHNORY]

وانت ماشي علي سرعه عاليه مور العربيه وشيل رجلك من علي البنزين
لو الصوت عالي برضه
يبقي ده رولمان بلي العجل تغير ورا وقدام وان شاء الله العربيه حتتظبط

[aYaBooY]

اولا سرعة 140 مع عربية دفع خلفي لازم يكون صوتها صداع
بس انت تشوف الاول مصدر الصوت هل هو عادي ولا فيه مشكلة
اولا تشوف عدد لفات الموتور مع السرعة مناسب ولا زيادة لو زيادة يبقي العربية محتاجة طقم دبرياج
ثانيا فيه ونة من الكرونة ولا الدنيا ناعمة و كويسة لو فيها حاجة تتعمل
ثالثا صوت بلي العجل و ده يتراجع عليه واحدة واحدة
رابعا الشكمان لو الصوت عالي قوي ممكن تزود علبة