استفسار بخصوص رش العربية

[Car's Sniper]

السلام عليكم ورحمة الله وبركاته
معايا عربية نوبيرا سودا وعايز ارشها كلها ماعدا السقف والقوايم

فكنت عايز اعرف من ذوى الخبرة
1.ايه انضف انواع الرش(ميتاليك)؟
2.وايه الاضرار من الرش عن الفابريكة...يعنى اللون ممكن يبهت بسهولة ؟؟ ولا ايه؟؟
3.تكلفة الرش كله بالفرن حتبقى فى حدود كام وتكلفة السمكرى(عشان حكات خفيفة فى الجوانب) 4.هتاخد وقت اد ايه؟؟



ياريت اللى يرد يقول رأيه فى الرش لانى متردد فى موضوع الرش ده
العربية فابريكة مو 97.. هى محكوكة من الناحية اليمين بس..فمش عاوز ارش ناحية والاقيها مختلفة عن باقى العربية
وشكرا مقدما

[Car's Sniper]

ايه الصحرا دى؟؟!!

[Ashraf_Ibrahim]

في الحقيقة كان نفسي اساعدك بس للأسف معنديش معلومات

[saadelden]

اعتقد اللون الاسود سهل يتعمل و يطلع مظبوط ف الرش

لو عايز شغل صح يبقى ترش العربيه كلها ( بس دا لو فيها شغل كتير )
لكن لو حاجات بسيطه بتترش لوحدها

[retaliation]

انا مش عارف افيدك بصراحه فى حكاية الرش
بس لو بوية العربيه مش متبهدله لأوى ممكن تسيبها و ترش الجزاء المحكوكه بس ده لو بتفكر فى بيع قريب بتفرق لو العربيه بوية الفابريكه

[Moe86]

يعنى مش هايبقى فى فرق واضح فى الجزء المرشوش عن باقى العربية, لوصنايعنى كويس اللى عملها ؟

[Car's Sniper]

في الحقيقة كان نفسي اساعدك بس للأسف معنديش معلومات

يكفينى مرورك ياباشا

اعتقد اللون الاسود سهل يتعمل و يطلع مظبوط ف الرش

لو عايز شغل صح يبقى ترش العربيه كلها ( بس دا لو فيها شغل كتير )
لكن لو حاجات بسيطه بتترش لوحدها

ربنا يطمنك يا سعد باشا...للاسف مش هاعرف ارش العربية كلها عشان مايتخسفش بتمنها الارض لو صنايعى عرف انى رشيت السقف...حضرتك عارف ثقافتهم الضايعة...مع انه لو شاف السقف من جوة مش هيلاقى اى سمكرة او حتى نقر

انا مش عارف افيدك بصراحه فى حكاية الرش
بس لو بوية العربيه مش متبهدله لأوى ممكن تسيبها و ترش الجزاء المحكوكه بس ده لو بتفكر فى بيع قريب بتفرق لو العربيه بوية الفابريكه

الجنب اليمين عندى فيه حكات كتير والكبوت حتت منه قشرت...فماجتش على الجنب الشمال كمان والشنطة اللى كل من هب ودب يرسملى قلوب وقصص حبه عليها

يعنى مش هايبقى فى فرق واضح فى الجزء المرشوش عن باقى العربية, لوصنايعنى كويس اللى عملها ؟

الحمد لله معظم بوية العربية وخاصة القوايم لسة محتفظة ببريقها...عشان كدة مش هارشها وانا مطمن انها مش هتبان انها مش مرشوشة

وشكرا جزيلا لردود حضراتكوا

[فادى محمد]

احسن انواع البوهيه (بلغه الصنايعيه)هي السيكنز .

[Car's Sniper]

احسن انواع البوهيه (بلغه الصنايعيه)هي السيكنز .

شكرا لرد حضرتك...ان شاء الله هاشوف ايه ظروف سعرها والفرق بينها وبين الانواع التانية

[A7MED_PHARMA]

سكينز طبعا هيا افضل الانواع المتاحة
والوقت حسب الصنايعي..يعني 3 أو 4 أيام لو راجل محترم وبينجز
والتكلفة مش هتقل عن - والله أعلم- 1300 وإنت طالع

[Car's Sniper]

سكينز طبعا هيا افضل الانواع المتاحة
والوقت حسب الصنايعي..يعني 3 أو 4 أيام لو راجل محترم وبينجز
والتكلفة مش هتقل عن - والله أعلم- 1300 وإنت طالع

ربنا يسهل والصنايعى مايكنش حوت فلوس...هو رش عربية والدى الرفرف الورانى بالسمكرة ب250 او 300 جنيه (مش فاكر بالظبط)...بس شغله نضيف جدا ومافيش فرق بين الفابريكة والرش
شكرا لرد حضرتك يادكتور

[A7MED_PHARMA]

ربنا يسهل والصنايعى مايكنش حوت فلوس...هو رش عربية والدى الرفرف الورانى بالسمكرة ب250 او 300 جنيه (مش فاكر بالظبط)...بس شغله نضيف جدا ومافيش فرق بين الفابريكة والرش
شكرا لرد حضرتك يادكتور

بص ياحودة
صنايعي الدوكو مش بيسمكر..بيعمل معجون ويسنفره ويبطنه ويرشه
بس 300 جني في رش رفرف..كتيرررررر
ده بيستعبط
أنا لما عملت عتب وكساحات..روحت رشيت الاكصدامين امامي وخلفي ..ورشيت العتبتين
أخد 200 جنيه بس
لو العربية هتترش بس من غير معجون أو حاجات زي كده
يبقا تشوف صنايعي عادي..وتتفقع معاه على مصنعيته..وإنت تجيب الخامات وتوديها الفرن الي انت تختاره
خد بالك ان بتاع الدوكو مش بيرشها..لااااااااا
ده بيجهزها بس معجون وسنفرة وبطانة..والصنايعي بتاع الفرن هوا الي بيرش

[Car's Sniper]

بص ياحودة
صنايعي الدوكو مش بيسمكر..بيعمل معجون ويسنفره ويبطنه ويرشه
بس 300 جني في رش رفرف..كتيرررررر
ده بيستعبط
أنا لما عملت عتب وكساحات..روحت رشيت الاكصدامين امامي وخلفي ..ورشيت العتبتين
أخد 200 جنيه بس
لو العربية هتترش بس من غير معجون أو حاجات زي كده
يبقا تشوف صنايعي عادي..وتتفقع معاه على مصنعيته..وإنت تجيب الخامات وتوديها الفرن الي انت تختاره
خد بالك ان بتاع الدوكو مش بيرشها..لااااااااا
ده بيجهزها بس معجون وسنفرة وبطانة..والصنايعي بتاع الفرن هوا الي بيرش

ايون انا عارف ان السمكرى غير بتاع الرش...بس والدى ادى للراجل العربية زى ماهى وسلمهاله خالصانة
الرفرف كان مخبوط خبطة قوية ومكانتش عالبارد..فممكن يكون ده سبب زيادة السعر
بس لو فعلا زى ماحضرتك بتقول ب200 جنيه فيبقى الراجل اللى والدى راحله ده غالى جدا...بس شغله نضيف جدا جدا جدا
الف شكر مرة تانية لحضرتك يادكتور

[A7MED_PHARMA]

ايون انا عارف ان السمكرى غير بتاع الرش...بس والدى ادى للراجل العربية زى ماهى وسلمهاله خالصانة
الرفرف كان مخبوط خبطة قوية ومكانتش عالبارد..فممكن يكون ده سبب زيادة السعر
بس لو فعلا زى ماحضرتك بتقول ب200 جنيه فيبقى الراجل اللى والدى راحله ده غالى جدا...بس شغله نضيف جدا جدا جدا
الف شكر مرة تانية لحضرتك يادكتور

كنت جبت رفرف إسود بــ 100-150 جنيه
وخدله 70-100 جنيه في الرشه
وكان هيبقا أحسن من المعجون
خير
ربنا معاك

[Car's Sniper]

كنت جبت رفرف إسود بــ 100-150 جنيه
وخدله 70-100 جنيه في الرشه
وكان هيبقا أحسن من المعجون
خير
ربنا معاك

تصدق فكرة يادكتور احسن من السمكرة ووجع الدماغ
منكم نستفيد والله
الف شكر يا دكتور