العربيه بتنتش و بتطفي بعد تغير البوجيهات

[volk]

مساء الخير يا جماعه

انهارده حصلتي مشكله غريبه

كنت واقف عند الميكانيكي مع واحد صاحبي لعربيه المهم قلت اغير البوجيهات نظافه

جبت نوع اسمه njk تقريبا ياباني ب 30 جنيه

المهم شلت القديمه لقيناها مرطبه المهم

بعد التركيب و مشي 5 كيلو بالظبط من الميكانيكي للبيت و انا ماشي لقيت العربيه طفت و مرضتش تشتغل المهم معرفش حصل ايه سبتها شويه لقيت العربيه اشتغلت

بعديها و انا ماشي لقيت العربيه بتنتش جامد

انا متئكد ان المشكله في البوجيهات الان المشكله حصلت من بعد اما غيرتها ياتري ايه المشكله يا جماعه الاني اتخنقت من التفكير

ملحوظه العربيه 128 موديل 90

شكرا جزيلا

[mohamed_e36]

انا بيتهيأالي البوجيهات ملهاش دعوه تمم على السلوك اللي راكبه في البوجيهات والاسبراتير والبوبينه تمم على السلوك دي انها راكبه كويس في مكانها لانها ممكن تكون بتفصل مع المشي بالعربيه والاهتزاز

[camalino]

سهله ان شاء الله

غير الكوندنسر واتاكد من الوصلات غالبا هو الكوندنسر وتمنه مش غالي ب 8 جنيه

بنسبه 80 في الميه الكوندنسر ويستحسن تجيب الفرنساوي

[kantoosh]

انا بيتهيأالي البوجيهات ملهاش دعوه تمم على السلوك اللي راكبه في البوجيهات والاسبراتير والبوبينه تمم على السلوك دي انها راكبه كويس في مكانها لانها ممكن تكون بتفصل مع المشي بالعربيه والاهتزاز

انا مع الراى ده لانه حصل معايا كده بالظبط واكتشفت بعد دوخه انى ما ركبتش السلك كويس وكمان لقيت بوجيه مش مربوط كويس وبيهرب

[ahmed2y]

العربية قبل التركيب ماشىة كويس هل غيرت حاجة تانية ؟ على كلام لا بوجيهات بس يعنى معامل واحد الى اتغير يبقى خاليك وارة زى ما قال الشباب شيك على السلوك وشوف الدنيا ازاى لكن متغيرش حاجة تانى والبوجيهات النت جبتها دى نوعها كويس ngk كويسة وبعد ما تشيك على السلوك والحاجات دى لو مفيش فايدة ركب القديمة تانى لو مشيت كويس يبقى عيب بوجيهات

[smsm_cato]

المشكله فى الكوندنسر حصلت معايا وكنت هتجنن وغيرت البوجيهات والابلاتين والسلوك بتاعة البوجيهات تظبط شوية وترجع تانى غيرت الكوندنسر ظبطت خالص