الفرامل امامي فقط و مش بتوقف خلفي

[volk]

مساء الخير يا جماعه

انا عندي سياره 128 موديل 90

الفرامل عندي بتضرب العجلتين اللي قدام لكن الخلفيتين مفيس تأثير

حتي فرامل اليد ضعيفه

ياتري هل محتاجه تيل فرامل خلفي ولا مشكله في السيرفو

شكرا ليكم

[samirayad]

تيل خلفى بحاجه للتغيير بنسبه كبيره

[ali.mahmoud]

لو فرامل اليد ضعيفة اوى يبقى تيل خلفى

[bassem.naguib]

تيل خلفى بحاجه للتغيير بنسبه كبيره

عود حميد يا باشمهندس سمير

لو فرامل اليد ضعيفة اوى يبقى تيل خلفى

+ 1
بالإضافة خلي الميكانيكي يعمل رجلاش لفرامل اليد .. ممكن يكون التيل مخلصش بس محتاج رجلاش فقط .

[volk]

تمام جدا شكرا ليكم

لكن ياتري سعر التيل الخلفي بكام

و استفسار اخر يعني ايه عمل رجلاش

شكرا جزيلا

[Ashraf_Ibrahim]

متابع

[bassem.naguib]

تمام جدا شكرا ليكم

لكن ياتري سعر التيل الخلفي بكام

و استفسار اخر يعني ايه عمل رجلاش

شكرا جزيلا

سعر التيل الخلفي مش حيزيد عن 80 جنية بالكتير (على ما أعتقد أو في الرنج ده) .. ويا ريت تجيب نوع كويس ومتسترخص .. علشان تريح دماغك من تصفير التيل .. ومتسمعش كلام حد أنك تملئ التيل لأنه موضوع فاشل .. ولو الطنابير الخلفية عندك فيها ريجة (عالي وواطي) حتحتاج تتخرط الأول قبل تركيب التيل الجديد .

كلمة رجلاش بصفة عامة المقصود بيها ربط صامولة أو ما شابه على محور معين لتقليل أو زيادة المسافة بين حاجتين .. وبالنسبة لفرامل اليد هو بمثابة تقريب التيل الخلفي من الطنابير .. وده بيتبعه إحكام لفرامل اليد وتقليل مسافة دوسة الفرامل .. أرجو أن أكون وفقت في الشرح بشكل مفهوم لأني مش عارف أعبر أحسن من كدة .

[windofchange]

المنتدي نور جزاكم الله خير