دة عيب زيت دة ولا اية ؟

[Silenty]

دلوقتى انا عامل نص عمرة من حوالى 3 شهور ولينت وغيرت بوجيهات وظبط تاكيهات والسحب بقى تمام والمكنة صوتها هادى وكل حاجة تمام وجيت بعد فترة بدئت اعانى من موضوع السخونة وصوت المكنة بقى عالى وبقى فى صوت تكتكة عالية كدة

المهم اكتشفت انى نسيت اغير الزيت اللى كنت بلين بية (زيت سايب) اللى بيتباع بالكيلو
روحت على طوول مغير لفسكو ngv بالغلط الاول وماستنتش علية يومين وروحت مغيرة لفسكو 2000
اللى حصل معايا بعد تغيير الزيت كالاتى

1-صوت المكنة هدى حاجات بسيطة ولسة فى صوت تكتكة ومارجعش الصوت زى الاول( هادى وواطى ) زى ماكان وانا حاطط الزيت السايب


2- اداء تبريد الزيت دة فوق الرائع لدرجة انى كنت احيانا الاقى العربية سخنت حاجات بسيطة بعد مشوار طويل واكتشف انى كنت ماشى بنص الردياتير فاضى بالصدفة

3- السحب اتحسن بنسية حوالى 30 فى المية عن الاول

4- ودة الاهم الزيت دة حاسسى انو عامل زى المية لدرجة انو بيقع من على المقياس بتاع الزيت
والسيب التانى الاهم انى عامل بية حاليا حوالى 1300 كيلو ولاقيت غطا التاكيهات كلو معرق زيت من فوق اكنو بخار زيت والاغرب لاقيت البطارية عليها بخار زيت برضو مش عارف جاى منين
مع العلم الزيت الحمد لله منقصش ولو نقص تبقى حاجات بسيطة اوى لاتذكر

المهم السؤال هنا هل دة عيب زيت ولا عيب حاجة فى الموتور م العلم ان الموتور كان زى الفل لغاية ما استهلكت الزيت القدبم (السايب)دة وبعد ما غيرت لفسكو ابتدى بخر الزيت دة او التعريق يظهر على غطا التاكيهات بالزات

فهل اغير لزيت انضف شوية زى فسكو 3000 مثلا ولا اغير فسكو خاالص عشان سمعت انو بيبقى تمام م مواتير ومواتير
ولا دة مش عيب زيت ؟؟!!

(العربية متسوبيى جالانت 79 1600cc )
معلش اسف للاطالة

[kantoosh]

انا برضه حصل معايا بخرة بعد ما غيرت لزيت فيسكو ngv كنت الاول حاطط موبيل ومكانش فيه تنشيع زيت ولا حاجه ودلوقتى بعد ما مشيت على فيسكو تقريبا نفس المسافه بتاعتك لقيت بخره طالعه من الموتور من الفايظ خفيفة ومن غطا الزيت مع ان المكنه والحمد لله كويسه والدليل انها بتطلع ميه مع كل دوارة الصبح يعنى الكبس تمام ما شاء الله يا ريت حد يفيدنا فى الموضوع ده

[Silenty]

انا برضه حصل معايا بخرة بعد ما غيرت لزيت فيسكو ngv كنت الاول حاطط موبيل ومكانش فيه تنشيع زيت ولا حاجه ودلوقتى بعد ما مشيت على فيسكو تقريبا نفس المسافه بتاعتك لقيت بخره طالعه من الموتور من الفايظ خفيفة ومن غطا الزيت مع ان المكنه والحمد لله كويسه والدليل انها بتطلع ميه مع كل دوارة الصبح يعنى الكبس تمام ما شاء الله يا ريت حد يفيدنا فى الموضوع ده

يعنى دة عيب فى الزيت انو بيتبخر بسرعة ولا اية ؟؟
ولسة فى عيب كمان اما كنت بقرص جامد على العربية كنت بشم ريحة شياط او حاجة بتتحرق
الاول شكيت فى الاسطوانة بس انا لسة جايب طقم دبرياج كامل جديد مباقلوش 3 شهوور
فممكن دة يكون ريحة الزيت برضو بيتحرق كل ما اقرص على العربية ؟؟!

[Silenty]

ارجو من السادة الاعضاء اللى جربو زيت فسكو الرد على استفسارى
هل عيب البخر دة من الزيت عشان هو خفيف اساسا ولا دة عيب عندى ؟؟

[saadelden]

صوت التكتكه دا عشان التكيهات مفتوحه شويه و دا عشان العربيه تبقى مستريحه و ماتسخنش

بخار الزيت لو الزيت الي قبله ماكنش بيعمل كدا يبقى جرب تغير الزيت بزيت تقيل