مساعده من فضلكم - جولف 2

[KaReeM10]

رجالة المنتدى المحترمين ..

ارجو المساعده من فضلكم.. دلوقتي انا معايا جولف 2 موديل 84 معدله بالكامل 90 (1600 كابراتير)

العربيه بدأت تطلع دخان ابيض من الشكمان + تسريب زيت وبالتالي الكل بينصحني بدل ما اصلحها اسقط مكنه جديده مره وحده .. الكلام ده مظبوط ولا ممكن تتعمل ؟؟ ولو اتعملت تتكلف كتير ؟؟؟

لو مش هتتصلح ولازم اسقط... انا عايز استفيد من خبرتكم لاني معنديش اي خبره في الموضوع ده

اجيب 2000 2e ولا 1800 bb ولا في حجات احسن ؟؟؟

انهي احسن وارخص وصيانتها اسهل وقطع غيارها متوفره واستهلاك بنزين اقل .. بمعنى انهي فيهم عمليه اكتر ؟؟؟

ياريت حد يقولي تكاليف تسقيط كل وحده كام بالظبط ومين احسن تاجر اشتري من عنده.. الحرفيين ولا بورسعيدولا ايه بالظبط؟؟

انا عايز مكنه كامله (تكييف + فتيس + عفشه)

ارجو الافاده واسف للاطاله .. وشكرا جزيلااااااااااااااااا ليكو.....

[Adham]

رأيي المتواضع انا لو مكانك اجيب موتور استيراد من بورسعيد فوراً, دة طبعاً لو الموتور مفوت و بتاكل زيت, لأن الدخان الابيض بيبقى بخار ماء, انما دخان الزيت بيبقى مزرق و يصاحبة نفخ من وش التاكيهات و نقص زيت (اتاكد انة مش تسريب من الجوانات) و ضعف سحب

و تجيب من بورسعيد اضمن و ارخص و افضل مليون مرة من الحرفيين, انا جبت موتورين جولف قبل كدة من بورسعيد من بنك الاسكان من الشيخ ناصر اللي جنب الفرن و الجامع اللي في بنك الاسكان, واحد 1300 كان ب 2000 ج و التاني كان 1800 موديل 90 بس كاربراتير كان ب 3200 بفتيس اوتوماتيك, الكلام دة من حوالي 14 سنة مثلا ههههههههه

اعتقد تجيب موتور 1600 او 1800 ال 16 صباب انجكشن افضل
و طبعا يكون كامل بالضفيرة و الكونترول يونيت و الفتيس

لانك لو صلحت موتورك حايصرف كتير علشان تجيب خامات اصلية مش اي عك ميكانيكية و في الاخر برضة النتيجه مش مضمونة

[KaReeM10]

رأيي المتواضع انا لو مكانك اجيب موتور استيراد من بورسعيد فوراً, دة طبعاً لو الموتور مفوت و بتاكل زيت, لأن الدخان الابيض بيبقى بخار ماء, انما دخان الزيت بيبقى مزرق و يصاحبة نفخ من وش التاكيهات و نقص زيت (اتاكد انة مش تسريب من الجوانات) و ضعف سحب

و تجيب من بورسعيد اضمن و ارخص و افضل مليون مرة من الحرفيين, انا جبت موتورين جولف قبل كدة من بورسعيد من بنك الاسكان من الشيخ ناصر اللي جنب الفرن و الجامع اللي في بنك الاسكان, واحد 1300 كان ب 2000 ج و التاني كان 1800 موديل 90 بس كاربراتير كان ب 3200 بفتيس اوتوماتيك, الكلام دة من حوالي 14 سنة مثلا ههههههههه

اعتقد تجيب موتور 1600 او 1800 ال 16 صباب انجكشن افضل
و طبعا يكون كامل بالضفيرة و الكونترول يونيت و الفتيس

لانك لو صلحت موتورك حايصرف كتير علشان تجيب خامات اصلية مش اي عك ميكانيكية و في الاخر برضة النتيجه مش مضمونة

شكرا جزيلا اهتمامك .. يعني دلوقتي حضرتك شايف اني اسقط 1800 احسن ؟؟؟

اصلي سمعت ان 2000 تو اي استهلاكه للبنزين قليل جدا + اداء عالي جدا

ياريت كمان لو حضرتك تعرف يتكلف كام دلوقتي

[Adham]

ال 2000 اداءة عالي جدا انا معاك , وفوق منة كما ال g60 و ال vr6 2.9 l

بس ماعرفش ان كان استهلاك الوقود افضل و للا لأ بصراحه, و هو نظرياً مفروض ان ال 2000 يستهلك اكتر من ال 1800 داخل المدينة

و اعتقد ان توافر قطع الغيار في صالح ال 1600 و ال 1800 و ان ال 2000 قطع غيارة غالية و مش متوفرة, اسأل فتح الباب او بتوع الفولكس الاول قبل اتشتشري علشان لو اسعار قطع غيار ال 2000 مبالغ فيها و مش متداولة عند محلات كتير يبقى بلاش منة

[KaReeM10]

ال 2000 اداءة عالي جدا انا معاك , وفوق منة كما ال g60 و ال vr6 2.9 l

بس ماعرفش ان كان استهلاك الوقود افضل و للا لأ بصراحه, و هو نظرياً مفروض ان ال 2000 يستهلك اكتر من ال 1800 داخل المدينة

و اعتقد ان توافر قطع الغيار في صالح ال 1600 و ال 1800 و ان ال 2000 قطع غيارة غالية و مش متوفرة, اسأل فتح الباب او بتوع الفولكس الاول قبل اتشتشري علشان لو اسعار قطع غيار ال 2000 مبالغ فيها و مش متداولة عند محلات كتير يبقى بلاش منة

شكرا جزيلا ليك يا باشا .. وانا برضو شايف ان معظم اراء الناس اللي سألتهم في صالح 1800

حضرتك متعرفش يتكلف كام ؟؟؟

[midooz]

بص يا باشا الموتور ال 2000 2e موتور قوي و قطع غياره موجودة كتير و مش غالية كمان .. سحب جميل و بالذات في الطرق الطويلة و لو إستخدامك ليه مش حرق هيبقى إقتصادي في البنزين و تكييفه طبعاً بيبقى تلاجة و كمان شغل الميكانيكية فيه سهل .. مش متعب ولا معقد .. ال 1800 pb موتور حامي .. عزمه حلو و جرّاي و أغلبيته بتلاقيه أوتوماتيك كمان و أرخص طبعاً من ال 2e 2000 و قطع غياره برضه موجوده و الشغل فيه سهل .. إنما بقى المواتير ال 16 صباب نصيحة بلاش عشان معقدة حبتين وميكانيكية الجولف عامةً مش محترفين فيها و كمان بعض قطع غياره نادرة .. يعني مثلاً الموتور ال 2000 16valve abf واحد صاحبي كان مسقطه في جولف 3 كان جايب 2 منه واحد مسقطه و التاني مخليه قطع غيار لنفسه ..
بورسعيد تجيب منها الموتور أحسن بس نصيحة خد معاك حد بيفهم و يا ريت لو ميكانيكي حبيبك عشان تجيبه بحالة نظيفة .. و ممكن تنزل الحرفيين عند عبده طيرة هتلاقي عنده اللي إنتى عايزه .. إنزل خد فكرة ولو هتشتري منه فاصل معاه كويس عشان مغلواني شوية و كمان أهم حاجة تتأكد منها إنك متاخدش الموتور فاضي .. لازم تاخده بعفشته و فتيسه و الكونترول و بالذات لو قررت تشتري ال 2000 2e عشان دي أهم حاجة فيه ..
أتمنى إني أكون أفدتك

[KaReeM10]

بص يا باشا الموتور ال 2000 2e موتور قوي و قطع غياره موجودة كتير و مش غالية كمان .. سحب جميل و بالذات في الطرق الطويلة و لو إستخدامك ليه مش حرق هيبقى إقتصادي في البنزين و تكييفه طبعاً بيبقى تلاجة و كمان شغل الميكانيكية فيه سهل .. مش متعب ولا معقد .. ال 1800 pb موتور حامي .. عزمه حلو و جرّاي و أغلبيته بتلاقيه أوتوماتيك كمان و أرخص طبعاً من ال 2e 2000 و قطع غياره برضه موجوده و الشغل فيه سهل .. إنما بقى المواتير ال 16 صباب نصيحة بلاش عشان معقدة حبتين وميكانيكية الجولف عامةً مش محترفين فيها و كمان بعض قطع غياره نادرة .. يعني مثلاً الموتور ال 2000 16valve abf واحد صاحبي كان مسقطه في جولف 3 كان جايب 2 منه واحد مسقطه و التاني مخليه قطع غيار لنفسه ..
بورسعيد تجيب منها الموتور أحسن بس نصيحة خد معاك حد بيفهم و يا ريت لو ميكانيكي حبيبك عشان تجيبه بحالة نظيفة .. و ممكن تنزل الحرفيين عند عبده طيرة هتلاقي عنده اللي إنتى عايزه .. إنزل خد فكرة ولو هتشتري منه فاصل معاه كويس عشان مغلواني شوية و كمان أهم حاجة تتأكد منها إنك متاخدش الموتور فاضي .. لازم تاخده بعفشته و فتيسه و الكونترول و بالذات لو قررت تشتري ال 2000 2e عشان دي أهم حاجة فيه ..
أتمنى إني أكون أفدتك

شكرا جزيلا يا باشا

[ahmed1981]

خد رأي الميكانيكي سيد عبده بشارع جسر السويس عند تقاطعه مع شارع سنان