هسيب غبور واحتاج المساعدة

[Ashraf_Ibrahim]

ازيكم يا شباب
يارب تكونوا بخير

الموضوع بسيط جدا بس حرج في نفس الوقت

دلوقتي انا عمل تصيانة 1000 و 5000 و 10000 للعربية بتاعتي - فيرنا 2010- في توكيل غبور

قررت اني اطلع برا التوكيل -هي العربية دلوققتي عاملة 14900كم - وانا هعملها الصيانة الجاية على 20000 كم باذن الله

دلوقتي عايز حضراتكم ترشحولي ميكانيكي كويس يكون شغال في كله -يعني كهربا وعفشة وموتور- عشان ياخد العربية من بابها

انا ساكن في شبرا الخيمة ولو كان الراجل كويس انا ممكن اخدمه وانسق معاه اجبله اصحابي في الشركة كلهم يعني بتاع 15 عربية فيرنا

يا ترى مين يساعدني في القصة دي؟!

ويتعامل معانا الصيانة بكام كمصنعية ؟! -لو انا لوحدي ولو هجبله اصحابي كلهم- مهو اكيد هيكون لينا دسكونت مختلف عن الشغل الفردي لأنه بكدة بيضمن صيانة دورية ل 15 عربية دفعة واحدة

منتظر ردودكم يا شباب !

[lada2010]

عندى ياباشا واحد ميكانيكى تخصصة الجديد اسمة نبيل فى صقرقريش المعادى

[Ralliart]

طيب ليه تضيع الضمان اللي حضرتك دافع تمنه

[Ashraf_Ibrahim]

عندى ياباشا واحد ميكانيكى تخصصة الجديد اسمة نبيل فى صقرقريش المعادى

بعيد اوي دا عني !

طيب ليه تضيع الضمان اللي حضرتك دافع تمنه

مممممممم
التكيل مصنعيته غالية بطريقة شنيعة وكمان اسعاره غالية مش اقتصادي خالص!

طب هل ينفع اعمل صياناتي كل 10000 كم في التوكيل بدل 5000 ويمشي الحال عادي ؟!

[A.Saad]

مش هتلاقى التخصصات دى كلها الا فى حاجة زى مركز معتمد
او ميكانيكى تتعمل معاه هو والمحلات اللى حوله

[amribrahim]

بلاش تضيع الضمان يا باشا

[Ashraf_Ibrahim]

مش هتلاقى التخصصات دى كلها الا فى حاجة زى مركز معتمد
او ميكانيكى تتعمل معاه هو والمحلات اللى حوله

ممممممممممم
طب خير ان شاء الله

بلاش تضيع الضمان يا باشا

دا رأيكم يعني

طب خير لا مشكلة طب هل ينفع اني اعمل صيانات كل 10000 كم واللا الضمان يضيع كدة؟!

[HOSSAM99]

نصيحه من مجرب متعملش صيانه العربيه بره التوكيل
لسببين
الاول : اتحدي واحد في مصر يعرف يصون العربيه زي مركز الخدمه والمهندسين هناك واخدين دورات في كل عربيه وكل يوم بيشتغلو في مئات العربيات زي عربيه حضرتك وملمين بجميع الاعطال والمواقف وكل حاجه بتحتاجها العربيه وكذلك الفنيين بالاضافه الي القطع المعتمده والمضمونه من التوكيل
الثاني:ان الصيانه خارج التوكيل يسقط الضمان وبعد كده مش هتقدر تواجهم لو اي شئ ظهر في العربيه مع العلم انه بالتجربه الشخصيه اي حاجه فيها عيوب صناعه بيغيروها وبالاخص غبور

[Ashraf_Ibrahim]

الله المستعان
هنفضل مع غبور باذن الله