سؤال بخصوص تعديل هاف باور الي باور

[pharmacy]

السادة الزملاء خبراء الاكسنت 99-2000....السلام عليكم
اذا سمحتم افيدوني نويت اشتري اكسنت 99 وهي هاف باور وواحد صاحبي قاللي ممكن تعدلها إالي باور بتشتريلها مجموعة باور بحوالي 300جنيه وتركبهولها وبكده تبقي باور ...فهل هذا الكلام صحيح؟؟وهل الباور المعدل ده بيبقي حلو زي اللي جاي فيها باور اصلآ؟؟؟
معلش في سؤال كمان أفضل جنط يتركب لها كام؟؟وهل جنط 15 يناسب ولا لأ؟؟؟

والف شكر يا جماعة واستحملوني...عضو جديد

[pharmacy]

السادة الزملاء خبراء الاكسنت 99-2000....السلام عليكم
اذا سمحتم افيدوني نويت اشتري اكسنت 99 وهي هاف باور وواحد صاحبي قاللي ممكن تعدلها إالي باور بتشتريلها مجموعة باور بحوالي 300جنيه وتركبهولها وبكده تبقي باور ...فهل هذا الكلام صحيح؟؟وهل الباور المعدل ده بيبقي حلو زي اللي جاي فيها باور اصلآ؟؟؟
معلش في سؤال كمان أفضل جنط يتركب لها كام؟؟وهل جنط 15 يناسب ولا لأ؟؟؟

والف شكر يا جماعة واستحملوني...عضو جديد

منتظر مشورتكم والف الف شكر

أللون الاحمر مخصص لاستخدام الادارة فقط

مشرف 12أ

[MMamdouh]

اذا سمحتم افيدوني نويت اشتري اكسنت 99 وهي هاف باور

طالما "هاف باور" يبقى حتشترى "هاف" كمان و تركبة على الهاف اللى عندك فا تبقى باور كامل

متخليش حد يضحك عليك و يقولك كلمة "هاف باور" دى تانى لان مفيش حاجة اسمها هاف باور... العربية اما باور او مش باور... مفيش حاجة فى النص بينهم

وواحد صاحبي قاللي ممكن تعدلها إالي باور بتشتريلها مجموعة باور بحوالي 300جنيه وتركبهولها وبكده تبقي باور ...فهل هذا الكلام صحيح؟؟

دا صحيح... العربية اللى بتنزل بباور و من غير باور تقدر تشترى ليها مجموعة الباور بالكامل و تركبها عشان تحول عربيتك من عادية الى باور

دة حيتطلب انك تشترى علبة دركسيون باور و طلمبة باور و طقم خراطيم الباور و الخازنة... بس فى حالتك قد يكون هناك مشكلة...

الاكسنت اللى كانت بتنزل بباور بتبقى بمكنة 1500... معرفش اذا كان تصميم المكنة ال 1300 يسمح بتركيب مكونات الباور ولا لا بالتالى انت محتاج حد خبرة فى الهيونداى ياكد الكلام دة

و برضة انا مش مقتنع ان الحاجات اللى حتشتريها ب 300 جنية فقط... دا الزجاج الكهربا بيكلف اكتر من كدة... فى الدايو الموضوع دة يعدى 1500 جنية مستريح

وهل الباور المعدل ده بيبقي حلو زي اللي جاي فيها باور اصلآ؟؟؟

لو فرضنا ان قصة المكنة ال 1300 و ال1500 مش عائق يبقى مفيش اى مشكلة فى الموضوع لان كل قطعة حتركبها هى الاصلية بتاعت العربية و هى مصممة انها تشتغل على العربية دى

معلش في سؤال كمان أفضل جنط يتركب لها كام؟؟وهل جنط 15 يناسب ولا لأ؟؟؟

ممكن تركب جنط 14 مع كاوتش 185/60/14 او جنط 15 مع كاوتش 195/50/15... بس لاحظ ان كل ما الجنط بقى اكبر كل ما الثبات زاد على حساب الراحة

MMamdouh

[kar!m]

طالما "هاف باور" يبقى حتشترى "هاف" كمان و تركبة على الهاف اللى عندك فا تبقى باور كامل

MMamdouh

جامدة

[pharmacy]

طالما "هاف باور" يبقى حتشترى "هاف" كمان و تركبة على الهاف اللى عندك فا تبقى باور كامل

متخليش حد يضحك عليك و يقولك كلمة "هاف باور" دى تانى لان مفيش حاجة اسمها هاف باور... العربية اما باور او مش باور... مفيش حاجة فى النص بينهم



دا صحيح... العربية اللى بتنزل بباور و من غير باور تقدر تشترى ليها مجموعة الباور بالكامل و تركبها عشان تحول عربيتك من عادية الى باور

دة حيتطلب انك تشترى علبة دركسيون باور و طلمبة باور و طقم خراطيم الباور و الخازنة... بس فى حالتك قد يكون هناك مشكلة...

الاكسنت اللى كانت بتنزل بباور بتبقى بمكنة 1500... معرفش اذا كان تصميم المكنة ال 1300 يسمح بتركيب مكونات الباور ولا لا بالتالى انت محتاج حد خبرة فى الهيونداى ياكد الكلام دة

ياباشا ألف شكر علي ردك وربنا مايحرمنا منك

و برضة انا مش مقتنع ان الحاجات اللى حتشتريها ب 300 جنية فقط... دا الزجاج الكهربا بيكلف اكتر من كدة... فى الدايو الموضوع دة يعدى 1500 جنية مستريح



لو فرضنا ان قصة المكنة ال 1300 و ال1500 مش عائق يبقى مفيش اى مشكلة فى الموضوع لان كل قطعة حتركبها هى الاصلية بتاعت العربية و هى مصممة انها تشتغل على العربية دى



ممكن تركب جنط 14 مع كاوتش 185/60/14 او جنط 15 مع كاوتش 195/50/15... بس لاحظ ان كل ما الجنط بقى اكبر كل ما الثبات زاد على حساب الراحة

MMamdouh

[ibrahem_elkhabery]

اعتقد ان المبلغ اللى قالك صاحبك عالية قليل جدااا بالنسبة للحقيقة اما بالنسبة لعلاقة الماتور 1300 او 1500 بالباور فهى مش هتفرق
انا معايا عربية لانسر البطة 1300 دريكسبون عادة وكنت عايز احولها باور وسالت الميكانيكى قالى ان لو هحولها لباور اعمل حسابى فى 3000 جنية لانى هشترى علبة دركسيون جديدة باور وخراطيم او مواسير علشان الزيت و طنبورة وهتعمل طنبورة تاية اللى فى المكنة فلاقيت ان الحوار كبيير و مكلف وممكن يظهرة لعيوب بعد كدة فالافضل حاول تتعامل مع العربية كدة لغاية لما ربنا يكرمك وتشترى عربية جديدة وعلى فكرة الدريكسيون العادى مش بيفرق غيير وانت بتركن
والله ورسولة اعلم

[modo88]

مع كامل احترامي للجميع
التكلفه ياباشا بالظبط 450 جنيه عشان تركب باور كامل و50 جنيه مصنعيه يعني هايقف ب 500 جنيه بالظبط
وعلي فكره الاكسنت في العالم كله بتنزل باور حتي ال 1300 مفيش غير هنا في مصر بتنزل عاديه وفعلا مفيش حاجه اسمها هاف باور ياباور ياعادي
وانا مركبه عندي وكلفني نفس اللي قولتلك عليه وكنت جايب كل حاجته من بور سعيد وكفائته زي ال 1500 بالظبط والاكسنت عموما مجهز للباور ومكانه موجود بس خلي بالك فيه طنبوره كدا بتيجي بيركب عليها السير متنساش تجيبها

[ibrahem_elkhabery]

مع كامل احترامي للجميع
التكلفه ياباشا بالظبط 450 جنيه عشان تركب باور كامل و50 جنيه مصنعيه يعني هايقف ب 500 جنيه بالظبط
وعلي فكره الاكسنت في العالم كله بتنزل باور حتي ال 1300 مفيش غير هنا في مصر بتنزل عاديه وفعلا مفيش حاجه اسمها هاف باور ياباور ياعادي
وانا مركبه عندي وكلفني نفس اللي قولتلك عليه وكنت جايب كل حاجته من بور سعيد وكفائته زي ال 1500 بالظبط والاكسنت عموما مجهز للباور ومكانه موجود بس خلي بالك فيه طنبوره كدا بتيجي بيركب عليها السير متنساش تجيبها

مبروك عاليك الباور وياريت تقولى اية عملت اية بالظبط وجبت اية بالظبط وكلفتك كام بالتفاصيل وهل اشتريت علبة دركسيون جديدة باور ولا مش محتاج تغيرها وهل تفرق من الانسر الى الهيونداى لان الموضوع لو على 500 جنية اكيد احب اكون راكب عربية باور ويارب تقدر تفيدنى وشكرا ليك

[modo88]

مبروك عاليك الباور وياريت تقولى اية عملت اية بالظبط وجبت اية بالظبط وكلفتك كام بالتفاصيل وهل اشتريت علبة دركسيون جديدة باور ولا مش محتاج تغيرها وهل تفرق من الانسر الى الهيونداى لان الموضوع لو على 500 جنية اكيد احب اكون راكب عربية باور ويارب تقدر تفيدنى وشكرا ليك

ربنا يباركلك ياباشا
بص ياباشا لازم تغير الاسكترا (علبة الدريسكيون) لان الاسكترا العاديه مش بيبقا موجود فيها مكان لخراطيم الزيت وبتجيب طرمبه زيت الباور والعلبه اللي بيتحط فيها الزيت بتاع الباور والخراطيم بس هوا دا اللي المطلوب

واكيد فيه فرق بين الاكسنت والانسر بطه بس روح اسال بنفسك عند بتوع قطع الغيار واسال الاسعار بتاعه الباور كامل او ممكن تسال عن كل حاجه من اللي ذكرتهالك فوق لوحدها
انا ليا واحد صاحبي معاه لانسر بطه وموتور 1600 وضع بلاده كدا لانها جايه ليه من بره وباور وعربيه ماشاء الله تحفه
انت ممكن تروح تشوف عند بتوع قطع الغيار الاستيراد واكيد هتلاقي لان مهما اختلف الموتور من 1300 ل 1600 اكيد الحوض بتاع العربيه واحد ومكانه موجود
وتحت امرك في اي حاجه

[ibrahem_elkhabery]

ربنا يباركلك ياباشا
بص ياباشا لازم تغير الاسكترا (علبة الدريسكيون) لان الاسكترا العاديه مش بيبقا موجود فيها مكان لخراطيم الزيت وبتجيب طرمبه زيت الباور والعلبه اللي بيتحط فيها الزيت بتاع الباور والخراطيم بس هوا دا اللي المطلوب

واكيد فيه فرق بين الاكسنت والانسر بطه بس روح اسال بنفسك عند بتوع قطع الغيار واسال الاسعار بتاعه الباور كامل او ممكن تسال عن كل حاجه من اللي ذكرتهالك فوق لوحدها
انا ليا واحد صاحبي معاه لانسر بطه وموتور 1600 وضع بلاده كدا لانها جايه ليه من بره وباور وعربيه ماشاء الله تحفه
انت ممكن تروح تشوف عند بتوع قطع الغيار الاستيراد واكيد هتلاقي لان مهما اختلف الموتور من 1300 ل 1600 اكيد الحوض بتاع العربيه واحد ومكانه موجود
وتحت امرك في اي حاجه

شكرا ليك ياباشا بس انا كنت عايز اسئلك عن تمن عليبة الدركسيون انت جبتها بكام وفعلا حوض العربية مش بيفرق وانا ليا واحد صاحبى معة نفس عربيتى بس باور بس بصراحة انا مستغرب من التكلفة لانها رخيصة جداا
وكنت عايز اعرف منك الفرق بين الباور واللى مش باور بشكل دينمك امتر اى فكرة العمل وياريت تقولى انت لاقيت كل حاجة جديدة ولا جبت حاجة استيراد وشكرا ليك وياريت تقولى الاسعااار بالتفصييل اكتر وشكراا

[alhourriah]

متخليش حد يضحك عليك و يقولك كلمة "هاف باور" دى تانى لان مفيش حاجة اسمها هاف باور... العربية اما باور او مش باور... مفيش حاجة فى النص بينهم


كلام سليم:b4_388:

[modo88]

شكرا ليك ياباشا بس انا كنت عايز اسئلك عن تمن عليبة الدركسيون انت جبتها بكام وفعلا حوض العربية مش بيفرق وانا ليا واحد صاحبى معة نفس عربيتى بس باور بس بصراحة انا مستغرب من التكلفة لانها رخيصة جداا
وكنت عايز اعرف منك الفرق بين الباور واللى مش باور بشكل دينمك امتر اى فكرة العمل وياريت تقولى انت لاقيت كل حاجة جديدة ولا جبت حاجة استيراد وشكرا ليك وياريت تقولى الاسعااار بالتفصييل اكتر وشكراا

الشكر لله ياباشا
وانا جايب كل حاجه استيراد وتمنه كله في بعضه جيبته ب 450 زي مقولتلك وتمن علبة الدريكسيون لوحدها 250 جنيه تقريبا ومتستغربش ياباشا من قلة التكلفه الاكسنت حاجتها رخصيه جدااا وموجوده في اي حته

[kobara]

الحمد للة ركبت الباور امبارح بعد مسافرت وقضيت يوم عصيب فى بورسعيد لحد ملقيت الباور ستيرنج كامل مكمل بالمسامير بتاعتة
انا اشتريت الباور ستيرنج كامل بسعر 800 جنية ونزلتة من نص عربية كان راكب فيها لان ناس كتير نصحتنى بكدة احسن ما اجيبة مفكوك وعلى الارض وكمان عشان اعرف مكان كل حاجة واخد مساميرة
المكونات كانت الاسكترا والمواسير والكليبسات بتاعت تركيب المواسير ومساميرها وقاعدة الطرمبة اللى بتبقة فى الموتور لان المتور 1300 مفهوش القعدة دى + الطرمبة +السير + الطنبورة اللى بتركب فوق طنبورة الطرمبة بتاعت المية عشان يتركب عليها سير الطرمبة بتاعت الباور + الكوباية بتاعت الزيت وصاجة بتاعت تثبتها +الخراطيم الكوتش

نيجى بقة للتركيب
التركيب كان شاق جدا لان عشان القعدة بتاعت الطرمبة اللى فى الماتور تركب كان لازم نفك سربنتينة التكيف وماسورة المية المعدن اللى رايحة لطرمبة المية وطبعا العمة وكابينة فلتر الهو والمارش
الصعوبة كانت فى اللى فات بس اما الاسكترا ركبت عادى بعد مطبعا فكينا القنطرة من تحت عشان ننزل القديمة وكدة طبيعى يعنى عند تغيير الاسكترا بواحدة تانية
المهم ركبنا كل حاجة وظبطنا كل اللى اتفك وتممنا على كل حاجة وحطينا زيت وشغلنا العربية ولازم طبعا الطرمبة فى الاول بتعمل صوت قوى كدة عشان بيبقة فى الدورة هوا ونحرك الدركسيون للاخر يمين وشمان لحد ما الهوا يخرج منها تلاقيها صوتها بقة كويس
والحمد للة وربنا يكفينا الشر بقة عشان الدركسيون بقة ناعم قوى وانا مش واخد على كدة ومحتاج فترة بقة