المشكلة من الراديتير و اللا من ايه؟

[Dojuar]

السلام عليكم

من فترة كبيـــرة كنت بعاني من نقصان المياه و بالتالي ارتفاع حرارة لمحرك

اللي عملته كالاتي:

- غيرت علبة الراديتير و عملتله صيانة كذا مرة

- الحرار ة بعد ما ارتفعت كذا مرة اضطريت اغير جوان وش السلندر

بالنسبة لمعدل نقصان الميه فهو كالاتي:

- في الاول خالص كنت بغير الميه كل فين و فين

- فجاة كنت بغير ميه كل يوم و احيانا مكنتش بلحق فالحرارة تزيد

- دلوقت بغير ميه تقريبا كل اربعة ايام

مع الوضع في الاعتبار برودة الجو

دلوقتي انا محتاج مشورتكم لاني مش عارف احدد السبب فين بالظبط

و شكرا مقدما

[saadelden]

كدا الرادياتير مسدود
روح لواحد بتاع رادياتيرات نضيف يسلكهولك و يشوف مخروم ولا لا

[aboomar22]

اكشف على الوصلات الكاوتش اللى بتوصل الريداتير بالموتور والافيزات يمكن يتسرب واكشف على طلمبة المياه يمكن بتنقط او بتسرب خصوصا بعد ايقاف الموتور لاحظ وجود ماء تحت السيارة اسفل الطلمبة

[beshomilan]

استعمل مياه موبيل ومياه مقطرة لتزويد الريداتير ولت تندم ابدا وعن تجربة
طبعا بعد تصليح ماقاله لك اخواتى

[Dojuar]

كدا الرادياتير مسدود
روح لواحد بتاع رادياتيرات نضيف يسلكهولك و يشوف مخروم ولا لا

اكشف على الوصلات الكاوتش اللى بتوصل الريداتير بالموتور والافيزات يمكن يتسرب واكشف على طلمبة المياه يمكن بتنقط او بتسرب خصوصا بعد ايقاف الموتور لاحظ وجود ماء تحت السيارة اسفل الطلمبة

استعمل مياه موبيل ومياه مقطرة لتزويد الريداتير ولت تندم ابدا وعن تجربة
طبعا بعد تصليح ماقاله لك اخواتى

سأفعل ان شاء الله

شكرا على الردود و الاهتمام

[alhourriah]

شوف ليكون في تهريب داخلي يعني مش ضروري يكون ضاهر، ودي يكشفها الميكانيكي برده مش ضروري تروح الرديدرات

[Dojuar]

شوف ليكون في تهريب داخلي يعني مش ضروري يكون ضاهر، ودي يكشفها الميكانيكي برده مش ضروري تروح الرديدرات

انا قبل كده كنت شاكك في طبات الموتور و اتنين ميكانيكية ماشافوهاش غير لما قلتلهم

فلو حضرتك شايف ممكن يكون فيه تهريبات من اماكن معينة يا ريت تعرفني.

[romieh]

اتأكد من غطاء الردياتير والقربة

لانهم ساعات لما بيكونوا بايظين بيحبس الضغط جوا الردياتير ومش بياخد مياه من القربه

وده يخلى المياه تنقص فى الردياتير وبالطبع ارتفاع درجة الحرارة

[Dojuar]

طب لو انا اضطريت اني اشتري واحد تاني

الاحسن اجيب جديد واللا استيراد؟؟

[amro1965]

اعمل الاتى
املا القربه بالمياه حتى الاخر وضع فاك فى فوهه القربه وانفخ بقوة ولاحط الاتى
لو المياه صارت الى الريداتير
اذا فيى شىء بيسد مجرى المياه حاول تملا القربه مره اخرى وكرر العمليه ولاحظ النتيجة بعد ذلك
شوف الترمستات لانه حصل معى ان الترمستات تملح وعلشان كده بتسخن السيارة
وده تغيرة افضل

[Dojuar]

اعمل الاتى
املا القربه بالمياه حتى الاخر وضع فاك فى فوهه القربه وانفخ بقوة ولاحط الاتى
لو المياه صارت الى الريداتير
اذا فيى شىء بيسد مجرى المياه حاول تملا القربه مره اخرى وكرر العمليه ولاحظ النتيجة بعد ذلك
شوف الترمستات لانه حصل معى ان الترمستات تملح وعلشان كده بتسخن السيارة
وده تغيرة افضل

معلش حضرتك فهمني تاني:

انا هانفخ في القربة وبعدين؟؟

ولما الترمستات تملح تقوم الميه تنقص؟

[saadelden]

الترموستات اما بتملح مابتشتغلش ف المروحه ماتشتغلش و العربيه تسخن

[Dojuar]

الترموستات اما بتملح مابتشتغلش ف المروحه ماتشتغلش و العربيه تسخن

ماشي...بس مشكلتي هيا نقصان الميه.. مش المروحة

[Dojuar]

وانا راجع دلوقت قلت اما اكشف:

مياه القربة باردة

بفتح غطا الراديتير ... نافورة سخنة انطلقت...مع ان حرارة الموتور عادية

ايه السبب؟

[saadelden]

ماشي...بس مشكلتي هيا نقصان الميه.. مش المروحة

وانا راجع دلوقت قلت اما اكشف:

مياه القربة باردة

بفتح غطا الراديتير ... نافورة سخنة انطلقت...مع ان حرارة الموتور عادية

ايه السبب؟

نقص الميه ليه 3 اسباب
الرادياتير مخروم
جوان وش السلندر
دوره التبريد مش محكمه ( الغطا بايظ مثلا او خرطوم مش مربوط كويس )

و لو انت جايب غطا اكبر او اصغر من الغطا الاصلي بتاع الرادياتير دا غلط
لازم يكون نفس المقاس بالظبط بحيث انه يحفظ ضغط الميه ف الدوره و ف نفس الوقت يعدي الميه بين القربه و الرادياتير

لو العربيه حرارتها فوق ال 80 لازم الميه تنطر م الرادياتير لو فتحته مره واحده لان فيه ضغط من بخار الميه