مساعدة للتمبرا

[amr78falcon]

قدامى عربية تمبرا 94 - 1600 انجكشن
بور - سنتر - زجاج كهرباء - جنوط
135 الف كيلو
ياريت حد يفيدنى فى السعر
وياريت النصيحة بالنسبة للإنجكشن هو افضل ام الكاربيراتير
مع العلم ان صاحبها بيحط بنزين 80 منذ خمس سنوات
ولكنى لاحظت حاجة ان صوت الماتور عالى يا ترى دة من نوع البنزين ولا اة وكيف يمكن تقليل صوت الماتوروهل ممكن تحويل الماتور من انجكشن الى كاربيراتير

[JUVENTUS]

محدش يقدر يحدد سعر بالضبط طالما انه ماشفش العربية لكن انا هقولك انت ممكن تحدده ازاي
السعر بيكون على حسب حالة العربية يعني لو العربية مش محتاجة شغل و تكييفها شغال و كله تمام ممكن تعمل في حدود 35 الف و انت طالع
ممكن سعرها يقل السعر لو العربية فيها شغل عايز يتعمل
و لازم تبص على مللي في العربية و اكشف عليها كويس جدا جدا جدا عشان لاقدر الله ميطلعش فيها حاجة و تندم
الانجكشن افضل من الكاربيراتير في كل شئ
بالنسبة لجزئية ان صاحبها بيحط بنزين 80 انا اللي اعرفه الصراحة ان الانجكشن المفروض يتحطله 90 على الاقل لان فيه حساسات بتضرر و ممكن تبوظ و خصوصا ان
صاحبها بيستخدم ال80 من 5 سنين
و بما ان حضرتك بتقول ان صوت الموتور عالى ممكن يكون البنزين 80 هو السبب
و لازم تروح مكان تكشف فيه على كبس الموتور
و بالتوفيق ان شاء الله

[heshamzaky]

الانجيكشن أفضل أنا معابيا تمبرا أنجيكشن . و السعر متفاوت حسب حالة العربية و الحالة أهم حاجة و مش الفلوس لو نظيفة فعلا ادفع فيها لو مبهدلة لو أنت ما ركبتش التمبرا قبل كدة و حافظها ممكن تضايقك فى الاول لغاية ما تعرف العربية , و أنهى موديل فى الانجيكشن لان الانجيكشن فية شكلين للموتور الانجيكشن و طريقة عمل الكهرباء مختلف ممكن تفاصيل العربية اكتر

[nona4455]

الانجيكشن أفضل أنا معابيا تمبرا أنجيكشن . و السعر متفاوت حسب حالة العربية و الحالة أهم حاجة و مش الفلوس لو نظيفة فعلا ادفع فيها لو مبهدلة لو أنت ما ركبتش التمبرا قبل كدة و حافظها ممكن تضايقك فى الاول لغاية ما تعرف العربية , و أنهى موديل فى الانجيكشن لان الانجيكشن فية شكلين للموتور الانجيكشن و طريقة عمل الكهرباء مختلف ممكن تفاصيل العربية اكتر

السلام عليكم ازيك يااستاز هشام منورنا في كل مكان --كنت عايز اعرف ايه نوعين الانجكشن وايه الفرق بينهم

[heshamzaky]

بص يا باشا نوع بيبقى فية أنجيكشن بس الموتور راكب لية بوبينة و ديجيبلكس . النوع الاخر بيبقى راكب فية قطعة واحدة بس اسمها ناسية و مفيش ديجيبلكس و الانجيكشن شلة مختلف شوية و الموتور فى الانجيكشن بيبقى أليكترونى يعنى لا تقدر تعلى و لا توطى كلة ظبط أليكترونى منة لنفسة و دة شكل الموتورين الاول الانجيكشن العادى و التانى الاليكترونى الاحدث و بالمناسة الموتور التانى دة الصبابات بتاعتة اكب شوية علشان العزم قوى هو اقرب ما يكون لموتور اللانشيا شوية