هعمل شغل فى الماتور و محتاج رائيكم

[sary005]

رجالة نايل موتورز

اولا انا عربيتى 128 نوفا 1300 سى سى موديل 1998

الماتور تعب منى و جاب اخرة و ناوى ان شاء الله اظبط شوية حاجات فية و فى العربية كلها من ناحية المكنيكا و جزاء من العفشة

الماتور :-
العربية بدخن الصبح بس و مبتكولش زيت خالص - المكنيكى بتاعى قالى العربية فيها كوتش صبابات و قالى محتاجين نغيرهم و طبعا لازم نغير صبابات علاشان احكم الماتور من فوق و تحت طبعا + تغير جوان وش السلندر و شوية حركات كدة فلاتر و كام اويلسى علاشان العملية تظبط و سير كاتينة و طقم كهرباء ( فى واحد صحبى قالى سقط ماتور 1300 بتاع 128 برضو احسن من الصيانة )
فهل اسقط ولا اعمل صيانة احسن ؟
و ياريت اللى يعرف تكلفة الحاجات دية يقول علاشان الكل يستفيد

مع العلم الماتور لسة فبريكة المصنع ( متفتحش قبل كدة ) غير تغير جوان وش السلندر من سنة تقريبا

الفرامل :-
الطنابير عملت شفة فهريح دماغى و اشترى جديد و سمعت عن نوع اسمة بريمبو معرفش باء فى 128 ولا لا طبعا + تغير تيل الفرامل و هل فى انواع افضل و هل ينفع اركب نظام فرامل بتاع الريجاتا او الدوجان علاشان تكون اقوى ؟

العفشة :-

الحمد لله العفشة مفهاش غير المساعدين تعبنين ( المساعد الامامى - غاز بس و دة الفبريكة و ناوى اغيرة اجيبة اية ) و ( المساعد الخلفى زيت و فى واحد منهم ضارب و ناوى اغيرهم برضو ان شاء الله ) ياريت حد يرشحلى نوع كويس و السعر لو تكرمتم

الكربراتير المكانيكى بتاعى قالى فى اكس و بوش مش فاهمة فهل اغيرة و اركب بتاع الريتمو ولا بتاع 128 ولا اعمل صيانة

الميزانية للكلام دة 2000 جنية و مش هدفع شلنة فوقيهم ياريت كل من عندة خبرة فى 128 يخدمنا و معلش طولت عليكم

[sary005]

اية يارجالة 13 مشاهدة و مفيش رد واحد طيب ازاى

[smsm_nabawy]

رجالة نايل موتورز

اولا انا عربيتى 128 نوفا 1300 سى سى موديل 1998

الماتور تعب منى و جاب اخرة و ناوى ان شاء الله اظبط شوية حاجات فية و فى العربية كلها من ناحية المكنيكا و جزاء من العفشة

الماتور :-
العربية بدخن الصبح بس و مبتكولش زيت خالص - المكنيكى بتاعى قالى العربية فيها كوتش صبابات و قالى محتاجين نغيرهم و طبعا لازم نغير صبابات علاشان احكم الماتور من فوق و تحت طبعا + تغير جوان وش السلندر و شوية حركات كدة فلاتر و كام اويلسى علاشان العملية تظبط و سير كاتينة و طقم كهرباء ( فى واحد صحبى قالى سقط ماتور 1300 بتاع 128 برضو احسن من الصيانة )
فهل اسقط ولا اعمل صيانة احسن ؟
و ياريت اللى يعرف تكلفة الحاجات دية يقول علاشان الكل يستفيد

مع العلم الماتور لسة فبريكة المصنع ( متفتحش قبل كدة ) غير تغير جوان وش السلندر من سنة تقريبا

الفرامل :-
الطنابير عملت شفة فهريح دماغى و اشترى جديد و سمعت عن نوع اسمة بريمبو معرفش باء فى 128 ولا لا طبعا + تغير تيل الفرامل و هل فى انواع افضل و هل ينفع اركب نظام فرامل بتاع الريجاتا او الدوجان علاشان تكون اقوى ؟

العفشة :-

الحمد لله العفشة مفهاش غير المساعدين تعبنين ( المساعد الامامى - غاز بس و دة الفبريكة و ناوى اغيرة اجيبة اية ) و ( المساعد الخلفى زيت و فى واحد منهم ضارب و ناوى اغيرهم برضو ان شاء الله ) ياريت حد يرشحلى نوع كويس و السعر لو تكرمتم

الكربراتير المكانيكى بتاعى قالى فى اكس و بوش مش فاهمة فهل اغيرة و اركب بتاع الريتمو ولا بتاع 128 ولا اعمل صيانة

الميزانية للكلام دة 2000 جنية و مش هدفع شلنة فوقيهم ياريت كل من عندة خبرة فى 128 يخدمنا و معلش طولت عليكم

2000 جنيييييييييييه ؟؟؟؟؟؟؟

للأسف مش حتكفييك بالتأكيد

أنا شايف أنهم قليلين على كل ده !! من وجهة نظري ... مش حتعرف تسقط موتور و تعمل كللللل ده بالفلوس دي... صلح عفشتك و فراملك .. و الماتور كده كده مضيع !!

سيبه شويه لحد ميتيسر ليك فلوس تانية و أبقى أعمل الي حضرتك عايزه فيه ....

أما لسؤالك عن تسقط ولا تصلح .. ده بيعتمد !!

طبعاً التسقيط له مساوءه ... و هي الأوراق بتاعته .. أحتمالية ان يكون الماتور الجديد هو كمان ضاارب !!! ده غير أن حضرتك ممكن تسقط موتور و تصلح فيه كمان !!!

ده غير حضرتك عايز تسقط ماتور أكبر ولا هو هو نفسه ؟؟؟ يعني عايز تزود أداء بالمرة ولا ؟؟؟؟

لو مش عايز تلعب في أداء العربية و مش عايز وجع دماغ و تجديد اوراق و خلافه ..يبقى صلح ماتورك أنت ... و اعمله العامرة بتاعته !!! و بالتوفيق أن شاء الله

و الله أنا متأسف لو في كلام زعّل حضرتك .. بس دي وجهة نظري الصراحة يعني !!!
تقبل مروري

[aYaBooY]

اولا تسقط ولا تعمر
راي تعمر ليه
الـ 128 انتاجها تقريبا خاص بينا في مصر ( انا مسمعتش عن اي مكان بتنتج فيه العربية ديه )
فمن هنا مفيش موتور استيراد موديل حديث منها
ثانيا عمرة الـ 128 افضل من تغير الموتور علشان نتائجها مقبولة و قطع غيارها رخيصة غير عربيات تانية
ثانيا من كلامك ان الموتور بيدخن الصبح بس و مفيش اكل زيت لو ده فعلا حالة الموتور يبقي انت بتتكلم في شغل في الوش مش عمرة و ده مش هايكلف اكتر من 500 جنيه بالمصنعية في الـ 128
ثانيا الفرامل لو الطنابير عندك فيها لحمية يبقي تغيرهم
موضوع تركيب فرامل عربية تانية معرفش بس منصحكش تلعب في حاجة خطيرة زي كدة و تكون تحت رحمة غلطة من صنيعي تكلفك كتير
ثالثا
موضوع العفشة لو تقدر تجيب مساعدين جداد يكونوا زيت و هواء او هواء بس بلاش زيت بس يكون كويس انا معرفش ماركة معينة بس بلاش الصيني او المونرو علشان بيكونوا ناشفين و ده غلط على شاسيه الـ 128
لو مش عاوز يبقي ممكن تجيبهم استيراد على التجربة و انت و رزقك فيهم

[mado_9999]

السلام علكيم

عمرة احسن خصوصنا ان الماتور جديدة اول مرة يعنى الفرامل فى واحد فى فيصل بتع فرامل بس ممتاز العفشه روح لواحد بتع عفشه احسن وهو هيقلك العربيه عايزة ايه والانواع الكويسه

[matmm]

انا شايف ان تسقيط موتور احسن لو انت عايز اداء انا مسقط لواحد صاحبى فى 128 موتور 1600سىسى لانشيا ودة من اقوى مواتير الانشيا وب1700 جنية بس الموتور كلة ومكنش فية اى مشاكل فى الورق

[sary005]

والله يا جماعة من كلام رجالة اللى نورونى بالمشاركة انا اصلح الماتور احسن علاشان انا مش عايز اداء اكبر من كدة العربية الحمدلله بتجيب معاية لحد 140 و ساعات فى المنازل بتجيب 150 و بثبت عليها و الماتور مش محتاج عمرة كاملة دة تقريبا نصف عمرة اللى هى صبابات و كوتش صباب انا سئلت عليهم طقم الصبابات بيعملو 220 باكوتش بتاعة الايطالى و الجوان تقريبا ب 30 جنية الاتنين يباء الاجمالى قطع الغيار 250 جنية يباء ادى الصنيعى قد اية فى الكلام دة و بعدين برضو قولت بامرة انا هغير الدسك و الاسطوانة و البلية و اليومين دول العربية بتنقط زيت بتاع الفتيس بتاع الزيت قالى دة اويلسى بتاع الفتيس فاعملة بامرة

المساعدين محدش فدنى انا مش عارف فى ناس بتقولى هات زيت بس و فى ناس بتقولى زيت و هواء و فى ناس بتقولى الهواء حلوة بس ناشف على العربية و دة غلط انا معارف اعمل اية ياريت حد يقولنا انهى نوع احسن و كمان ياريت الماركة برضو علاشان انا ناوى اغير الاربع المساعدين

اما بالنسبة للطنابير انا هجيب البريمبو و اجيب تيل ايطالى فى ناس بتشكر فية انا برضو محتاج رائيكم فى الكلام اللى انا كتبة دة و شكرا اوى للرجالة اللى رديت علية و مستنى المزيد منكم

[smsm_nabawy]

والله يا جماعة من كلام رجالة اللى نورونى بالمشاركة انا اصلح الماتور احسن علاشان انا مش عايز اداء اكبر من كدة العربية الحمدلله بتجيب معاية لحد 140 و ساعات فى المنازل بتجيب 150 و بثبت عليها و الماتور مش محتاج عمرة كاملة دة تقريبا نصف عمرة اللى هى صبابات و كوتش صباب انا سئلت عليهم طقم الصبابات بيعملو 220 باكوتش بتاعة الايطالى و الجوان تقريبا ب 30 جنية الاتنين يباء الاجمالى قطع الغيار 250 جنية يباء ادى الصنيعى قد اية فى الكلام دة و بعدين برضو قولت بامرة انا هغير الدسك و الاسطوانة و البلية و اليومين دول العربية بتنقط زيت بتاع الفتيس بتاع الزيت قالى دة اويلسى بتاع الفتيس فاعملة بامرة

المساعدين محدش فدنى انا مش عارف فى ناس بتقولى هات زيت بس و فى ناس بتقولى زيت و هواء و فى ناس بتقولى الهواء حلوة بس ناشف على العربية و دة غلط انا معارف اعمل اية ياريت حد يقولنا انهى نوع احسن و كمان ياريت الماركة برضو علاشان انا ناوى اغير الاربع المساعدين

اما بالنسبة للطنابير انا هجيب البريمبو و اجيب تيل ايطالى فى ناس بتشكر فية انا برضو محتاج رائيكم فى الكلام اللى انا كتبة دة و شكرا اوى للرجالة اللى رديت علية و مستنى المزيد منكم

باشا أنت تأمر .. مفيش شكر على وااجب !! :) و ده كان أولاً ...

ثانياً. كده أن شاء الله الفلوس تكفي ... و الي حتدفعه قطع غيار .. "250" أدفع 200 جنيه فوقيهم للميكانيكي !! و لو زرجن أوي يبقى 250 او 280 جنيه بالكتير ...
لأنك حتجيبله الحاكة على التركيب على طول .. فده كله مصنعية فك وش سليندر و بتاع و شغل خفيف كده أن شاء الله

ثالثاً.أنصحك زيت على هوا ... بيبقوا ناعمين و عمر أفتراضي كويس ان شاء الله

رابعاً . مقدرش أنصحك في الفرامل !! مبفهمش فيها اوي ... و الي فاهمه من كلام حضرتك .. انك حتغير في الفابريكة .. و مش عايز أقول رأي علشان أنا شخصياً قلقان من كده .. لكن شكلك واثق من شغلك !!

خامساً... بالتوفيق أخي في الله ... و أرجو لك أن النص عمرة دي تتم على خير أن شاء الله .. و شوف رأي بقية الأخوة الأعضاء هما عندهم معلومات أحسن مني :)

[saadelden]

الافضل و الاوفرلك و طالما الماتور جديد خليك ف نص عمره
الميكانيكي هيفتح الماتور و يشوف و لو المشكله الي عندك صبابات بيبعت وش السلندر عند الخراط يركب الصبابات و يظبطهم
و لو فيه حاجه تانيه زي طقم شمبر محتاج يتغير بيعمله علي ما الخراط يخلص
طبعا هتغير جوانات وش السلندر و الشكمان و التاكيهات عشان يبقى كله مقفول كويس

الشغلانه دي مصنعيتها ماتزيدش عن 100 جنيه
لكن لو فيها عمره يبقى هتعدي شويه
و خلي بالك الميكانيكي شغلته فك و تركيب بس لو طلعت الحكايه صبابات
و باقي الشغل علي الخراط

و لو هتغير اسطوانه و ديسك الدبرياج المصنعيه هتبقى في حدود 150-200 جنيه

و ابقى هات بوجيهات نوع نضيف 3 شمعه مثلا هتلاقيها فرقت جامد معاك
و بالمره غير طقم السيور

[hemalotfy]

اتوكل على الله لو الموتور لسه متفتحش وانصحك بتغير طقم الشمبر بالمره مش هيكلف

[mrastra]

السلام عليكم ورحمة الله
معلش الاسعار عندكم مبالغ فيها لية انا مش عارف
اولا شغل الميكانيكى
فك وتركيب وش السلندر وتغيير طقم سرفيس كامل 50 جنية على الاكثر ويجبلك شاى وقهوة كمان وانت اعد عندة
فك الفتيس وتغيير الدسك والاسطوانة والبلية 60 او 70 جنية
مصنعية الخراط اما يعمل جلب للصبابات وقواعد ورودية ويظبط تاكيهات مرة والوش عندة ومرة تانية اما العربية تجيلة والوش راكب فى الموتور 100 جنية علا الاكثر بما فيهم تغيير ما يلزم من اطباق
العفشة :انا مش فاهم ازاى الغاز والزيت انعم صراحة ....معروف زى ورقة البوسطة ان الغاز والزيت نشفين جدا لانهم اداء رياضى زى مثلا مونرو ودة يتنافى مع الـ 128 اللى على علب وعفشة ضعيفة للغاية الافضل ومن وجهه نظرى مساعدين زيت فقط ومش هاتاتصدقنى لو قلتلك الصينى رخاص واداؤهم كويس جداااااا عن تجربة شخصية لية
الطنابير فى منهم اللى مكتوب علية ايطالى بس صدقنى ولا ايطالى ولا حاجة بـ 120 الجوز الخلفى و100 الامامى مع طقم تيل ترنتى صينى اةةةةة صينى لانة احسن من الفرودو الايطالى و تركس المجهول المنشا عارف لية لانة معامل الاحتكاك بتاعة عالى وطرى على الطنابير مش بيعمل صوت وبرضة عن تجربة
امضاء مالك اكثر من خمس سيارت 128 على مدار 20سنة

[saadelden]

السلام عليكم ورحمة الله
معلش الاسعار عندكم مبالغ فيها لية انا مش عارف
اولا شغل الميكانيكى
فك وتركيب وش السلندر وتغيير طقم سرفيس كامل 50 جنية على الاكثر ويجبلك شاى وقهوة كمان وانت اعد عندة
فك الفتيس وتغيير الدسك والاسطوانة والبلية 60 او 70 جنية
مصنعية الخراط اما يعمل جلب للصبابات وقواعد ورودية ويظبط تاكيهات مرة والوش عندة ومرة تانية اما العربية تجيلة والوش راكب فى الموتور 100 جنية علا الاكثر بما فيهم تغيير ما يلزم من اطباق
العفشة :انا مش فاهم ازاى الغاز والزيت انعم صراحة ....معروف زى ورقة البوسطة ان الغاز والزيت نشفين جدا لانهم اداء رياضى زى مثلا مونرو ودة يتنافى مع الـ 128 اللى على علب وعفشة ضعيفة للغاية الافضل ومن وجهه نظرى مساعدين زيت فقط ومش هاتاتصدقنى لو قلتلك الصينى رخاص واداؤهم كويس جداااااا عن تجربة شخصية لية
الطنابير فى منهم اللى مكتوب علية ايطالى بس صدقنى ولا ايطالى ولا حاجة بـ 120 الجوز الخلفى و100 الامامى مع طقم تيل ترنتى صينى اةةةةة صينى لانة احسن من الفرودو الايطالى و تركس المجهول المنشا عارف لية لانة معامل الاحتكاك بتاعة عالى وطرى على الطنابير مش بيعمل صوت وبرضة عن تجربة
امضاء مالك اكثر من خمس سيارت 128 على مدار 20سنة

هو دا الكلام الصح

بس بلاش المساعدين الصيني
ع الاقل التانيين معاهم ضمان تحس بأمان شويه

يا اما استيراد هيبقو نضاف بردو و الالماني هيبقى الماني

[sary005]

شكرا على مجهود البزالو رجالة نايل موتور يباء ان شاء الله اودى الماتور يتعملو شغل فى المخرطة و هعمل صبابات و جلب و و كوتش صباب و شنابر و اركب الدسك و الاسطوانة و كمان هجيب المساعدين زيت فى نوع كدة فرنساوى بعض الصنايعية بيشكرولى فى هجيب هو الجوز با 420 جنية و الخلفى 450 جنية و الفرامل بيرمبو ان شاء الله طبعا مع طقم السيور و الكهرباء الجديد بس انا بفضل 1 شمعة مش 3 شمعة و مستنى برضو اراء من رجالة نيل موتورز و لكم جزيل الشكر

[mrastra]

السلام عليكم ورحمة الله
ربنا يوفقك والعربية تطلع زى الفل بامر الله
بس اية نوع الفرامل اللى اسمة برمبو دة ؟؟؟
وفعلا كلامك مظبوط البوجيهات الواحد شمعة نوع محترم زى التلاتة شمعة ....لان التلاتة شمعة دى دحك على الدقون وهاؤلك لية
خليط الهواء والبنزين داخل غرفة الاحتراق بيكون مضغوط جدا واقل شرارة مولدة قادرة على حرق هذا الخليط ... سوا بقى الشرارة دى مولدة من شمعة واحدة او من تلاتة وصراحة اما ركبت التلاتة شمعة ما حستش باى فرق

[sary005]

السلام عليكم ورحمة الله
ربنا يوفقك والعربية تطلع زى الفل بامر الله
بس اية نوع الفرامل اللى اسمة برمبو دة ؟؟؟
وفعلا كلامك مظبوط البوجيهات الواحد شمعة نوع محترم زى التلاتة شمعة ....لان التلاتة شمعة دى دحك على الدقون وهاؤلك لية
خليط الهواء والبنزين داخل غرفة الاحتراق بيكون مضغوط جدا واقل شرارة مولدة قادرة على حرق هذا الخليط ... سوا بقى الشرارة دى مولدة من شمعة واحدة او من تلاتة وصراحة اما ركبت التلاتة شمعة ما حستش باى فرق

الله ينور عليك ياباشا فعلان هو دة الكلام اللى قالهولى المكانيكى قل هى زى قلتها مش بتفرق زى ما انت متخيل

اما بالنسبة بيرمبو دة طنابير سبور رياضية يعنى بس للاسف مش لاقى لل 128 منها هى موجودة بس عايزة لف كتير و شكرا لك