اين ذهب نظام ال Abs

[مدحت منيب]

تم خرط الطنابير الخلفيه .. ثم تركيب تيل فرامل خلفى .. و فى التست درايف ، لقيت لمبة ال A B S

منوره فى التابلوه .. تم فحص الفيوزات و ما زالت منوره

قلت له اوعى تشيل لى فيوز عشان اللمبه تطفى و تقول لى خلاص حلّيتها ..

رحت صليت العصر .. لقيته بيقول لى خلاص حليتها ..

اختفى ال ايه بى اس فى اختبار القياده تماما!!!

اى نصيحه ؟

[Sherif Khalifa]

و حضرتك مسئلتوش ؟

[MMamdouh]

اختفى يعنى ايه... اللمبة طفت؟

هل الABS لسة شغال ولا مش شغال؟؟

MMamdouh

[eng_mkhalaf]

و حضرتك مسئلتوش ؟

+1000000000000000

[مدحت منيب]

و الله سالت .. و اتخانقت .. قال لى كان فيه سلك واقع و توهنى قلت له :العجله ووريهولى ..

فك و قال لى اهو دا ..و حلف لى كل حاجه راكبه مكانها ..و طبعا ميت " ما تقلقش " .. و خمسين ماتخافش..

استنيت لبالليل .. و طلعت اربعه الصبح كورنيش حلوان .. عشره عشرين فرملة موت .. ما فيش الصوت المعدنى الجميل بتاع تحجيرة ال ايه بى اس !
ايوة يا استاذ ممدوح اللمبه طفت بمجرد ما صليت العصر ..

[Ahmad Allawy]

هو انا مش فاهم كويس بس..
بعد ما الميكانيكي المعجزة قال انه حل المنشكلة.. و حضرتك جربت..
هل الايه بي اس اشتغل معاك ولا لم يعمل تماما بعد ما عمله..؟؟
وبيتهيألي ان الموضوع محتاج جهاز و كشف علي كود المشكلة اللي حصلت..
وبرضه اكيد ان شاء الله حد من الناس التقال في المنتدي هنا هيرد عليك و يفيدك واستفيد انا كمان المعلومة الصح ان شاء الله..
وربنا يعينك و المشكلة تطلع بسيطة ان شاء الله..

[مدحت منيب]

نسيت اقول انى اشتريت و ركبّت اتنين صرة عجل خلفى الواحدة ب 350 =700 جنيه . ( لاستحالة اخراج رمان بليهم اللى كان عامل ونه زى الطياره مضايقانى ) مع خرط الطنابير مع التيل الجديد .

[مدحت منيب]

و الله سالت .. و اتخانقت .. قال لى كان فيه سلك واقع و توهنى قلت له :العجله ووريهولى ..

فك و قال لى اهو دا ..و حلف لى كل حاجه راكبه مكانها ..و طبعا ميت " ما تقلقش " .. و خمسين ماتخافش..

استنيت لبالليل .. و طلعت اربعه الصبح كورنيش حلوان .. عشره عشرين فرملة موت .. ما فيش الصوت المعدنى الجميل بتاع تحجيرة ال ايه بى اس !
يعنى ما بيشتغلش .. انا طبعا عارف لما بيشتغل بتبقى الفرمله شكلها ايه .

[Ahmad Allawy]

والله كده حضرتك مضطر تستني حد من كبار و كثيري الخبرة هنا في املنتدي يفيدك
او تروك لميكانيكي او مركز صيانة دايو او جي ام عموما محترم..
يشوفلك ايه سبب المشكلة.. و برضه زي ما قولت لسعاتك هتحتاج حد يبص بالجهاز علي العربية ويشوف لو في مشكلة هيقولك من "الايرور كود" كود المشكلة ايه نوعها و هيقولك هي ايه وتعمل ايه..
لو حضرتك ساكن قريب من المعادي او المقطم ممكن ادل حضرتك علي مركز الصيانة اللي باتعامل معاه يشوفهالك و انا تحت امرك..

[fahd_628]

طيب انت لما بتفتح كونتكت اللمبة بتنور و بعدين تطفى ولا لأ ؟

[maka]

و الله سالت .. و اتخانقت .. قال لى كان فيه سلك واقع و توهنى قلت له :العجله ووريهولى ..

فك و قال لى اهو دا ..و حلف لى كل حاجه راكبه مكانها ..و طبعا ميت " ما تقلقش " .. و خمسين ماتخافش..

استنيت لبالليل .. و طلعت اربعه الصبح كورنيش حلوان .. عشره عشرين فرملة موت .. ما فيش الصوت المعدنى الجميل بتاع تحجيرة ال ايه بى اس !
يعنى ما بيشتغلش .. انا طبعا عارف لما بيشتغل بتبقى الفرمله شكلها ايه .

حضرتك تروحلوا تانى وتفهمو ان ال ايه بى اس مشتغلش ومتمشيش من عنده الا هو عامله ولو

مرضاش زهعق وهدد وهو هيخاف على سمعة الورشة

[Ahmed Selim]

نصيحة متخليش حد غير التوكيل يشوفلك مشاكل ال Abs
ربنا معاك

[مدحت منيب]

لاء كلهم بينوروا مع بعض ثم لما ادور الموتور كلهم بيطفوا مع بعض
و على فكره عديت ع الاستاذ محمد السيد اللى الاستاذ ممدوح عرفنا عليه فى الدقى و شرحت له المشكله

و سالنى نفس سؤالك استاذ فهد و عمله عملى و قاللى كده المفروض انه يكون شغال

و قال لى هو لو كان شال الفيوز كانت لمبة الايه بى اس تفضل منوره على طول !

[مدحت منيب]

و الله يا استاذ ماكا فعلا رحت له بعد الصلاه و طلع لى اتنين اصحاب محلات و اتنين زمايله و قعدونى و طلبوالى قهوة .. و هو راح مشوار قيمة ساعه و نص كنت فى خلالها تيقنت ان دا اخر خبرته و لو ضغطت عليه هايبوظ حاجه تانيه .. فانصرفت .
---------------------------------
الف شكر ليك استاذ احمد علوى .. فيه محاوله هاحاولها بكره مع الميكانيكى القديم بتاعى ، لو ما نفعتش ها كلمك .. انا فعلا قريب من المعادى انا فى المنيل .. اكرر شكرى و تقديرى لانسانيتك
----------------------------------
استاذ احمد عبد المقصود : كلمة Abs فى التوكيل .. يسيل لها لعابهم

فانا مخليهم اخر اخر حاجه .. ربنا يكفيك شرهم ..

[Dr Ahmed]

ممكن حضرتك تعرضها على أى مركز صيانة تانى مش لازم التوكيل، واعذرنى فأنا قليل الخبرة بال abs وأعطالها فلم أشارك بالرأى فى المشكلة نفسها ، ممكن مركز من مراكز بوش يفيدك وهم - فى أغلب الحالات- معتدلى السعر.