بدال الفرامل بيهرب تحت أحيانا ؟؟؟ دة سببة اية

[ashouhdy]

السلام عليكم

بدال الفرامل ياجماعة يهرب تحت اوقات و اوقات ياترى دة سببة ماستر الفرامل العمومى ضعيف ولا اية ؟؟ واية اللى ممكن يتغير

العربية عاملة 60الف وكل الصيانات فى وقتها

[M!SHO]

بيحصل عندى فى البيكانتو ( العربيه عامله 10000 كم لسه )

وغالباً من ماستر الفرامل

[ashouhdy]

طب دة اكيد ماستر فرامل ؟؟؟ ولا فى سبب تانى

[Maged_Samy]

لو زيت الفرامل مش بينقص عندك يبقى اكيد ماستر فرامل عمومى لكن لو الزيت بينقص يبقى فيه تسريب فى حاجة وهى اللى عامله كده
على العموم ممكن تروح لحد ياخدلك هواء من مجموعة الفرامل الاول وبعد كده شوف

[ashouhdy]

لأ انا الزيت بتاع الفابريقة لسة بقالوا 60الف ومنقصش مللى واحد الحمد لله يبقى اعمل اية ؟؟ انا خايف اروح لميكانيكى بعملى فتوحة ودى فرامل مش حاجة

[mrghost]

ده تقريبا ماستر فرامل لان كان عندى العيب ده وطلع فى الاخر ماستر فرامل

[ashouhdy]

حلو اوى :((( طب فى حاجة تانية اعمل حسابى عليها وانا بشترى ماستر الفرامل

[shaddadfalcon1]

كان عندي وغيرت الماستر العمومي وبقي فل

[Maged_Samy]

روح الاول لمتخصص قبل ما تشترى ماستر الفرامل علشان يقولك تجيب ايه ولازم طبعاً تجيب الاصلى وهتحتاج معاه علبه زيت فرامل علشان الزيت هيروح .
اخر حاجه عايزك تجربها لما تيجى تهدى جرب دوس وشيل فرامل اكتر من مرة ( كارك ) وشوف الفرامل هتجمع معاك ولا لا لو جمعت يبقى اكييييد ماستر عمومى .

[a_hmed]

لما تيجى تهدى جرب دوس وشيل فرامل اكتر من مرة ( كارك ) وشوف الفرامل هتجمع معاك ولا لا لو جمعت يبقى اكييييد ماستر عمومى .

كلام مظبوط

جرب تدوس فرامل double لو اشتغلت يبقى الماستر العمومى انا كانت عندى المشكلة ديه ولما غيرته اتحلت

[ashouhdy]

هى فعلا انا جربتها من تانى او تالت مرة البدال بيعلى فوق :(((

انا سئلت طلع ب 250 جنية الاصلى :(( يعنى بالزيت بالرجلاشات بالمصنعية لبست 400 جنية

لا حول ولا قوة الا بالله

[ashouhdy]

حاجة تانية معلش يارجالة .... لما بنغير بتاع الفابريقة .......الجديد اللى مفروض اصلى بيعيش ولا حفضل بقى كل كام شهر اغير ؟؟

[a_hmed]

حاجة تانية معلش يارجالة .... لما بنغير بتاع الفابريقة .......الجديد اللى مفروض اصلى بيعيش ولا حفضل بقى كل كام شهر اغير ؟؟

اكييييد ان شاء الله هيعيش .. انا مغيره من قبل رمضان الى فات بفترة ولسة شغال معايا تمااام الحمد لله

بس المصنعية اقل من 100 .. مش فاكر كام بالظبط بس كان اقل من كدة طبعا

[ashouhdy]

اتكلت على الله

متشكر ليكم ياجماعة

[shaddadfalcon1]

انا عشان المكيانيكي يتاكد انه ماستر قام واخد الهواء من عند العجل اللي قدام ولقي ان مفيش زيت فرامل بينزل وقالي ان لو الماستر كويس كان لازم ينزل زيت فرامل لكن مكنش بينزل الا لما اكارك علي دواسة الفرامل الأول

في اللانوس كنت شاريه ب 360 وفي ناس بتقول ان ده كمان مش الأصلي لان الأصلي بيعدي ال 400

مش عارف الفيرنا بقي ارخص ولا ايه