استفسار عن تانك البنزين

[beshomilan]

عندى مشكلة غريبة
عربيتى اكسيل 1500
انا اللى اعرفه واللى فكتالوج العربية ان تانك البنزين 45 لتر انما اللى اكتشفته وانا بفول امبارح انه 35 لتر فقط!!!!
ازاى!!!
انا مشيت بالعربية لحد قبل العلامة الحمرا للبنزين ب 1 مللى كده يعنى تقريبا فحدود 2 لتر متبقيين وعلامة البنزين عندى منورة من بدرى وروحت افول لقيته جاب لحد 33 لتر وقاللى العربية ملت يابيه ومصدقتش قلتله ازاى قاللى اهو المسدس جوه وانا بزود وبيدلق بره!!!
مش عارف بقى الكلام ده ايه نظامه والتانك مختلف عن الكتالوج ليه

[migo9898]

متابع لانها حصلت معايا بالظبط

[redha]

هى العربيه كانت معاك من الزيرو
لو انت شاريها مستعمله ممكن الى كان قبلك مغير تنك البنزين قبل كده

[eldell]

هى العربيه كانت معاك من الزيرو
لو انت شاريها مستعمله ممكن الى كان قبلك مغير تنك البنزين قبل كده

+111111111111111
فعلا ممكن يكون تانك البنزين متغير

[beshomilan]

طب واالى غيرها اشترى تانك اضغر من الطبيعى بتاعها؟؟؟؟وده يمفع يركب غير الاصلى بتاعها؟؟
طب منا كده ممكن اغيره بواحد مثلا 60 لتر بدل الطبيعى اللى موجود فالكتالوج ال 45 لتر واللى راكب دلوقتى ال 35 لتر
ياترى ده ينفع؟؟؟؟

[nicegypt]

فية احتمال اكبر ان يكون فية خبطة ف التنك تانى جزء جوة .. ودى بتحصل كتير فى الدايو لانها واطية ع الارض
يعنى التنك مخبوط بمعنى ادق .. اكشف علية احسن علشان ترتاح من الاحتمالات