إعـــــــلان

**amrelsaqqa** · 28-03-2011, 10:07 PM

هو انت بتعمل بيرن اوت دى زي ما بتيجى تركن كدة ولا ايه:d

كله الا البرن اوت بيدمر العربية

وواضح ان الدبرياج مش مظبوط عندك
انت كنت غيرته ليه ؟ طالما العربية كانت كويسة ؟
ممكن تكون جبت الطقم المضروب :(

وبالله عليك بطل برن اوت والحاجات دى
فرك ماشى من حين لاخر
انما ما تخليش الحاجات دى هى نمطك الطبيعى في السواقة

**smsm_nabawy** · 28-03-2011, 10:18 PM

الف شكر يا شباب .. بس لالا .. الحاجات دي مش نمطي الطبيعي في السواقة خالص دلوقتي الحمد لله .. و بقالي كتييير مش بعملها !!

لأنها مضرة باجزاء العربية ككل ... وبس لما بتجيني الجنونة بس.. و دي بتيجي كل فيين و فيين !!!

أما لسؤال ليه غيرت الدبرياج ..لأن و انا ماشي في يوم .. كبل الدبرياج اتقطع !! :(((

و انا بغيره قلت اغير الطقم كله بالمرة

غيرت طقم و ديسك و اسطوانة !! :)

**smsm_nabawy** · 28-03-2011, 10:22 PM

المشاركة الأصلية كتبت بواسطة mrghost مشاهدة المشاركة

باشا طبعا طقم الدبرياج هو اللى بيفرق فى الفرك والبرن اوت لان كده عربيتك خلاص طالما بتعمل رعشه فى الطلعه بس يبقى كده اسطوانه
وبعدين الفرك والتخميس ده بيبهدل العربيه وهتلاقى العربيه فتحت بقها مره واحده ومش هتقدر عليها (انا اول ماجبت الشاهين زيرو عملت فيها بلاوى مشى على 160 وامريكانى على طول وشد فرامل اليد وجرى فى المدقات والمطبات ودلوقتى ندمان لانى حاسس انى بهدلتها ومحافظتش عليها وعمرى ما هعرف ارجعها زى ماكانت )

:o :o :o

يا اخي في الله .. دنتا بهدلتهاااااا فعلاً :((((((

أنا مش للدرجة دي ... و مش مفتري أوي كده ... و مش على طول :((

**A.Saad** · 28-03-2011, 10:40 PM

حسام بك
ممكن شرح للتخميس والدريفت لو عربية دفع امامى

**smsm_nabawy** · 28-03-2011, 11:59 PM

المشاركة الأصلية كتبت بواسطة A.Saad مشاهدة المشاركة

حسام بك
ممكن شرح للتخميس والدريفت لو عربية دفع امامى

للأسف عربيتي دفع خلفي.. بس بالنسبة للدريفتات علمتها بنفس الميكانيزم الي عملته بعربيتي "مع عربية صاحبي لانوس"

أنت ماشي خط مستقيم .. قبل دخول المنحنى الي عايز تاخده دريفت ... أعمل التالي

1-دبرياج + فرامل +تسقيط نقلة ...
الغرض تهدية العربية .. + تشفيت وزن العربية على قدام

2-كسر الدريكسون في أتجاه المنحنى + رفع رجلك من على الفرامل فقط"مع أبقاء الأخرى على الدبرياج" + رفع الهاند

(لاحظ الهاند متزامن مع رجلك على الفرامل ... مترفعش هاند و انت رجلك لسه على فرامل الرجل.. و إلا العربية حتعوم اوي .. و أنساها !! مجرد متشيل رجلك من على الفرامل... أيدك بتشد الهاند !! )

الغرض ..يعد تشفيت وزن العربية لقدام في الخطوة الأولى .. كسر الدريسكون يمين .. ثم تحرير الفرامل ,, مع شد الهاند بيشفت وزن العربية على المؤخرة .. مع تعويم العربية !!

3-أنت داخل المنحنى بجنب العربية .. أعمل كونتر ستييرينج... و حرر الدبرياج !!

في حالة الدفع الخلفي... كنت بوزان بالبنزين .. و الكاونتر ستير.. مدى مشيان العربية بالجنب

في حالة الجر المامي... "نظراً لني جربتها مرة واحدة فقط لأنها مكنتش عربيتي" مجرد مشيلت رجلي من الدبرياج ... مكنتش عامل مونتر ستيير جامد ... سيبت دبيراج .. و دوست بنزين .. مع شدة هاند كمان جامدة .. بس وقتها قصير أوي.. خلتها طولت المسافة الي مشيتها بجنبها ...

كونتر ستير على الاخر و سيبت بنزين.. عشان تهدى .. و اعرف أعدلها.. و بعد كده بوازن بين البنزين و الكاوتنر ستير ... علشان تعدل ..
================================

أحذر من انك تدوس فرامل برجلك و العربية ماشية بجنبها .. حتلاقيها لففت بيك !! :((

لو عايز تجرب كده .. جربه في حته فاااااااااااااضية .. زي أنا مكنت بجربه !! في حته مفيهاش سريخ أبن يومين ..جنب الكلية عندنا !!
================================

التخميس .. معرفش الجر المامي زي الدفع الخلفي ولا.. بس عامةً واحد صاحبي قالي.. أكسر الدريكسيون كله شمال... أفرك بالعربية !!! و شد هاند جامد بس لفترة صغيرة و أنت بتخفف بنزين.. و مجرد متنزل هاند .. أفعص بنزين ... مش حتخمس "خمسة بظبط .. بس حتلف زي الخمسة .. لكن صعب تظبطها في مسار ثابت .. أنا عامةً لما بعملها بالعربية بتاعتي .. أو اي عربية دفع خلفي... بتكون "خمسة يعني خمسة O "

العربية مش بتجنح مني
==================================
أخيراً .. الحاجات دي مضررررررة جداً بالعربية !! و بالمتوور... و بالعجل .. و بأعصااابك كمان !!

يتشد أعصابك على الفاضي

ده غير أن الناس ثم الناس ثم الناااااااس

أنصحك بلاش تعملهم.. و لو مصر.. يبقى في حته مهجورة !! علشان متأزيش غيرك
=================
بيرن اوت ....

بتشد هاند .. و تجيب أول.. و دوس بنزين مع الدبرياج .. متسيبش ألا على أر بي أم 4000 "عملته كده في اللانوس بتاعت صاحبي أياه"
ة شيل دبرياج مرة واحدة !!! حتفرك من قدام .. و ورا ثابت في مكانه

الغرض من تعلية الآر بي أم اوي .. انك تجيب عزم جامد من اول الفركة .. يكمل معاك في البير اوت

حررررركة مددددددددددددددددددممممممممممممممممممممممممرة .. للكاوتش و الكباالن .. و الشيميزات "وش السليندر" و الكارونة ... و بلي العجل و المساعدين "ال 4 مساعدين" و الفراامل !!

كان ليا فيديوهين تخميس و واحد دريفت مع صاحبي .. ححاول أرفعهم يو تيوب و أنزله لحضرتك.. و في فيديو من ضمن الفيديوهات دي أتلايمت عليه و عملتله ايديت !!! بس بوظتتته !! :((( ضيعت الوقت بتاع البيرن أوت و المصيبة انه كان النسخة الوحيدة !! و للأسف بقية التخميس الي فيه و كده ضاعو .. بس عامةً أن شاء الله الفيديوهات التانية دي ححطها من غير معمل اديت لحاجة :(((
YouTube - Egyptian Shahin Drifting
ده الفيديو التعبان الي قلتلك عليه :)))

**smsm_nabawy** · 29-03-2011, 04:41 AM

اااه وااللله فعلاً

بتضايق أوي

ـحمد حازم صيته وصل .. مش هو الي عربيته لونها أخضر ؟

و شفتله فيديوهات كتير ماشاء الله ... عاجبني اوي الايديت بتاعها .. الي عمله فنان

انا حعملك آآد أهو

**smsm_nabawy** · 29-03-2011, 02:14 PM

المشاركة الأصلية كتبت بواسطة ahmed88hassan مشاهدة المشاركة

انا هحذرك من حاجة واحدة
عشان هيه دي اللي حصلت معايا
كان معايا 131 و دي كانت اول عربية اجبها في حياتي
و كان عليا مكنة 2000 سي سي سافلة
و كنت بفرك بيها كتير (فرك بسسسس)

و في يوم ونا ماشي في امان الله و من غير اي مقدمات
الأكس اتكسر
ايه بقي اللي بيحصل لما الأكس يتكسر ؟
1. العربية بتقع علي الأرض من الجهة اللي الأكس اتكسر فيها ,لو مكنش الجنبين
2. الجنط بياخد السرة ويهرب
3. تيجي تدوس فرامل تلاقيها سافرت اخر الدواسة من غير اي حاجة
تخيل ان الكلام اللطيف ده حصل معاك علي سرعة !!!
علي فكرة انا كنت اليوم ده راجع من الجامعة و كانت الساعة 3 العصر و كان يوم حد(يعني مفيش ميكانيكة فاتحين) !
و كان علي بعد حوالي 1 او 1.5 كم من بيتي
انا اليوم ده روحت البيت 4 الفجر و كنت بشتغل مع الصنايعي بأيدي
من ساعتها ونا بقيت بوبي ماشي بالعربية :(

ارجع يابن الحلال و افكس للكلام ده
ده حتي حرام و اسمه اهدار للمال

أووووووووووتش !!!!!

الحمد لله أن ربنا سترها معاك

أنا عامةً نش يعمل كده دلوقتي والله ... بس أنا عايز أعرف الضعف ده ممكن يكون نتيجة أيه !!! علشان أظبطه مش اكتر .......

بس بجد موقف غبي أوي .. الحمد لله انه سترها

**smsm_nabawy** · 29-03-2011, 03:12 PM

المشاركة الأصلية كتبت بواسطة dr_radioooooo مشاهدة المشاركة

مترفع يا باشا باقى الفيديوهات و خصوصا بتاعة عربية صاحبك الشاهين

والله مش عارف أجيبها منه كل ده .. بس أوعدك أن شاء الله .. انا حقابله يوم الخميس ...

ربنا يسهل و أعرف أجيبها ..بجد فيديوهات مزااج

بس المشكلة أن موبايلي موتورولا في ثري أي

و هو موبايله نوكيا حديث اوي .. فالفديوهات المساحة بتاعتها كبير .. غير انه اتصورت اصلاً أي في آي !!

و الموتورولا بيقرا الأكستنشان بتاع الميديا قبل متتبعتله .. لو حتشتغل عنده ,, يستقبلها .. لو مش حتشتغل ... يعمل رفض .. و يكتب "الملف غير معروف" :(((((

**smsm_nabawy** · 29-03-2011, 07:36 PM

المشاركة الأصلية كتبت بواسطة ahmed88hassan مشاهدة المشاركة

بيبقي بسبب الفرك الأكس بيملص من عند السرة ويتكسر فجأه
و ده فرك برئ .. ما بالك البيرن اوت !!!

حلوة "فرك بريء" دي :)))

ربنا يسترها معانا كلنا يا رب أن شاء الله

Comment

Comment

Comment

Comment

Comment

إعـــــــلان

.

حاجة مضايقاني اوي "في الفرك " :((

حاجة مضايقاني اوي "في الفرك " :((

Comment

Comment

Comment

Comment

Comment

Comment

Comment

Comment

Comment