الحقونى يا أخونا مشكلة لا على البال ولا على خاطر فى الكاوتش

[kemo_nagy]

انا معايا لانسر 99 و كنت رايح مشوار المهم ركنت العربية شوية و لما رجعت لقيت الفردة اليمين ورا مريحة قوى مشيت بيها لآقرب بنزينة كانت اول عباس العقاد امام توم اند بصل كانت كالتكس او موبيل مش فاكر المهم قابلت الفنى وقلتلو شوفلى العجلة دى مالها فك العجلة و عمل اختبار المياة بالصابون السايل ولقى مسمار كدة قالى فى عندك لحام امريكى و لحام تيوانى الأولانى ب10 والتانى ب7 قلتلوا الفرق اية قالى الفرق كبييييييييييير فى درجة التحمل و الأداء قلت مش هاتفرق من 3 جنية وقلتلو خلينى فى الأداء الممتاز و قلتلو بالمرة شوفلى باقى العجل المعاملة هناك بصراحة فوق فوق الممتازة و قمة فى الأحترام المهم جبلى كرسى وقالى اتفضل حضرتك استريح بس و 10 دقائق و فك التانية و 10 كمان و فك التالتة قلت اشوف بقى فاضلة اد اية المهم كان بيعمل التشيك على العجلية التالتة و لقيت فقاقيع هوا طالعة كدة من الواضح ان فى خرم المهم راح حاطط لحام بقولة فين المسمار قالى مافيش انت ممكن تكون مشيت على زجاج و العجلة مريحة وهو دة اللى عمل كدة فى باقى العجل و بعدين قالى البلف كمان منفس عايز يتغير قلتلو غير قاللى امريكانى قلتلوا امريكانى....خلاص ياباشا تمام كدة ....قلتلو تسلم ايدك يا ريس....كلفوا كام بقى....خلى عنك والله.....ياعم الف شكر ربنا يخليك كام والله.....والمفاجئة قاللى 360 جنية.......قلتلو ليييية ياعم انت غيرتهم و جبتلى كاوتش جديد قالى حضرتك العاجلة الأولى خدت 16 لحام والعجلة التانية خدت 18 و التالتة بلف و كام لحام كدة مش فاكر المهم حسابهم 360 و خلى عنك خالص....ياعم انت مش قايلى فيها مسمار ماقلتليش فيها كل الأخرام دى كنت تقلى كنت ركبتلها جوان و كان ارخصلى قالى حرام عليييك دة الكاوتشات جديدة قلتلو ماهو كدة مابقوش جديدة كدة باظوا قالى دة شغلى و ماتقلقشى منهم خالص رجعوا زى الأول و احسن.......المهم دفعتلو 320 مش فصال والله بس اللى كانوا معايا وأسف على الأطالة بس اعمل اية من خنقتى....ياريت لو حد عندو اى تفسير للى حصل يقولى؟وبالنسة للكاوتش عايز اعرف امشى عليها واجرى و انا مطمن ولا أغيروا:(؟شكرا وربنا يكفيكو شر المفاجئات اللى من النوع دة

[memo_hefnawy]

مش عارف أقولك إيه بس المحطة دى واضح إنهم حرامية و إحتمال إن الراجل نصب عليك 98%

بس البكاء على اللبن المسكوب مش هايفيد

المهم مهما حصل فى العجل ماتروحش لحد ماتعرفوش إلا للضرورة القصوى يعنى فى حالتك دى كنت خليته زود هوا و طلعت على كالتكس فى آخر الشارع فيها بريدجستون مضمونين 100 % أو حتى كنت مشيت عليها التيوبليس مش بيريح طول ما إنت ماشى

مفيش حد تعرفه يبقى خليه يركب الإستيبن لحد ما تروح لحد تعرفه لكن دوول نصابين

ربنا يعوض عليك

[kemo_nagy]

مش عارف أقولك إيه بس المحطة دى واضح إنهم حرامية و إحتمال إن الراجل نصب عليك 98%

بس البكاء على اللبن المسكوب مش هايفيد

المهم مهما حصل فى العجل ماتروحش لحد ماتعرفوش إلا للضرورة القصوى يعنى فى حالتك دى كنت خليته زود هوا و طلعت على كالتكس فى آخر الشارع فيها بريدجستون مضمونين 100 % أو حتى كنت مشيت عليها التيوبليس مش بيريح طول ما إنت ماشى

مفيش حد تعرفه يبقى خليه يركب الإستيبن لحد ما تروح لحد تعرفه لكن دوول نصابين

ربنا يعوض عليك

طب بالنسبة للعجل امشى علية ولا فى مشكلة؟ياحبزا ماتقليش غيروا عشان مابعشى العربية و أقديها ميكروباصات

[memo_hefnawy]

روح إكشف عليه عند حد تثق فيه الأول لأن الله أعلم حطلك خوابير فعلا ولا كلام لأن عادة مكنش مخرم - يا خرم هو و لحم وده إحتمال بعيد - يا سابك قاعد و حط خابورين و قالك دوول 20

[kemo_nagy]

روح إكشف عليه عند حد تثق فيه الأول لأن الله أعلم حطلك خوابير فعلا ولا كلام لأن عادة مكنش مخرم - يا خرم هو و لحم وده إحتمال بعيد - يا سابك قاعد و حط خابورين و قالك دوول 20

الخوابير كان شكلها بنى و واضحة و عدهم قصادى و البلف ورهونى
معندكشى فكرة كتر الخوابير دى أثر على الكاوتش فعلا و مينفعشى اجرى بية ولازم اغيرو ولا اية؟

[محمد المشد]

اية يا رجل دة انت كنت فين دا راجل واضح انه حرامى بدون ادنى شك لانه قال فى الاول خرم ازاى بقوا اكثر من 18 دا لو كان كلامة صحيح كنت اشتريت كاوتش جديد احسن باين عليه خرمهم وانت مش هنا
بصراحة الامر مشكوك فيه بشكل كبير وحسبنا الله ونعم الوكيل فى هذا الشخص

[MMamdouh]

you have been robbed

دا حرامى رسمى... انا مشوفتش الكاوتش بتاعك بس عمرى ما سمعت عن فردة فيها 18 خرم... انت كنت ماشى فى غيط مسامير يعنى؟؟

لو فردة فيها 18 خرم يبقى يركبلها داخلى و شكرا مش تعملها خوابير ب 180 جنية و اكيد لو ركبلك ال18 خابور يبقى الفردة باظت لان اكيد الهباب اللى بيدفس بيه الخابور قطع سلك من سلوك الكاوتشة و اذا كان حظك حلو 18 مرة ورا بعض اكيد الخوابير دى حتاثر على اتزان العجلة

محدش يصلح كاوتش فى محطة بنزين و محدش يستعمل خوابير

MMamdouh

[mohsen]

تحذير هام :
بتاع الكاوتش الى فى بنزينة التعاون الى فى اول عباس العقاد حرامى وحرامى بجح كمان والبنزينة
الادارة الى فيها مش محترمة لانهم بيقسموا معاه

[Nader]

دي محطة مصر للبترول .... نصابين رسمي ومعروف كدة

في المنطقة.


دة بيستهبل علشان انت سيبتة وبعدت، الكاوتش لو فية 18

خرم مش هيكون مريك ... لا دة هيكون على الارض ومش

هيتلح كمان ... لانك هتدفع على تمن التصليح 70 ولا 80 جنية

وتجيب فردة جديدة!!.

[ابوهاشم]

بصراحة انا لو منك ماكنتش دفعت المبلغ ده كله لان كان المفروض انه ينبهك لكده من الاول قبل مايعمل ده كله ده اذاكان هو كلامه صح اساسا ورقم الخروم دى رقم خرافى ولا فى السيما
على العموم ربنا يعوض عليك فى اللى راح اما بالنسبه للكاوتش روح اكشف عليه بس ان شاء الله
مافيهوش حاجه هو اكيد اشتغلك بس عشان ياخد المبلغ
حسبنا الله ونعم الوكيل فى كل نصاب فى البلد دى احنا هنلاقيها منين ولا منين

[Karim_Monir]

يا نهار اسود
انا لو عمل معايا كدة هادبحة مش هاديلة فلوس على الكاوتش اللي بوظهولي ده
حسبي الله ونعم الوكيل

[Islam_galal]

تحذير هام :
بتاع الكاوتش الى فى بنزينة التعاون الى فى اول عباس العقاد حرامى وحرامى بجح كمان والبنزينة
الادارة الى فيها مش محترمة لانهم بيقسموا معاه

كان لي نفس التجربة من مدة في الموضوع التالي

http://www.nilemotors.net/Nile/showthread.php?t=9262&highlight=%C7%E1%C7%D8%C7%D1%C7%CA

بس هي كانت بنزينة مصر للبترول اللي فيها ماكينة ATM لبنك فيصل

الكاوتش معاك بوضعه الحالي لا يصلح للسفر اطلاقا
و فيه موضوع قديم كنت كتبته مش لاقيه فكتبته تاني علي اللنك الآتي

http://www.nilemotors.net/Nile/showthread.php?p=221838#post221838

[ahmedfd]

you have been robbed

دا حرامى رسمى... انا مشوفتش الكاوتش بتاعك بس عمرى ما سمعت عن فردة فيها 18 خرم... انت كنت ماشى فى غيط مسامير يعنى؟؟

لو فردة فيها 18 خرم يبقى يركبلها داخلى و شكرا مش تعملها خوابير ب 180 جنية و اكيد لو ركبلك ال18 خابور يبقى الفردة باظت لان اكيد الهباب اللى بيدفس بيه الخابور قطع سلك من سلوك الكاوتشة و اذا كان حظك حلو 18 مرة ورا بعض اكيد الخوابير دى حتاثر على اتزان العجلة

محدش يصلح كاوتش فى محطة بنزين و محدش يستعمل خوابير

MMamdouh

+100000
حصلت مرة معايا في طريق الساحل بس أخف بكتير... هوا طلعلي بتاع 7 خروم كدة في الفردة و كتنت جديدة هم طبعاً، و من ساعتها و في الظروف دي لازم أقف جنب الراجل و هوا شغال و أشوف بيعمل أيه في الكاوتش بصورة خاصة... و فعلاً الخوابير دي أعتقد ضررها أكتر من نفعها ده الواحد مبيجيلوش قلب يشوف الراجل ضارب المفك في الفردة و عمال ينخور فيها و يوسع الخرم...اكيد الكلام ده بيبوظ السلك...
و فعلاً أخر حاجة تعملها إنا تصلك فردة كاوتش في بنزينة... و الله أعلم مش عايزين نعمم بس هما فعلاً واخدين سمعة إنهم دايماً بيعملوا حركات من دي للأسف.

[shady_elkady]

هههههههههههههههههههه حضرتك لسة جديد فى مصر المحطة دة قبل كدا كنت راكب مع واحد صحبى يزود العجل و انا كنت تعبان قلتلوا انزل خليك معا=ة لانى عارف ان كل بتوع الكوتش حرامية و منزلش و كسل رحنا الهرم ملقناش و لا طاسة عربية اوبترا و عاوز اقول حاجة مهمة اخر اخترعات بتوع الكوتش الدبل الى بيلبسوها بيكونوا لحمين فيها ابرة طويلة بيخبيها بصباعة و هوا بيزود العجلة بيطبطب عليها و يزبتها

[shady_elkady]

على كالتكس فى آخر الشارع فيها بريدجستون مضمونين 100 %
حرامية اكتر رحت ارصص سبت العربية فى البنزينة و رحت اسال بكام قلى جنط حديد و لا قلتلة حديد عربية نوعها اة قلتوا سيات (و انا عربيتى افيوا) و لما رحت بالعربية قلى لا الافيوا ب 10 نفسى افهم اة علاقة نوع العربية بالترصيص الناس كلها بقت حورات و نصب و قلة قدب