أرجو الإفادة بخصوص رينو كليو موديل 1992

[tameradly]

السلام عليكم ورحمة اللة وبركاتة
أولا أود تقديم الشكر لكل المشاركين علي المعلومات القيمة في هذا المنتدي

لدي سيارة رينو كليو موديل 92 هاتشباك توجد (حشرجة - عضة) في الغيارين الثالث والرابع فقط لا أعلم سبب ذلك مع العلم أني غيرت زيت الفتيس بزيت (140) ووجدت أثناء التغيير أنها لم يكن فيها زيت ولكن للأسف لم يتغير الحال بعد التغيير هل من إفادة ولكم جزيل الشكر

[FLYINGPEUGEOT]

طب ليا كام سؤال
1- الاولانى بيتعشق كويس؟؟
2-فى غيار بيرد او بيتنطر من مكانو بعد التعشيق؟؟
3-فى صوت زننه بعد تعشيق غيار معين؟؟
4-فيه بوش فى عصاية الفتيس او فى الاتياش؟؟
.............
لو مفيش عندك اى حاجه من دوول...يبقى لا قدر الله ...الفتيس جايب غويشه

وسؤال تانى..لما بتيجى تحط الثالث او الرابع...بتسمع صوت
زعق..؟؟؟؟؟
.يعنى زى الصوت اللى بنسمعو لما نددى غيار واحنا
مش دايسين دبرياج على الاخر

[tameradly]

السلام عليكم ورحمة الله وبركاتة

أولا شكرا علي الإهتمام
ثانيا بالنسبة للأسئلة اللي ذكرتها
نعم الاولانى بيتعشق كويس

أحيانا قليلة جدا (الغيار الخامس) بيرد او بيتنطر من مكانو بعد التعشيق

لا يوجد صوت زننه بعد تعشيق غيار معين
لا يوجد بوش فى عصاية الفتيس



أما بالنسبة للسؤال الثاني انه بيحصل زعق لما بدي الغيار الثالث أو الرابع فهو دة اللي بيحصل معايا

ولكم جزيل الشكر

[Ahmad Allawy]

اولا.. هل الزيت بتاعها اللي كان فيها كان 140 ولا 90..؟؟
في واحد قريبي عمل كده في عربية فيرنا راح محطة يغير زيت الفتيس..
الفني في النحطة عمل فيها علامة و حط زيت 140 مع العلم انها بيتحط فيها زيت 90 اصلا..
ومن بعدها العربية الفتيس بتاعها مش تمام.. في عضة و مشاكل بدأت تحصل
ولحد دلوقتي مش عارفين ايه الحل.. راح بيها كل مراكز غبور و لحد دلوقتي مفيش فايدة..