الريجات بتبطل مني وهي علي السلانسية

[SHLD]

أنا معاي ريجاتا 84 بس لما باجي أدو ر العربية سواء الصبح أو في أي وقت حتي لو هي ساخن أو باردة بعد ما بتدور وهي بتسخن أو في السلانسي تشتغل أقل من دقيقة وبعد كدة تبطل حتي لو ساخنة وأنا ماشي لما بمور العربية وأفضل حوالي أقل من دقيقة من غير ما أدوس بنزين العربية بتبطل ومش عارف لو كانت واخدة غيار من غير ما أدوس بنزين تقريبا ممكن تبطل وواحد إبن حلال ميكانيكي نظف لي الكاربرتير لكنه كسر البك الاول في الكاربرتير اللي علي اليمين وحط واحد تاني ومشيت بس بعد أسبوع بدأت نفس المشكلة هل العيب في البك الاول ده مش مظبوط وهل هو بيتباع ولا لآ وهل العيب منه ولا البوجيهات و يا ريت لوحد يشرح لي البكات بتاعت الريجاتا علشان أعرف البك اللي الميكانيكي ركبه صح ولا لآ

[amrelsaqqa]

العيب ده من بك السلانسيه
محتاج تنضيف

[SHLD]

يا باشا أنا روحت أجيب بك جديد بس مش عارف المقاس بتاع بك السلانسية كام لان من الواضح أناالباشا الميكانيكي ركب بك تاني غير البك الاصلي وهو مقاسه غلط يا ريت لو حد يعرف مقاس البك السلانسية كام يقولي

[SHLD]

إية يا جماعة فين التعاون !!!!!!!!!!!!!!!!!!!!!!!!!!!!!!

[amrelsaqqa]

يابااشا بيك السلانسيه ما يلخبطش ، مش زي بك السرعة
بك السرعة بيبقى شكله كدة وبيبقى له مقاسات كتير 90 95 100 105 110 ... 120 .. 170 ..


وسعره بيكون من 3 ل 5 جنيه
وبك السلانسيه بيبقى شكله زي حاجة من دول



ومقاسه غالبا بيبقى 45 و سعره ممكن يوصل ل25 جنيه حسب نوعه
و ده اللى بيخلى العربية تبطل على السلانسيه لو مسدود مش بك السرعة
كل الموضوع هتفكه وهتنفخ فيه وهتنضفه كويس
ولو هتغيره هتروح لمحل قطع غيار وتقول له عايز بك سلانسيه لعربية كذا

[amro1965]

متابع باهتمام
لكن كان من الافضل مداخلتك تكون فى اربطه ومحبى الريجاتا نظرا لان اعضاؤها متواجدين للرد باللى يعرفوا من خلال خبراتهم وتجاربهم مع الريجاتا

[mohamed9999]

دا بيبقى بك السلانسية عاوز يتنضف

[amro1965]

عندى مسمارين مثل هذا الحجم لكن لا اعرف ايهما بيك السرعه
هل لو مقاسه اوسع السرعه بتزيد املا لا
لانى انا عندى السيارة بمشى بيها لكن لا اشعر بالسرعه
بمعنى انى لو انا بتخطى سيارة مثلا يجب ان تأخذ السيارة وقت بسيط مثلا حتى تسرع ولو فى مقابل على بعد لا اتخطى لان السيارة مش هتسرع بالوقت السريع علشان اتخطى
مش عارف هل ده طبيعى ام لا

[amrelsaqqa]

عندى مسمارين مثل هذا الحجم لكن لا اعرف ايهما بيك السرعه
هل لو مقاسه اوسع السرعه بتزيد املا لا
لانى انا عندى السيارة بمشى بيها لكن لا اشعر بالسرعه
بمعنى انى لو انا بتخطى سيارة مثلا يجب ان تأخذ السيارة وقت بسيط مثلا حتى تسرع ولو فى مقابل على بعد لا اتخطى لان السيارة مش هتسرع بالوقت السريع علشان اتخطى
مش عارف هل ده طبيعى ام لا

البيك ده بيبقى في الكربراتير من جوة
وبك السلانسيه بيبقى من برة

لو البيك عندك ضيق او مسدود هتحس بخنقة في العربية بمعنى انك لما تكبس بنزين جامد تلاقى العربية صوتها اتكتم وكأنها هتبطل او ممكن تبطل او تعمل فرقعة .. او يحصل تقطيع ( عدم انتظام في حركة السيارة )

ضعف التسارع عامة له اسباب كتير
من ضمنها مواءمة البنزين لنوع العربية وحالة الموتور وظبط الكهربا والبوجيهات والفلاتير والزيت و حالة طقم الدبرياج وبلى العجل و الفرامل و الشكمان و نضافة الكربراتير وحمولة السيارة ..

خلاصة الكلام انها حاجات كتير جدا فصعب تحكم على السبب الا بعد ما تعمل تشك على العربية ككل وتبدأ بالحاجات الاسهل والمحتملة اكتر