طرمبة زيت ولقم سبايك طمنونى ربنا يطمنكم!!

[Silenty]

الاخ a_hmed بالنسبة للصوت اللى معاك صراحة انا مش قادر احددة بالظبط اية هو
لو وصفتهولى بالبلدى زى ما بتسمعة بالظبط ممكن اجتهد معاك
بالنسبة لخرط السبيكة السعر اللى انا كاتبة بتاع معظم العربيات لان المقاسات ستاندرد
اما السؤال عن خراطة السبيكة فهو غير وارد لان السبيكة دى بتكون جزئين مكملين لبعض بيعملو شكل الدائرة
يعنى دائرة ومقطوعة من النصف
وبعدين خرط اية اذا كان الطقم كامل ( عدد 8 ) سبايك بـ 80 جنية جداد هايتخرطو بكام بس


الاخ Silenty الف مبروك على العربية وربنا يباركلك
والمسكن اللى كنت قلت علية قبل كدة ان الميكانيكى يفك السبيكة ويحط ورقة جرنال بين السبيكة وجسم البيل من شان ورقة الجرنال دى تعويض الفرق المتاكل من السبيكة تخيل

يا نهااااار ابيييييييييييييييض بيحط ورقة جرنان بدل ما يدفع ال80 جنية دة اية التخلف دة
انا سمعت قبل كدة ان فى ميكانيكية بتلف الكرنك بورق جرايد وكنت بستغرب اوى يمكن هو دة الى حضرتك تقصدة ؟؟!
المهم انا الحمد لله الميكانيكى ورانى اللقم البايظة وكانت ملسوعة من النص كدة شايطة تقريبا وقالى دى مخروطة 50 ملم يعنى مش هينفع تتغير بعد كدة تانى باين !!!
المهم انا امبارح بدور العربية وكان الجو بارد راحت عملت صوت تخبيط كدة لمدة ثانيتين وبعد كدة رااح خالص مش خيردة برضو ان شاء الله

[a_hmed]

لو وصفتهولى بالبلدى زى ما بتسمعة بالظبط ممكن اجتهد معاك

بص يا باشا لما بدوس بنزين جامد و هى واقفة ... أول مأشيل رجلى من على البنزين .. أسمع طقطقطقطق غالبا جى من الشكمان مش من المكنة (غير صوت القذف الى بيبقى من الشكمان)


الاخ silenty الف مبروك على العربية وربنا يباركلك
والمسكن اللى كنت قلت علية قبل كدة ان الميكانيكى يفك السبيكة ويحط ورقة جرنال بين السبيكة وجسم البيل من شان ورقة الجرنال دى تعويض الفرق المتاكل من السبيكة تخيل

هو حوار ورقة الجرنال الى انا بسأل علشانه
دلوقتى الميكانيكى حط ورقة نتيجة و لف الكرنك لقاه بيلف قالى ديه عايزة تتخرط او تتفور حاجة غريبة كدة و جبنا واحد من ورشة خراطة يعمل الليلة ديه

فكنت عايز اعرف هى ديه الى لما يلف الكرنك بغير علشانها السبيكة ؟؟

[mrastra]

يا نهااااار ابيييييييييييييييض بيحط ورقة جرنان بدل ما يدفع ال80 جنية دة اية التخلف دة
انا سمعت قبل كدة ان فى ميكانيكية بتلف الكرنك بورق جرايد وكنت بستغرب اوى يمكن هو دة الى حضرتك تقصدة ؟؟!
المهم انا الحمد لله الميكانيكى ورانى اللقم البايظة وكانت ملسوعة من النص كدة شايطة تقريبا وقالى دى مخروطة 50 ملم يعنى مش هينفع تتغير بعد كدة تانى باين !!!
المهم انا امبارح بدور العربية وكان الجو بارد راحت عملت صوت تخبيط كدة لمدة ثانيتين وبعد كدة رااح خالص مش خيردة برضو ان شاء الله

تخبيط ازاى يا باشا مش فاهم
ارجو انك توضح الصوت اكثر

[mrastra]

هو حوار ورقة الجرنال الى انا بسأل علشانه
دلوقتى الميكانيكى حط ورقة نتيجة و لف الكرنك لقاه بيلف قالى ديه عايزة تتخرط او تتفور حاجة غريبة كدة و جبنا واحد من ورشة خراطة يعمل الليلة ديه

فكنت عايز اعرف هى ديه الى لما يلف الكرنك بغير علشانها السبيكة ؟؟

استاذنك يا استاذ a_hmed تحكى القصة من اولها عشان انا اتمنى اساعدك لكن صراحة مش فاهم اية الموضوع خالص

[a_hmed]

استاذنك يا استاذ a_hmed تحكى القصة من اولها عشان انا اتمنى اساعدك لكن صراحة مش فاهم اية الموضوع خالص

بص يا باشا هو حاليا انا معنديش مشكلة لانى خلصت العمرة و قفلت الماتور بس انا كنت عايز اعرف اتضحك عليا فى النقطة ديه ولا لأ مش اكتر


دلوقتى لما فكينا الماتور و بصينا على الكرنك .. الميكانيكى شال السبيكة .. و حط ورقة نتيجة بين البيل و عامود الكرنك و ربط المسمارين .. لف الكرنك لقاه بيلف معاه .. قالى المفروض ميلفش و هنجيب واحد هنا يعمل روديه \ يفورها \ يخرطها مش فاكر بالظبط .. و جبنا واحد عمل القصة ديه و مبقاش بيلف بسهولة الكرنك


دلوقتى الراجل الى عملها اخد 100 جنيه
انا مشكاتى دلوقت مش فى ال 100 جنيه بس لو فعلا السبيكة ديه ب 80 جنيه يبقى انا اتضحك عليا
مش فى فرق ال 20 جنيه لاكن فى فرق انى اجيب حاجة جديدة اكييد هتبقى انضف من المخروطة + لما هى الجديدة ب 80 عمر ما الخراطة هتطلع ب 100 !!

بس فكنت عايز اعرف ايع القصة ديه من باب العلم بالشىء
واسف على الاطالة

[eslamspirit]

الموضوع دة بيحصل معايا و روحت للميكانيكي قاللي لو الحكاية دي من السبايك يبقي لازم نحل الموتور و نعمل عمرة كاملة و مينفعش نحل الكارتيرة فقط مع انكم بتقولوا ان الحكاية مش محتاجة حل الموتور ؟؟ مش عارف هوة كدة الميكانيكي بيشتغلني ولا اية ؟؟؟
العربية 128