العربية بتسخن مع تشغيل التكييف..ارجو المساعده

[beshomilan]

امبارح وانا فوق كوبرى 6 اكتوبر الساعة 2 الضهر فى عز الحر القاتل اللى كان موجود كان كله مكربس فبعضه وبنتحرك على البطىء اوى قلت اشغل التكييف..شغلته ولقيت مع الوقت مؤشر الحرارة بيزيد واسيبه يفضل يزيد قمت طفيته رجع تانى للنص عادى..جربت تانى ونفس المشكلة
واما الكوبرى مشى وابتديت اجرى بالعربية والهوا يدخل ف وش العربية شغلته تانى معليش المؤشر وبقى ازيد من النص بحاجة بسيطة يعنى الطبيعى بتاعه بس مش زى ماجربت المرتين اللى فاتوا
رغم انى دايما بشغل التكييف ومبيحصلش معايا كده
كده انا مش عارف اعمل ايه؟؟؟وهو التكييف يسخن العربية اوى كده فى الصيف؟؟؟وكده المشكلة عندى فايه؟؟

[Ashraf_Ibrahim]

متابع معاك !

[ZALABANY]

اغسل السربنتينه بتاعه التكييف والرادياتير واتأكد ان المراوح شغاله تمام وان شاء الله بسيطه

[mrastra]

لازم تراجع على دورة التبريد عموما من مية خضراء وسير تمام وسلاسة مروحة التبريد الخاصة بالردياتير

وكمان هتلاقى فريون التكييف اقل من الطبيعى لان احنا خرجين من فصل الشتا وتملى بننصح اننا نشغل التكييف فى الشتا كل اسبوع ربع ساعة عشان الفريون بيتحول بودرة فى المواسير
راجع عند اخصائى تكييف على دورة الفريون

[beshomilan]

اشكر اخوتى للمشاركة والاهتمام
حاضر استاذ ZALABANY هشوف اللى حضرتك قلتلى عليه
استاذ mrastra انا كنت بشغل التكييف فى الشتا كل اسبوع عشان ميبوظش والتكييف بيسقع ممتاز من غير كمان ما احرك المؤشر للاخر
وكمان العربية مبتسخنش لو انا مشغل التكييف باليل انما بالنهار فى عز الضهر فى الجو ده حصل اللى حكيت عليه..يعنى الموقف مش تقليدى
هو ممكن يكون للتاكيهات دور فى السخونة دى؟؟

[beshomilan]

هل من اراء اخرى؟؟؟؟؟؟؟؟

[exact]

هل من اراء اخرى؟؟؟؟؟؟؟؟

الموضوع ده حصل معايا فالسويفت وطلع السبب ان الردياتير كان مسدود بعض مواسيره....فانت روح لحد بتاع ردياتير وخليه يحل الردياتير بره ويفك وشه ويسلكه ماسورة ماسورة...وحط ميه من الحنفيه ولو عاوز تجيب مياه ردياتير يبقى تجيب حاجة اصليه زي موبيل...واتاكد من طلمبة المياه انها كويسة وكفاءة عمل المراوح وبالذات مروحة المكيف الخارجية وان شاء الله هتلاقي الماكينة بتبرد اما تشغل التكييف

[Omar.Shawki]

انا حصلت معايا والمشكلة كانت فى مروحة السربنتينة بتاعة التكييف وهى ليها فيوز اتأكد انه كويس
جرب شغل التكييف وانزل شوف المروحة شغالة كويس ولا لأ

[beshomilan]

هجرب كل حاجة واقولكم

[beshomilan]

روحت للميكانيكى وظبطلى التاكيهات عشان نعالج موضوع السخونة
وبرضه مازالت المشكلة قائمة والسخونة زى ماهى والمؤشر على اكتر انهارده وانا مشغل التكييف والعربية طلعت دخان من الكبوت واول ماطفيت التكييف المؤشر ابتدى ينزل بالتدريج لحد النص اللى هو الطبيعى بتاعه ووصلت البيت وركنت وشغلت التكييف لقيت المروحتين شغالين بتاعت التكييف والريداتير عادى وجربت كذا مرة ومش بيعلقوا خالص وانا حاطط مية خضرا موبيل من كام شهر وبزودها ميه مقطرة دايما والمية مش بتنقص
مش عارف المشكلة فين والحل ايه
علما ان فيه نقص زيت عندى يعنى تلات اربع المؤشر زيت وانا عارف كده بس لسة مغيرتس الزيت بصراحة فمش عارف نقص الزيت يسبب السخونة الفظيعة دى ولا فى حاجة تانى
ارجوكم افيدونى بجد انا مضايق اوى لانى عملت كل حاجة ومش عارف اعمل ايه تانى

[ahmed_h_g]

أكشف على مروحة التكييف و أغسل الردياتير وسربنتينة التكييف و شيل ترموستات الكوعه وجرب لو العيب منه غيره

[beshomilan]

اشكرك لردك ولرد باقى الزملاء فى المنتدى
مروحة التكييف شغالة عادى جدا والريداتير غسلته حوالى شهر 12 وحطيت ميه خضرا موبيل
طب لو شلت الترموستات ده مفيهوش اى مشاكل على العربية؟
وده هيحل مشكلة السخونة؟

[ahmed_h_g]

شيله وجرب ممكن يطلع السبب منه
لو طلع المشكله منه غيره علشان ده بيمنع ان العربية تبرد زياده عن اللزوم

[د.محمود صلاح]

في الاجواء شديدة الحرارة من الطبيعي ان المكيف يسخن العربية زيادة

[beshomilan]

اشكركم للاهتمام بموضوعى
بس انا خبطت كام خبطة من قدام كده فى الاكصدام بس جامدين شوية..فكده ممكن تكون السربنتينة اتكسرت؟؟وهى السبب فى سخونة العربية كده ولا ملهاش علاقه؟؟
د.محمود انا المؤشر عندى كان واصل لقبل الاحمر ب مللى واحد والعربية دخنت من قدام وكده يبقى مش طبيعى اطلاقا