رجة جامدة مع الفلتر السبور !!

[smsm_nabawy]

السلام عليكم ،،

مش حطول ،،
بأختصار ،، العربية غيرتلها أسطوانة و ديسك دبرياج !! و لما أجي أطلع مطالع ،، أو أزود أر بي أم و انا دايس دبرياج ،، و أشيل دبيراج سنننة بسيطة ،، العربية بتترج جااااااااااااااامد أوي ،،، ولا كان في زلزااااااال

كان في يوم شيلت الفلتر السبور علشان أنظفه و حطيت فلتر العربية العادي ،، طبعاً صبااح الخنقة الي كانت في العربية ،، مش فايقة معايا ،، و مفيهاش صوت النعرة ده ،، بس الي لفت نظرييي بجد !!! أن كنت واقف على مطلعاية ،، و جيت اطلع بالعربية ،، العربية مرجرجتش !!

ده أيه علاقته بالفتر ؟؟؟

بقيت ادوس بنزين جامد و أنا دايس دبيراج !!! و برده مفيش زي منا متعود !!!

ممكن اي حد عنده تفسير ،، يساعدني ،، و شكراً !!

[ahmed_h_g]

الرجه من طقم الدبرياج أو من قواعد الموتور
الطقم الجديد نوعه ايه ؟

[MMamdouh]

الموضوع ملوش دعوة بالفلتر... دى حاجة فى اسطوانة الدبرياج

MMamdouh

[smsm_nabawy]

الطقم ألماني ،، ديسك و اسطوانة !! ،، عامةً أنا فعلاً متأكد أنها من الدبرياج ،، لكن أكمني غيرته من حوالي 3 شهور ،، قبل الثورة ب حبه صغيرة !! مش عايز أفكر أن الطقم الجديد فيه حاجة !! لأني جايبه ألماني و من أغلى الأنواع !!

بس أن شاء الله ميكونش الطقم ،، يكون الميكانيكي هو الي ركب حاجة غلط !!! :))))


ألف شكر ليكم يا رجالة المنتدى ،، و دايماً أن شاء الله تفيدونا ... و أن شاء الله قريب حروح أحل الطقم كله ،، و أشوف أيه عايز يتغير و اغيره ،، و أزود فالفلين للجير :)

شكراً :)

[ugnali]

المفروض الميكانيكى يخرط ترس الفولام ويغير بلية الدبرياش وفرش الدبرياش وبلية الدرك عشان يبقى كله تمام ولو ركب من غير خرط الفولام وبلية الدبرياش جديدة وفرش جديد وبلية درك الطقم يبوظ على طول مع الاستخدام البسيط

[smsm_nabawy]

المفروض الميكانيكى يخرط ترس الفولام ويغير بلية الدبرياش وفرش الدبرياش وبلية الدرك عشان يبقى كله تمام ولو ركب من غير خرط الفولام وبلية الدبرياش جديدة وفرش جديد وبلية درك الطقم يبوظ على طول مع الاستخدام البسيط

يا حلااااااااااوة !! كده بحح !! :))

اوك ،، أمري إلى الله ،، حبقى أغيره المرة الجاية في التوكيل و خلاص :((((

[ahmed_h_g]

الفلام لو أتخرط بيبوظ ومعظم المشاكل من طقم الدبرياج

[smsm_nabawy]

أنا ميتهيقليش ان في مشكلة خالص في الفلام !! أن شاء الله يعني !! لأن قبل كده غيرت طقم دبرياج تبع التوكيل ،، الفاتورة مكنش فيها خرط فلام خالص ،، كان فيها فرش و بلي و أسطوانة و ديسك ،، و ذراع و كابل ،، تقريباً كلللللل حاجة اتغيرت فيه !!! :))

هانت ان شاء الله حوديها للتوكيل تتغير تاني كلها !! :(

ممكن بعد أذنكم ،، نصايحكم ليا في للحفاظ على الدبرياج ،،

و ممكن اعرف ،، هل في طقم دبرياج رياضي ،، للحرق الكتير و الشد على طول و كده !! ولا ؟؟

و ألف شكر !! :)

[a_hmed]

هل في طقم دبرياج رياضي ،، للحرق الكتير و الشد على طول و كده !! ولا ؟؟

متابع معاك علشان نفسى يطلع فيه :)

[ahmed_h_g]

فيه أنواع كتير رياضيه بس سعر الطقم يتعدى ال3000 جنيه
كان فى واحد معانا هنا فى المنتدى معاه طقم عايز يبيعه

مالوش لزمه طالما الموتور مش رياضى مش هيعمل معاه حاجه
الطقم الأصلى بيطلع كل قدرة الموتور (الطقم الأصلى فقط)

[smsm_nabawy]

فيه أنواع كتير رياضيه بس سعر الطقم يتعدى ال3000 جنيه
كان فى واحد معانا هنا فى المنتدى معاه طقم عايز يبيعه

مالوش لزمه طالما الموتور مش رياضى مش هيعمل معاه حاجه
الطقم الأصلى بيطلع كل قدرة الموتور (الطقم الأصلى فقط)

قصد حضرتك الطقم الرياضي الأصلي،، ولا الطقم الأصلي الخاص بالموتور نفسه ؟؟

[ahmed_h_g]

أقصد الطقم الأصلى للسياره اللى بيتباع فى التوكيل فقط مش الطقم اللى بيتباع فى السوق على أنه أصلى
فرق كبيييير

[smsm_nabawy]

جزاك الله خير :)

شكراً لمعلوماتك :)

بالمرة ياجماعة في موضوع ،، عايز نصيحتكم فيه !!


http://www.nilemotors.net/Nile/217439-a.html

[mohamedkaouh]

معلش انا عارف ان الوضوع قديم شويه بس عايز اعرف وصلت لايه علشان انا لسه مغير طقم الدبيراج من اسبوعين و في رعشه عندي لما ابدأ اتحرك بالعربيه بالدبرياج من غير بنزين و مش تروح غير لما ادوس بنزين و لما سالت الميكانيكي قاللي ان ده طبيعي علشان الطقم جديد و كمان العربيات الجديده كلها كده بردوا فهل ده فعلا طبيعي و لا لأ علشان بردوا السحب عندي اتحسن بس مش لدرجة 100 في 100 لسه و هل فعلا الفلام اللي في الدبرياج كان لازم يتخرط ؟ علشان الميكانيكي مكنش خرطه و مش عايز افتح تاني الدبرياج ...

شكرا مقدما :)