استفسار عن لمبة check فى اللانوس ارجو المساعده

[stars]

اشكر القائمين على المنتدى الرائع ده وانا بعتبره من افضل المنتديات العربيه فى السيارات ...
اشتريت لانوس 2 موديل 2002 ومن اول ما استلمتها ويوجد فى التابلوه على الشمال لمبة check منوره ومابتطفيش
سئلت ميكانيكى اللى روح لكهربائى سألت الكهربائى اللى روح لحد عنده جهاز يئدر يقرأ الكمبيوتر يتاع العربيه . سألت ان حد غير التوكيل فى اسكندريه عنده الجهاز ده ماعرفتش حد
ايه رايكم ممكن يكون ايه السبب فى اللمبه دى ..واذا سبتها زى ماهيه ممكن تأثر على العربيه ؟
ولى سؤال تانى لما بدورها الصبح لازم ادوس بنزين عشان تدور من اول مره ممكن ده يكون من ايه ؟
ولو تدلونى على ورشه ورشه كويسه ائدر اكشف فيها على الموضوع ده ويكون فيها الجهاز اللى بيئدر يقرأ الكمبيوتر بتاع العربيه ..

الف شكر ليكم وتعبتكم معايه بس اعمل ايه انا خبرتى فى العربات ضعيفه جدا ومالائتش حل غير انى اسئلكم ...

[hamode89]

السلام عليكم
انا برضو كان عندي ماتيز لمبة الشيك شغاله علطول
المهم رحت من ميكانيكي لميكانيكي واحد يقول
بتنقط ميه بس عملتهالك ميه ميه
وامشي من عندو تنور والعربيه تسخن تاني
والتاني يقول بتنقط زيت بس لحمتهالك
وامشي من عنده برضو تسخن تاني
لحد مالمتور كلبش ولضطريت اعمل عمره!!

المهم حتى بعد العمره فضلت معزباني
لحد ماقررت اني اوديها توكيل غبور وتكلف
زي ماتكلف

وودتها التوكيل بصراحه لايعلى عليه
توكيل غبور مالوش حل
المهم خلصت من المشكله نهائيا
والعربيه رجعت زي ماتكون جديده

المهم اللي عندك ده ياسيدي حاجه في الزيت
يبينقط او قديم علشان كده كل يوم الصبح
لازم تزود بنزين او حتى تزقها

خلاصة الكلام يامان انا مجرب مفيش اي ميكانيكي زي التوكيل
واللي انتا هتوفره لو رحت الميكانيكي هترجع تاني تصرفه على العربيه
وهتوجع دماغك وتلف من هنا لهنا ومفيش فايده
صحيح التوكيل اغلى لكن تمنو فيه والعربيه هترجع جديده
ان شاء الله وكمان لو صلحتها في التوكيل هيدوك ضمان 5000 كيلو
او 3 شهور لو حصلها ايحاجه لا قدر الله هيصلحوها على حسابهم

واقبل فائق الاحترام

[stars]

السلام عليكم
انا برضو كان عندي ماتيز لمبة الشيك شغاله علطول
المهم رحت من ميكانيكي لميكانيكي واحد يقول
بتنقط ميه بس عملتهالك ميه ميه
وامشي من عندو تنور والعربيه تسخن تاني
والتاني يقول بتنقط زيت بس لحمتهالك
وامشي من عنده برضو تسخن تاني
لحد مالمتور كلبش ولضطريت اعمل عمره!!

المهم حتى بعد العمره فضلت معزباني
لحد ماقررت اني اوديها توكيل غبور وتكلف
زي ماتكلف

وودتها التوكيل بصراحه لايعلى عليه
توكيل غبور مالوش حل
المهم خلصت من المشكله نهائيا
والعربيه رجعت زي ماتكون جديده

المهم اللي عندك ده ياسيدي حاجه في الزيت
يبينقط او قديم علشان كده كل يوم الصبح
لازم تزود بنزين او حتى تزقها

خلاصة الكلام يامان انا مجرب مفيش اي ميكانيكي زي التوكيل
واللي انتا هتوفره لو رحت الميكانيكي هترجع تاني تصرفه على العربيه
وهتوجع دماغك وتلف من هنا لهنا ومفيش فايده
صحيح التوكيل اغلى لكن تمنو فيه والعربيه هترجع جديده
ان شاء الله وكمان لو صلحتها في التوكيل هيدوك ضمان 5000 كيلو
او 3 شهور لو حصلها ايحاجه لا قدر الله هيصلحوها على حسابهم

واقبل فائق الاحترام

شكرا لك اخى hamode على ردك السريع .. بس والله انا ناس كتير الم ان التوكيل بتاع دايو مش كويس وان الميكانيكيه افضل منه بالرغم ان كل اللى شفها مأدرش يعرف ايه السبب فى لمبه الشيك :D
انا حجرب اغير الزيت ممكن يكون منه لو ما اتظبطتش ما فيش حل غير انى اروح التوكيل
بس ياريت حد يئولى توكيل دايو فين فى الاسكندريه ..
ومعلش يا باشا تعبتك معايا

[ahmedezzat78]

طبعا دى لمبه تدل على مشكلة فى نظام الحقن و ممكن تكون فيشه حساس مفكوكة او خرطوم فالت او حساس تالف

مبدايا راجع خرطوم الهواء الرفيع اللى طالع من مانافولد السحب رايح على map sensor اللى راكب فى صدر العربيه

اتاكد ان فيشة حساس الشكمان راكبة

غير كده لازم تشوف مركز عنده سكانر عشان من خلاله بيعرف ايه هوه الحساس اللى بايظ و يغيرو فى ثوانى

[stars]

طبعا دى لمبه تدل على مشكلة فى نظام الحقن و ممكن تكون فيشه حساس مفكوكة او خرطوم فالت او حساس تالف

مبدايا راجع خرطوم الهواء الرفيع اللى طالع من مانافولد السحب رايح على map sensor اللى راكب فى صدر العربيه

اتاكد ان فيشة حساس الشكمان راكبة

غير كده لازم تشوف مركز عنده سكانر عشان من خلاله بيعرف ايه هوه الحساس اللى بايظ و يغيرو فى ثوانى

شكرا يا باشمهندس على ردك انا حراجع على خرطوم الهواء زى ما انت قلت وواضح انه لو ماكنش منه مافيش اى حل تانى غير التوكيل عشان يئدر يعرف موضوع اذا كانت حساس او حاجه فى الرشاشات
بايظه والف شكر على تعبك معايه ..

[Ahmad Allawy]

شوف يا باشا..
سيبك من كلام الصنايعية..
وبعدين اللمبة دي مش بتنولا كده بمزاجها..
ولا لما تنور هتقعد تحزر و تفزر عشان تعرف السبب..
لأ انت كده خطر جدا..
الكومبيورت بتاع العربية لما في مشكلة بتحصل بيقوم منور اللمبة دي..
تروح لحد ضروري جدا عشان يوصل جهاز بالكومبيوتر بتاع العربية..
هيقرا رمز المشكلة.. لو في اي مشكلة بترمي رقمها للكومبيوتر..
لما يوصل هيقرا رقم يشوفه هيعرف بالظبط المشكلة ايه..
وهيحلها في ثواني..
متتهاونش ف الموضوع و تقعد تجرب و تعمل,,.
روح اكشف.. الموضوع مش محتاج شغل كتير..
وكون ان توكيل دايو وحش.. مش مشكلة.. مش مهم تصلح المشكلة عندهم..
روح اكشف بالجهاز و اعرف سبب المشكلة ايه..
وابي امشي يا سيدي وروح اعمله برة..

[stars]

شوف يا باشا..
سيبك من كلام الصنايعية..
وبعدين اللمبة دي مش بتنولا كده بمزاجها..
ولا لما تنور هتقعد تحزر و تفزر عشان تعرف السبب..
لأ انت كده خطر جدا..
الكومبيورت بتاع العربية لما في مشكلة بتحصل بيقوم منور اللمبة دي..
تروح لحد ضروري جدا عشان يوصل جهاز بالكومبيوتر بتاع العربية..
هيقرا رمز المشكلة.. لو في اي مشكلة بترمي رقمها للكومبيوتر..
لما يوصل هيقرا رقم يشوفه هيعرف بالظبط المشكلة ايه..
وهيحلها في ثواني..
متتهاونش ف الموضوع و تقعد تجرب و تعمل,,.
روح اكشف.. الموضوع مش محتاج شغل كتير..
وكون ان توكيل دايو وحش.. مش مشكلة.. مش مهم تصلح المشكلة عندهم..
روح اكشف بالجهاز و اعرف سبب المشكلة ايه..
وابي امشي يا سيدي وروح اعمله برة..

والله ياباشا انت كلامك مظبوط ان شاء الله اروح التوكيل واشوف ايه المشكله بالظبط افضل ويمكن تكون بسيطه خاصة انى ماحستش باى مشكله غير انها فى الصبح بتغيب فى الدواره ولازم اسند بنزين معها
والف شكر ليك يا احمد باشا

[Ahmad Allawy]

لا شكر علي واجب يا نجم
انا تحت امرك في اي حاجة..
وبعدين انت محسسني اني عملت حاجة كبيرة يعني..
يو ار ويلكم..:)

[hamode89]

انا قصدي التوكيل اللي في جسر السويس

روحلو ده كويس جدا

[MMamdouh]

اللمبة اسمها تشك check يعنى افحص و بالتالى اول لما تنور لازم تفحص الموتور لان الكمبيوتر شايف ان فيه حاجة غلط

الفحص عند اى حد عندة سكانر و لو مفيش يبقى اى مركز خدمة معتمد او التوكيل... المهم متمشيش باللمبة منورة كدة كتير

لو اللمبة بقت تنور و تطفى زى ما فى الافاتار بتاعى يبقى كدة فيه حاجة جسيمة فى الموتور و متحركش العربية من مكانها خااالص

MMamdouh

[stars]

انا قصدي التوكيل اللي في جسر السويس

روحلو ده كويس جدا

المشكله انى فى الاسكندريه وبدور على مركز خدمه يكون كويس

اللمبة اسمها تشك check يعنى افحص و بالتالى اول لما تنور لازم تفحص الموتور لان الكمبيوتر شايف ان فيه حاجة غلط

الفحص عند اى حد عندة سكانر و لو مفيش يبقى اى مركز خدمة معتمد او التوكيل... المهم متمشيش باللمبة منورة كدة كتير

لو اللمبة بقت تنور و تطفى زى ما فى الافاتار بتاعى يبقى كدة فيه حاجة جسيمة فى الموتور و متحركش العربية من مكانها خااالص

MMamdouh

شكرا اخى MMamdouh على ردك هى اللمبه كانت منوره على طول من اول ما ادور لحد ماتطفى
انا وديتها النهارده لمركز خدمه وقالى ان ممكن المشكله فى الرشاشات واللى انه حيكشف عليهم ويفصل البطاريه ساعتين عشان الكمبيوتر يتصفر لان ممكن يكون هو مخزن المشكله دى فيه وسبتها واللته حجيلك بعد ساعه وربنا يسهل وتكون بسيطه ان شاء الله

[moby]

المشكله انى فى الاسكندريه وبدور على مركز خدمه يكون كويس



شكرا اخى MMamdouh على ردك هى اللمبه كانت منوره على طول من اول ما ادور لحد ماتطفى
انا وديتها النهارده لمركز خدمه وقالى ان ممكن المشكله فى الرشاشات واللى انه حيكشف عليهم ويفصل البطاريه ساعتين عشان الكمبيوتر يتصفر لان ممكن يكون هو مخزن المشكله دى فيه وسبتها واللته حجيلك بعد ساعه وربنا يسهل وتكون بسيطه ان شاء الله

عزيزى ياريت تعطينا النتيجة
نظرا لأهمية الموضوع بالنسبة لناس كثيرة
وشكرا

[zizo_motors]

بسم الله الرحمن الرحيم دي أول مشاركه ليا في المنتدى أسمي المهندس معتز
أما بالنسبة للمبة الأعطال فهي تعني وجود خلل بأحد الحساسات أو منفذات الأوامر ولمعرفة السبب لابد من دخول السياره على جهاز فحص أعطال والله المستعان

[zizo_motors]

ملحوظه الكنترول في السياره لانوس لا تحدد أعطال الرشاشات

[stars]

جبت العربيه من مركز الخدمه امبارح والحمد لله انتهت المشكله ولما سالت المهندس قالى انه نضف الرشاشات واكد على الحساسات الخاصه بالعربيه وماغيرش اى حاجه؟!
وايضا فصل البطاره مايقرب من الساعه عشان يعمل ريست للكمبيوتر الخاص بالسياره !! وقالى جربها ولو فيها اى حاجه هاتهالى على طول .. رحت الشغل النهارده حوالى 60 كيلو ومانورتش تانى لحد دلوئتى وانا لسه بجربها .. والحمد لله انها خلصت على خير .