انا في الحرفيين دلوقتي حد عاوز أسألله على حاجه ؟؟؟؟

[Dr_ElSioufy]

صباح الخير يا رجالتنا

انا دلوقتي في قهوه في الحرفيين

سايب عربيتي عند قدوره شريك كريم منير بعملها حمام كريم

طبعا العربيه لسه قدامها بتاع تلات ساعات فانا قلت استغل الوقت ده والف اتفرج عالحاجات اللي في الحرفين

وقلت اقولكوا لو حد عاوز اسألله على حاجه

بس الحقوا بقى لان قدامي ساعتين تلاته بالكتير

واي شئ انا في الخدمه ان شاء الله

وده رقم موبايلي كمان 0195181113

[mido90]

ممكن حضرتك تسالى على تمن فانوس كامل امامى شمال نيسان صنى االشكل الجديد بيعمل كام اسيتراد و اصلى و لكون شاكر لحضرتك جدااااا

[love7amada]

عايز اعرف موجود كنترول ل جيب شروكي موديل 98 4 سلندر امريكي و لا لأ و لو موجود سعره كام ؟؟؟
بعد اذنك يعني لو تقدر
و كمان عايز اعرف موجود هناك ماروتي استيراد بتكيف ينفع الواحد ياخد تكيفها ع طول و لا لا بس تكون موديلات حديثه

[Dr_ElSioufy]

ممكن حضرتك تسالى على تمن فانوس كامل امامى شمال نيسان صنى االشكل الجديد بيعمل كام اسيتراد و اصلى و لكون شاكر لحضرتك جدااااا

علم يا باشا وجاري التنفيذ

عايز اعرف موجود كنترول ل جيب شروكي موديل 98 4 سلندر امريكي و لا لأ و لو موجود سعره كام ؟؟؟
بعد اذنك يعني لو تقدر
و كمان عايز اعرف موجود هناك ماروتي استيراد بتكيف ينفع الواحد ياخد تكيفها ع طول و لا لا بس تكون موديلات حديثه

يعني انت عاوز تكييف ماروتي موديل جديد ؟؟

عينيا يا باشا, والشروكي حاضر


لو حد تاني عاوز يسال على حاجه في الحرفيين يقول لان العربيه لسه مخلصتش والموضوع شكله مطول شويه

[Dr_ElSioufy]

مباشر من ورشه نايل موتورز :

[love7amada]

البانداااااااااااااا
تحفه ما شاء الله
ربنا يباركلك فيها
بالنسبه لسؤال ع تكيف الماروتي كنت بسأل موجود استيراد و لا لا ف العربيات عشان ف مصر بتنزل من غيره بس بره بتنزل بيه و يا سلام لو تسأله لو فيه ماتور اتوماتيك بتكيفه ينفع يتسقطلها يكون ايه و بكام ساعتها بقي ليك عزومه كمان

[momo44]

سربنتينة تكييف لانسر 97
عداد لانسر 97 بالار بى ام
لو سمحت :)

[kamalsalem]

الراجل اللي جمبه بسام فايبر عنده عربيات شغال فيها؟ لو كده افقعه صورتين واسئلهولي لو عنده كيت جاهزة لكروز وبكام... مع خالص تشكراتي

[Dr_ElSioufy]

البانداااااااااااااا
تحفه ما شاء الله
ربنا يباركلك فيها
بالنسبه لسؤال ع تكيف الماروتي كنت بسأل موجود استيراد و لا لا ف العربيات عشان ف مصر بتنزل من غيره بس بره بتنزل بيه و يا سلام لو تسأله لو فيه ماتور اتوماتيك بتكيفه ينفع يتسقطلها يكون ايه و بكام ساعتها بقي ليك عزومه كمان

اه الباندا ربنا يخليك يا باشا الف شكر

هههههه حاضر يا باشا مش هروح قبل ماوصل لقرار الموضوع ده بس اضمن العزومه الاول ههههههههههه

سربنتينة تكييف لانسر 97
عداد لانسر 97 بالار بى ام
لو سمحت :)

حاضر من عينيا يا مومو باشا :)

[heshamzaky]

لو مفيهاش مضايقة ممكن جنب الورشة عند قدورة فية بسام بتاع الفايبر ممكن تشوف أذا كان عندة أسبويلر بيركب على السقف فى العربيات ال هاتش باك لو مفيش جاهز عندة هو بيعملة فى حدود كان بالتقريب يعنى السعر من و الى كذا

[Dr_ElSioufy]

الراجل اللي جمبه بسام فايبر عنده عربيات شغال فيها؟ لو كده افقعه صورتين واسئلهولي لو عنده كيت جاهزة لكروز وبكام... مع خالص تشكراتي

سألتهولك عنده الكيت بتاع الكروز كامل وعامل 2850 جنيه
وقدامه واحده ايفو موديل قديم عاملها كيت كامل

[Dr_ElSioufy]

لو مفيهاش مضايقة ممكن جنب الورشة عند قدورة فية بسام بتاع الفايبر ممكن تشوف أذا كان عندة أسبويلر بيركب على السقف فى العربيات ال هاتش باك لو مفيش جاهز عندة هو بيعملة فى حدود كان بالتقريب يعنى السعر من و الى كذا

يا باشا مضايقه ايه بس انت يا هشام باشا من الشخصيات اللي اجبرتني على احترامها في المنتدى من متابعه مشاركاتك وكلامك وانا يسعدني اني اخدم حضرتك ده كفايه انك نورت الموضوع :)

بص انا سألته نفس السؤال ده وعربيتي هاتش باك

هوا عنده جاهز فعلا وبيعمل برضو تفصيل عموله لو جبتله حاجه من على النت

العموله بيكلف حوالي 400-500 جنيه من غير رش لسه

وبالنسبه للجاهز فانا مستني العربيه تخلص تلميع عند قدوره ونشوف سوا ايه اللي عنده جاهز للهاتش باك

وهبقى اعرف حضرتك بالجديد ان شاء الله

[heshamzaky]

يا باشا تسلم و تعيش و كتر ألف خيرك بجد . أنت عارف كلعادة كنت برفع لك صورة علشان ما أغلبكش و يبقى الموضوع واضح أنا معايا عربية تيبو زى الى فى الصور دى و الاسبويلر شكلة أهوة بالظبط

[heshamzaky]

شوف الجاهز بكام لان 400 جنية سعر غالى على فكرة شوية .
دى صورة العربية من زاوية يقدر يقدر منها حجم الاسبويلر تقريبا

[heshamzaky]

و سلم على أحمد قدورة و قولة هشام الى رش عندك العربية ال سوبر فيورا الى ب 4 قوانيس بيسلم عليك هههههههههههههههههههه