مشكله مجنناني ...... ارجو مساعدة الخبراء

[amrmaismail]

السلام عليكم يا شباب المنتدي المحترمين

عندي مشكله في العربيه ومش عارف هي منين بالضبط لان الآراء متضاربة جدا فيها

بدأت المشكله باني وانا ماشي علي الاول واسيب البنزين فجأة العربيه تنتش اكن العجل كلبش كدةوساب في ساعتها او اكن العربيه اتخضت
وكانت علي الاول بس
بعدها بقت علي التاني والتالت والرابع

ومش بس كده دي كانت اول ما اسيب رجلي من علي البنزين
دلوقتي بقت اول ما اسيب رجلي واول ما احطها احس ان العربيه اتخضت كده او نطرت وبعدين تمشي عادي
حد يقدر يقوللي المشكله دي من ايه ؟؟؟؟؟

العربيه سيتروين اكسارا مو ٢٠٠١ جر امامي طبعا ...... ١٦٠٠ سي سي

وتحياتي للجميع

[abo_kanze]

متابع مع حضرتك وان شاء لله تلاقي الحل

[love7amada]

كان عندي نفس المشكله ع الاول و ع التاني و اختفت بس مش عارف ايه خلاها تختفي
بس بص انا كنت بتسخدم 80 بقيت بحط 92
و زبطت الكهربا و الكربراتير ع كده
و نضفت كربراتير
مش عارف بقي ايه من اللي فوق هوا اللي ظبط العربيه

[kamal_adly]

كان عندى نفش العطل من اسبوع و صلحته الحمد لله بص يا سيدى انت تعمل الاتى:
- فك الاسبراتير و اكشف عليه و اغسله بالبنزين
- راجع على سلوك البوجيهات
- غير البوجيهات بالنوع المناسب لسيارتك (انا ركبت بوش الروسى)
- غير فلتر البنزين و ضبط الكهربا
كل ماسبق مش حياخد اكتر من نص ساعة عند ميكانيكى محترم و باتوفيق انشاء الله

[elewey]

بوجيهات و السللك بتاعها لو بتستخدم بنزين 80 بلاش منه

[dr.hazem]

وقواعد الموتور تعمل كده لو بايظه
تحس بهبده جامده اول اما تسيب رجلك من عالبنزين..


تحياتي

[amrmaismail]

منورين يا رجالة والف شكر علي الردود الجميله

انا فعلا بستخدم بنزين ٩٢ وعمري ما بحط غيره
العربيه عندي انجكشن وما عنديش اسبراتير خالص انا عندي كويل ( بوبينه ) واحده طالع منها ٤ اطراف راكبين عالبوجيهات علي طول من غير اي سلوك ولا وصلات
وانا بالفعل عديت وانا بحاول احل المشكله علي فلتر البنزين والهوا والبوجيهات وغيرتهم من غير نتيجة

في واحد بيقوللي دي تبويشة كوبلنج يعني احد رؤوس الكوبلنج الداخليه او الاتنين فيها بوش بتعمل فرق في الحركه بين الجير بوكس والعجل وده اللي انا بحسه
مش عارف صح ولا غلط

وانا فعلا واحد قاللي قواعد موتور وغيرتهم كلهم وماتحلتش

ومستني باقي الآراء

[Esam Mosaad]

هتغير فلاتر هتغير قواعد هتغير بوجيهات مش هتحس بفرق لانها عندى ويمكن اكتر منك
قدامك كوبلن داخلى لان انا عندى فى بوش
لاما سلوك البوجيهات او البوابه

[amrmaismail]

ازيكم يا رجاله
روحت اضبط زوايا الفني هناك قاللي غير جلب المقصات ( المشكله اني مغيرهم من كام شهر )
روحت عملتهم المشكله راحت الغريب اني ما شكتش فيهم خالص لاني كنت لسه مغيرهم قريب
لكن الظاهر ان كل اللي موجود في السوق دلوقتي مضروب

وتحياتي للجميع

[hko]

الحمد لله ان المشكلة اتحلت

[mo2men2010nn]

دى كهربا ياباشا