حد يقولى اعمل اية فى الصدأ

[kemo_nagy]

انا معايا لانسر 99 و عندى فى الشنطة تحت الأستبن و فوق الدواسات و جزء فى الصدر فى صدأ ومش عارف اعمل اية كنت ناوى ادهن بلاك بس فى كتيير قالولى خليها زى ماهى عشان تبقى فابريقة و مايعبهاش....
هل فعلا البلاك هيأثر فى الفبريكة و هايعبها ولا لآ؟
ولو هايعبها هل فى حاجة تانية غير البلاك توقف الصدأ؟
ولو مافيش هل فى مشاكل لو سيبتها كدة؟
و الف الف الف شكر

[ahmedsrs]

ممكن تغطى اماكن البارومة بطبقة من الشحم بعد متتسنفر كويس وتسيبها ذى مهيه بس لو فى خرم فى الصاج فدى ملهاش حل غير السمكرى

[Lord of the flies]

الحق نفسك واتجة للسمكرى فورا.

[amr_elrashidy]

انسب حل فعلا هو الصنفرة و الشحم اذا مكنش فى فتحات..لو فى فتحات فى سمكريه بتظبطها كويس اوى اوى و بتجلخها كويس بعد اللحامات و بتبقى مشابهة جدا للفابريكة بعد ماتاخد برايمر طبعا..بس المشكلة لو حد فاهم اوى حيقول انها رشه دواخل و انت عارف المصريين..اهم حاجه عندهم الدواخل حتى لو العربية مفرتكة من بره...ولو مفهاش موتور كمان...المهم انها فابريكة:d

[ahmedsrs]

المختصر المفيد لو هتبيع خليها ذى مهيه واعمل موضوع الشحم لكن لو مش هتبيع روح لسمكرى احسن

[hazem_khidr]

البلاك لا حيقدم و لا حيأخر
البلاك بيتحط للحمايه من البارومه مش لعلاج البارومه.
لو شويه صدأ خفيف روح لسمكري يصنفرها و شوف بوهيجي نضيف يعملهالك و مش حتفرق حاجه عن الفابريكه.
لكن لو سيبتها ممكن البارومه تسرح في الشنطه كلها