زيت غريب غريب

[maka]

السلام عليكم

شوفت حاجة غريبة اوى امبارح وانا باغسل العربية فى محل غسيل وتزييت شفت انواع

زيوت غريبة زى BP Visco وبترومين وانواع اخرى الغريب ان الزيوت كلها

صناعة اماراتى وخليجى انا فى الاول قولت الزيوت دى اكيد مضروبة بس بعد شوية

لقيت بيجو 405 داخلة تغير زيت والراجل قعد يناى فى الجراكن واختر نوع غريب انا

قولت مبديهاش بقى وراحت اقلب فى الجراكن واتفرج على الانواع والاسعار لاقيت انا

ارخص جركن ب 45 جنية وكمان الجراكن متبرشمة جامد اوى وفيه كام نوع كانوا

ملفوفين فى بلاستيك شفاف رحت قعدت اهزر مع الراجل بتاع الغسيل (اصلى مصحبوا

علشان يبظبط العربية كويس ;)) وفى الاخر روحت سالوا هى الزيوت دى مضروبة ولا

متهربة قالى عيب عليك متهربة اه مضروبة لا وبعد شوية كانت الطامة الكبرى عربية

تمبرا نضيفة اوى ودخلة تحط زيت بس المرة دى صاحبها راح جاب جركن BP Visc

فسفورى اللون لكن انا بردوا مهتدش رحت رايح للراجل بتاع الزيت سالته كيلو الزيت

السايب بكام (بصلى بقرف) وقلى مابنبعش زيت سايب رحت رايح للراجل بتاع التمبرا

وسالته الزيت ده حلو قالى انه جربه مرتين وعجبه وهيكمل عليه وطلع بيقعد 2500 كيلو

وب 46,50 ولما قعدت افكر الزيوت دى علشان تخش البلد بشكل رسمى لازم جماركها

تكون عاليه علشان الصناعة الوطنية ولا هى الزيوت معلهاش جمارك والراجل بيشتغلنى
ويقولى متهربة

مش عارف انا محتار احط من عندهم واجرب (وانا وحظى) ولا احط شيل فى البنزينة
اضمن

[hasan777]

BP=British Petroleum
والشركة دي من اكبر شركات العالم في البترول من حيث الحفر و التنقيب و الصناعات البترولية
وانا كنت بستخدم الزيت دة و انا في الكويت وكان زيت ممتاز
بس هنا في مصر انا بستخدم شل و لو لقيت BPهستخدم شل بردة علشان اريح دماغي من الشك والغش التجاري

[ahmedfra]

yesssss shell

[Ahmad Allawy]

الزيوت دي لو متأكد من المنشأ بتاعها خليجي فعلا..
تبقي احسن من اللي هنا في مصر مليون مرة..
علي الاقل هناك عندهم ضمير في الحاجات دي اكتر من هنا.. الغش التجاري هناك اقل بكتير قوي..
وغير كده عندهم ماركات محترمة كتير مش بنسمع عنها هنا عشان مبيعات مش اكتر..

[maka]

الزيوت دي لو متأكد من المنشأ بتاعها خليجي فعلا..
تبقي احسن من اللي هنا في مصر مليون مرة..
علي الاقل هناك عندهم ضمير في الحاجات دي اكتر من هنا.. الغش التجاري هناك اقل بكتير قوي..
وغير كده عندهم ماركات محترمة كتير مش بنسمع عنها هنا عشان مبيعات مش اكتر..

هى اكيد زيوت الخليج انضف بس انا خايف ليكون الزيت مضروب مش متهرب بس بصراحة بفكر

اجرب وربنا يستر وهو الزيت لو طلع مضروب ايه الى هيحصل للعربية

[أبو_حمزة]

و المغسلة دى فين ؟

[Ahmad Allawy]

لأ لو طلع مضروب.. هتبقي مشكلة..
ممكن يبوظ الموتور اصلا..

[eng_mkhalaf]

ممكن أعرف المكتن فين دة

[talent]

خليك فى المضمون

[maka]

و المغسلة دى فين ؟

ممكن أعرف المكتن فين دة

هعبعتلكم على الخاص علشان متبقش دعاية بس مليش دعوة لو طلع الزيت مضروب :D

[maka]

لأ لو طلع مضروب.. هتبقي مشكلة..
ممكن يبوظ الموتور اصلا..

خليك فى المضمون

شكرا للنصيحة بس انا هاعمل تحرياتى الاول ;)

انا هاروح كمان يومين مع واحد صاحبى هيغسل واشوف الوضع عامل ايه بالليل (اكيد العربيات

بتبقى اكتر)واشوف انى زيت عليه اقبال واسال اصحاب العربيات جربوا قبل كده ولا لا

انا عارف ان هى مغامرة وربنا يستر :)

[khaledmohamed07]

يا جماعة مدوخين نفسكوا لية
الزيوتدى بتتباع اساسا فى محطات الغاز و ممكن ادلكو على محطة الغاز اللى فى الماظة بعد موقف السوبر جيت و هى عندها كل الانواع من الزيوت دى و سعرها فعلا تحفة
يس انا ما جربتهاش

[maka]

يا جماعة مدوخين نفسكوا لية
الزيوتدى بتتباع اساسا فى محطات الغاز و ممكن ادلكو على محطة الغاز اللى فى الماظة بعد موقف السوبر جيت و هى عندها كل الانواع من الزيوت دى و سعرها فعلا تحفة
يس انا ما جربتهاش

الماظة د بعيييييييييييدة اوى

[ابوهاشم]

ياجماعة الزيوت دى مصنوعة هنا وواخده اسامى شركات خليجية يعنى مش الاصلية
لان انا لسه مغير زيت برضه فى محل الغسيل الاسبوع الماضى وجبت زيت بترومين
وده اسم شركة امارتية وثمن الجركن 40 جنيه 5ك بس لقيت مكتوب عليه تحت صنع فى مصر

[mohamed ibiza]

خليك في المضمون احسن انا عن نفسي بقالي سنين ماشي علي توتال كوارتز 5000 كيلو و بعمل بيه 7000 و 8000 و 12000 عادي جدا و ب 65 جنية الحاجة اللي بتدخل جوا الموتور و بتدور جواه لازم تختارها بعناية لانها ممكن تبوظ الموتور.......










Ibiiiiiiiiiiiiiiiiiiiiiiiiiiiiiiiiiizzzzzzzzzzzzzz zzzzzaaaaaaaaaaa For Ever