ينفع اغير الدسك بس من غير ما اغير الطقم كله ؟

[saadelden]

انا مغير طقم الدبرياج من 6 شهور
بس ابتدي دلوقتي يعمل رعشه في الطلعه و العربيه سخنه

بفكر اغير الدسك بس عشان الرعشه دي بس
لكن غير كدا العربيه بتسحب تمام و مفيش صوت من البليه

[aYaBooY]

ممكن بس كدة بتكون معرض تفتح تاني لو الاسطوانة عملتها

[saadelden]

هو الي بيعمل رعشه في الطلعه الاسطوانه ولا الدسك ؟

[aboomar22]

الاسطوانة غالبا مش الديسك

[aYaBooY]

الاتنين بيعملوا نفس الموضوع
الاسطوانة لو فلبها فيه بوش و الديسك لو سوستة ضعفت

[wlng76]

من رأيى ان الموضوع ده سببه قطع غيار سيئة أو عيب فى التركيب علشان كدة الأنظف تغيير من تانى وعند ميكانيكى كويس

[Esam Mosaad]

حرام تنزل عشان تغير الديسك بس
وبعدين اكيد النوع الى انت حايبه مش كويس

[ahmed_h_g]

الطقم على بعضه طالما هتحل

[saadelden]

خلاص هخليه لحد ما يخلص خالص او لو قرفني هبقى اغيره

بس ماقولتوليش ايه الانواع النضيفه الي في السوق ؟
سمعت عن نوع اسمه Value تقريبا ؟!

[mrastra]

كولة مضروب يا صديقى
للاسف الزبون النهردة بين مطرقة المغشوش وسندان الاستيراد
فعلا بقت اصعب حاجة ممكن تاخد فيها قرار اجيب قطعة الغيار منين ؟؟؟؟؟؟؟؟؟؟؟ دة حتى الناس المعرفة اللى بعاملهم من سنين مش هو اللى بيدحك علية لا انما هو كمان مدحوك علية
بلاد كتير جداااااااا بتضرب الماركات العالمية وما فيش اى نوع من الرقابة على الواردات ولا الغش التجارى
انا عن نفسي باخدها بالسعر .....هو ينفع يكون فية لمبة الماني ب23 جنية ولا ينفع يكون فى ثرموستات بـ 9 جنية اسبانى طبعا لا ولا دى عمرها راحت اسبانيا ولا دى عدت حتى من جنب المانيا
العيب اللى عندك عيب دسك لان لارعشة بتبان اما العربية بتسخن
اما لو الاسطوانة هى اللى السوست بتعتها بايظة الرعشة بتكون موجودة من اول دوارة للعربية
مختصر الكلام ونصيحتى ليك غير الدسك فقط بدسك اخر استيراد ومن حسن الحظ ان الدسك بيتعرف اذا كان سليم او بايظ من قبل ما يركب .....بتضربة بكف ايدك كدة بحركة معينة وتشوف رد فعلة قفل وفتح بسرعة ولا عمل صوت غريب هاتهم استيراد هو والاسطوانة بـ 100 جنية

[SAMEH_FOUAD]

ممكن تغير الدسك لوحدة او الاسطوانة لوحدها مافيش مشاكل والديسك هو اللى بيسبب الرعشة فى الطلعة

وعموما هو value دة كويس بس اهم حاجة تجيب الاسبانى بتاعة وعلى فكرة من السعر هيبان الفرق وتجيبة من واحد ثقة

واكيد انت هتعرف لو لقيت الاسطوانة ملسوعة او السوست بتاعتها مبوشة يبقى غيرها على طول بالمرة وغير بالمرة بليتين الفتيس عشان تحافظ عليهم

[saadelden]

ممكن تغير الدسك لوحدة او الاسطوانة لوحدها مافيش مشاكل والديسك هو اللى بيسبب الرعشة فى الطلعة

وعموما هو value دة كويس بس اهم حاجة تجيب الاسبانى بتاعة وعلى فكرة من السعر هيبان الفرق وتجيبة من واحد ثقة

واكيد انت هتعرف لو لقيت الاسطوانة ملسوعة او السوست بتاعتها مبوشة يبقى غيرها على طول بالمرة وغير بالمرة بليتين الفتيس عشان تحافظ عليهم

طيب واحد ثقه زي مين ؟
انا معرفش محلات غير الي ف الجيزه و كلهم ماعندهم نوع ايطالي و نوع الماني لكن مفيش Value

انا اما كنت بغير الطقم سمعت عن النوع دا و ماعرفتش اجيبه ف جبت طقم استيراد

[SAMEH_FOUAD]

مش عارف مين بيبيعة بس هسألك واحد جنبينا فى وسط البلد بيبع الطقم الvalue تقريبا كان صاحبى سأل علية مرة قالة ب420 جنية او 350 جنية حاجة مش اقل من السعر دة ومش اغلى هسألك وارد عليك

انا ساكن فى وسط البلد والمحل اللى انا اعرفة فى عابدين

[saadelden]

مش عارف مين بيبيعة بس هسألك واحد جنبينا فى وسط البلد بيبع الطقم الvalue تقريبا كان صاحبى سأل علية مرة قالة ب420 جنية او 350 جنية حاجة مش اقل من السعر دة ومش اغلى هسألك وارد عليك

انا ساكن فى وسط البلد والمحل اللى انا اعرفة فى عابدين

يا ريت والله

عموما انا عربيتي 131 1600cc كامه واحده

مش مشكله السعر طالما مركه كويسه

[essamenen]

السلام عليكم
امبارح كنت عند ميكانيكى جديد لعربيه والدى( بيجو ( 504 ) لان الميكانيكى بتاعنا توفى المهم حسيت انه فاهم.
فضلنا بنصلح فى العربيه من الساعه 11 الى الساعه 10 مساء المهم جاله واحد بعربيه لنسر كرستاله وكان ساحبها وكانت اسطوانه الدبرياج مفوته فقله هات نوع معين من عند اى حد فراح وجبله نوع كورى بتاع الهوندى وينفع يركب على الكرستاله فقله انا قلتلك هات نوع محدد (انا معرفش ايه النوع ده لانى مكنتش مركز فى الكلام ) المهم قعد يتناقش معاه وحسسنى انه فاهم وان الزبون ابنه وبيادبه انه جاب حاجه مش الى قاله عليها وبعدين قله لو ركبت لك ديه انا مش مسؤول عنها وتحت امرك المهم الزبون راح ومرجعش وساب العربيه المهم سالته انتى رجعته ليه قلى كل الاسطوانات الموجوده فى السوق تعبانه الا value ده لسه ما اضربش الانواع الثانيه بترعش فى الطلعه بعد التركيب بوقت قليل وذلك لردائه التيل الموجود فى الاسطوانه فقلتله انا ا عندى نفس الموضوع بتاع الرعشه فى الطلعه بس بتبان لما العربيه بتسخن ( عند 90 ) فقلى السحب اخباره ايه فقلتله تمما فقلى ده عيب فى التيل فقلى لو عايز تغير غير ب value بس مقليش بيتباع فين او تعايش مع الرعشه .
انا سالت عن الاسطوانه لاقتها فى حدود 75 جنيه روسى فمش عارف انا فعلا محتار اجيب الاستيراد ولا اتعايسش او اجيب الغاليه