الدركسيون الباور !!!

[Tarek_Swelm]

السلام عليكم يا شباب المنتدي

ممكن اعرف الاضرار لو حاولت الف الدركسيون الباور و الموتور مطفي , طبعا انتو عارفين اد اية بيبقي الدركسيون ناشف وقتها ,

يعني زي مثلا لما نيجي نزق العربية و نحضنها جنب الرصيف و الموتور مش شغال لأي سبب من الاسباب

هل الموضوع دة بياثر علي السكاترا الباور او علي طلمبة الباور في حاجة ؟؟

بانتظار الردود و شكرا جزيلا .

[MOK3336]

انا متهيقلي مش هيلف معاك من اساسة او مش هيتحرك غير مثلا 1سم ولا حاجة فده و الله اعلم مش هيأثر علي حاجة الا بقي لو اتعافيت عليه دى تبقي حاجة تانية

[saadelden]

بيلف عادي بس بيبقى تقيل
اعتقد مفيش ضرر ..لان العربيه لو عطلت منك و عايز تزقها بتلف الدركسيون عادي من غير مشاكل

[MMamdouh]

مفيش اضرار

MMamdouh

[MOUSTAFA_SAAD]

مش عارف

[modo88]

مفيش اي ضرر وهاتبقا كانها عربيه عاديه مش باور
الاسكترا مش هايبقا واصلها زيت من الطلمبه وهاتبقا زيها زي الاسكترا العاديه

[mahmoud_afifi]

انا عاوز استفسر بخصوص الموضوع ده.
العربيه عندي كانت اتخبطت قبل كده بجنب والعربيه واقفه واتزقت والدركسيون لف والعربيه مش شغاله !
من بعدها وانا بسمع تزييق في الدركسيون يبقى ازاي مفيش اضرار ؟ ياريت تفيدوني من فضلكم

[graffittiii]

انا عاوز استفسر بخصوص الموضوع ده.
العربيه عندي كانت اتخبطت قبل كده بجنب والعربيه واقفه واتزقت والدركسيون لف والعربيه مش شغاله !
من بعدها وانا بسمع تزييق في الدركسيون يبقى ازاي مفيش اضرار ؟ ياريت تفيدوني من فضلكم

يباشا صوت التزييق عشان العربية إتخبطت مش عشان حضرتك لفيت الدركسيون وهي مش شغالة ..
ممكن الخبطة أثرت علي ضبط الميزان ... ألقي نظرة عند مايسمي بال العفشجي ..

[dr.hazem]

ولا له اي ضرر

تحياتي

[SAMEH_FOUAD]

كل اللى ممكن يحصل انك لو عندك هواء فى دورة الباور هتلاقى زيت الباور خرج من الخزنة بتاعتة , والمنسوب بتاعها بيقل

لو مافيش هواء هتلاقى الزيت بيعلى بس بنسبة بسيطة وبعد كدة بيرجع تانى لما بتدور العربية

[mahmoud_afifi]

يباشا صوت التزييق عشان العربية إتخبطت مش عشان حضرتك لفيت الدركسيون وهي مش شغالة ..
ممكن الخبطة أثرت علي ضبط الميزان ... ألقي نظرة عند مايسمي بال العفشجي ..

الخبطه هي الي لفت الدركسيون , ما هو ده السؤال حضرتك ان الدركسيون لف والعربيه مش شغاله زي ما الاخوه بيقولوا فوق يبقى ازاي لفه وهو مش شغال السبب ؟ :)

كل اللى ممكن يحصل انك لو عندك هواء فى دورة الباور هتلاقى زيت الباور خرج من الخزنة بتاعتة , والمنسوب بتاعها بيقل

لو مافيش هواء هتلاقى الزيت بيعلى بس بنسبة بسيطة وبعد كدة بيرجع تانى لما بتدور العربية

ولو الباور كهربا مش زيت ؟

[SAMEH_FOUAD]

الخبطه هي الي لفت الدركسيون , ما هو ده السؤال حضرتك ان الدركسيون لف والعربيه مش شغاله زي ما الاخوه بيقولوا فوق يبقى ازاي لفه وهو مش شغال السبب ؟ :)


ولو الباور كهربا مش زيت ؟

الباور الكهرباء بيشتغل اصلا وانت فاتح الكونتاكت بس من غير ماتدور لكن لو لفيت الدركسيون وانت طافى العربية خالص يبقى كدة الباور مش هيتحرك اصلا لانة معتمد على حركة كهربائية بياخدها وسينسور

واصلا محدش يحاول يشتغل بالباور الكهرباء والعربية مش دايرة لانة بياكل البطارية بمعنى بياكلها

[mahmoud_afifi]

الباور الكهرباء بيشتغل اصلا وانت فاتح الكونتاكت بس من غير ماتدور لكن لو لفيت الدركسيون وانت طافى العربية خالص يبقى كدة الباور مش هيتحرك اصلا لانة معتمد على حركة كهربائية بياخدها وسينسور

واصلا محدش يحاول يشتغل بالباور الكهرباء والعربية مش دايرة لانة بياكل البطارية بمعنى بياكلها

متشكر على المعلومه, بس الي حصل ان الدركسون لف تحت تأثير الخبطه والعربيه مطفيه وبعدها بقيت اسمع صوت تزييق. وبالنسبه للبطاريه الحمدلله سليمه. حضرتك عندك فكره ممكن المشكله تكون من ايه ؟

[SAMEH_FOUAD]

شوف طالما انت بتقول الدركسيون لف تحت تأثير الخبطة , يبقى كدة العربية دية لازم يتعاد زواياها تانى , واكشف على البارة والمقص عشان ممكن يكون الصوت منهم

[mahmoud_afifi]

شوف طالما انت بتقول الدركسيون لف تحت تأثير الخبطة , يبقى كدة العربية دية لازم يتعاد زواياها تانى , واكشف على البارة والمقص عشان ممكن يكون الصوت منهم

متشكر جدا استاذ سمسم