حاجة غريبة في الفرامل بعد ما فكيت الكلابوش !!

[elmoski]

انا حصلتلي حاجة غريبة ومش عارف ده طبيعي ولا لأ

بأختصار كدة انا كنت واقف في الممنوع و العربية اتكلبشت انهاردة المهم بعد مالفيت ساعة عشان اجيب العسكري يفك الكلابوش .. المهم العسكري بيفك الكلابوش و انا بدور العربية وبسخنها جيت ادوس فرامل والعربية واقفة مكانها لاقيت الفرامل اكنها سايبه (الدواسة بتنزل و تطلع زي المية كده) المهم كركت مرة نفس الكلام في المرة التالته رجعت زي ماكانت قمت طلعت بالعربية وقلت ربنا يستر ومتعملش كدة ونا ماشي وروحت البيت و الفرامل شغالة زي الفل ... ياتري ايه اللي حصل بالظبط هل الكلابوش ده ممكن يكون عمل مشكلة ولا ايه ؟؟

[Ashraf_Ibrahim]

اطلاقا ملهوش أي دخل بالفرامل خالص !

[elmoski]

امال اللي حصل ده سببه ايه دي اول مرة تحصل معايا ..

[elewey]

امال اللي حصل ده سببه ايه دي اول مرة تحصل معايا ..

ممكن يكون زيت الفرامل ناقص شويه او فى هوا فى الدورة طبعآ الكلابش ملهوش اى علاقة هى بس جات صدفه اكيد

[elmoski]

يعني الهوا ده حاجة خطيرة ولا حاجة عارضة و راحت لان الفرامل رجعت في ساعتها زي الفل علما ان عربيتي شاريد سيدان مو 96

[A.Saad]

بص على العجل من جوة شوف الخراطيم سليمة ولا لا
شوف الزيت فى القربو
ده للاحتياط بس

[mohamedadelemam]

السلام عليكم..هو حضرتك أنا معرفش طريقة ربطه بالظبط..بس ممكن الكلبش دا داس على البستم بتاع الماستر..وبمجرد ما حضرتك دوست على الفرامل البستم رجع لوضعه الصحيح..طبيعى جدا حضرتك بإذن الله مفيش قلق

[SAMEH_FOUAD]

مافيش قلق , هو كل اللى حصل انة لما كلبش العجلة اكيد بتقفل على العجلة من ورى فخليت العجلة اتحركت من وضعها الطبيعى او حاجة تانى فخلت الفرامل مش مظبوطة لحد ماجمعت تانى

[MOUSTAFA_SAAD]

طالما عدت ماتفكرشى فيها كتير خلاص

[Tarek_Swelm]

لما غيرت الطنابير الامامية في الفيورا , الميكانيكي فك مساتر الفرامل الامامية و لما ركبهم تاني كانت في الاول زيك كدة ,الدواسة كانت سايبة و كنت حلبس في اللي ماشي ادامي لولا ستر ربنا و افتكرت فرامل اليد و شديتها
و لما حكيت للميكانيكي اللي حصل , قالي معلش انا نسيت اقولك تكرك مرتين و في التالتة الفرامل حتشتغل .
تقريبا كدة الكلابش فتح ماستر الفرامل اللي علي الطنبور علي الاخر و الزيت رجع علي الطلمبة و علشان ينزل تاني كان لازم تكرك برجلك مرتين و في التالتة يشتغل .

[beshomilan]

لا متقلقش اطلاقا وعادى جدا والكلابش ده مبيعملش حاجة..بس المهم دفعت ال 40 جنيه :(

ما غيرت الطنابير الامامية في الفيورا , الميكانيكي فك مساتر الفرامل الامامية و لما ركبهم تاني كانت في الاول زيك كدة ,الدواسة كانت سايبة و كنت حلبس في اللي ماشي ادامي لولا ستر ربنا و افتكرت فرامل اليد و شديتها
و لما حكيت للميكانيكي اللي حصل , قالي معلش انا نسيت اقولك تكرك مرتين و في التالتة الفرامل حتشتغل .
تقريبا كدة الكلابش فتح ماستر الفرامل اللي علي الطنبور علي الاخر و الزيت رجع علي الطلمبة و علشان ينزل تاني كان لازم تكرك برجلك مرتين و في التالتة يشتغل .

يانهار..معقول مقلكش تعمل كده بعد ماخلص الشغل..ربنا ستر عليك ومحصلش اكتر من كده..ده كله الا الفرامل
اتعود بعد كده تجرب كل حاجة وانت طالع يعنى لسة فى شارع الميكانيكى عشان متحصلش بلاوى على الطرق بره

[Ashraf_Ibrahim]

انا قبل ما بطلع بالعربية بدوس على واسة الفرامل عشان أقفل السنتر بتاع البيبان واهو منها اكون مطمن على الدواسة انها طبيعية برده !

[Tarek_Swelm]

لا متقلقش اطلاقا وعادى جدا والكلابش ده مبيعملش حاجة..بس المهم دفعت ال 40 جنيه :(



يانهار..معقول مقلكش تعمل كده بعد ماخلص الشغل..ربنا ستر عليك ومحصلش اكتر من كده..ده كله الا الفرامل
اتعود بعد كده تجرب كل حاجة وانت طالع يعنى لسة فى شارع الميكانيكى عشان متحصلش بلاوى على الطرق بره

الحمد لله ان ربنا ستر , انا اكتشفت ان الصنايعية دول اغلبهم عايش في مية البطيخ

[elmoski]

متشكر يا جماعة و الفرامل شغالة تمام معايا مفيش مشاكل وعلي فكرة انا دفعت بس 25 جنيه مخالفة : )