ازاى اخلى العفشة ناعمة

[wahba87]

السلام عليكم

باختصار كده انا بركب اونو 94 و كورولا 2009

طبعا فرق العفشة لا يقارن , بس بلاحظ فى الاونو انها بترزع فى النقر , و بسمع زى شخللة فى العربية من تحت

غيرت 2 مساعدين امامى , نوع اسمه dat المانى , اعتقد انه نوع كويس

ربطت العفشة كذا مرة , و متربطة كويس

بضبط ضغط الكاوتش باستمرار


لو دوست على نملة بالاونو هحس بيها , مع ان لو نزلت فى حفرة بالكورولا ممكن محسش


طبعا انا عارف فرق الفلوس و مش عايز الاونو تبقى زى الكورولا , بس عايز اعرف لو فيها حاجة بايظة ممكن اغيرها


شكرا يا رجالة

[Ashraf_Ibrahim]

متابع معاك !

[gameleg]

متابع انا بحس بلنمل اكثر منك ههههههههههههههه

[love7amada]

متابع انا كمان

[elewey]

السلام عليكم

باختصار كده انا بركب اونو 94 و كورولا 2009

طبعا فرق العفشة لا يقارن , بس بلاحظ فى الاونو انها بترزع فى النقر , و بسمع زى شخلله فى العربية من تحت

غيرت 2 مساعدين امامى , نوع اسمه dat المانى , اعتقد انه نوع كويس

ربطت العفشة كذا مرة , و متربطة كويس

بضبط ضغط الكاوتش باستمرار


لو دوست على نملة بالاونو هحس بيها , مع ان لو نزلت فى حفرة بالكورولا ممكن محسش


طبعا انا عارف فرق الفلوس و مش عايز الاونو تبقى زى الكورولا , بس عايز اعرف لو فيها حاجة بايظة ممكن اغيرها


شكرا يا رجالة

يا ريس هى العربيه اصلا كدة ومفيش وجه مقارنه فعلا يعنى مثلا لو ركبت الماروتى زيرو حتحس بردة بالمطبات

[pro_samir]

شخلله دي مش عادي شوف ايه اللي بيخبط وحاول تظبطه ، عادة بتبقي حاجات خايبه طالما العفشه سليمه

انما تحس بالمطبات عادي نوعا ما علشان العربيه صغيره ، متخليش ضغط الهوا في الكاوتش بزياده يعني مثلا لو هي بتتظبط 30 خليها 28 هتبقي أحسن بكتير خصوصا لو الكاوتش عندك ناشف شويه ده بيخليك تحس بالطريق بشكل رخم

[graffittiii]

العربيات الصغيرة كلها كده ....

[mero25]

اكشف على علبه الدركسيون
ولو فى مشكله غيرها ومتصلحهاش (عن تجربه)

[hemalotfy]

شوف بيض المقص

وانت واقف كده حاول تلف الدريكسون سنة يمين وسنه شمال وشوف فيه بوش او صوت طقة ولا العجل بيلف ولو كان كده يبقى عندك مشكلة في الاسكاتره وانصحك برضو بتغيرها