المقص الشمال جاب سنتي ونص ؟ ؟

[Ahmod]

السلام عليكم ورحمة الله وبركاته

مع الاسف من كم يوم عملت حادثة وطلعت بالعربية فوق الرصيف

العربية لفت وطلعت على الرصيف اليمين اكني ماشي عكس اقصد العربية لما لفت العجلة الشمال هي اول عجلة طلعت على الرصيف وحكيت حكة تمام

حسيت بعدها بخفة في الدركسيون اكنه مش متوصل بالعجل ! وبيتهز على السرعات العالية

رحت عند عفشجي قالي هنحط العربية على جهاز الزوايا وكل حاجة هتبان

بعدها قالي المقص الشمال جاب سنتي ونص ولازم يتغير

قلتله طب اي حاجة تانية اتاثرت قالي لاء الحمد لله

قلتله بكام قالي عندي استيراد بحوالي 500 جنيه مع التركيب

فهل فعلا ضروري اني اغيره ؟ ويستحسن اروح التوكيل ولا عادي ممكن عند اي عفشجي ؟

والمقص الشمال هو اللى مسبب خفة الدركسيون ؟ مع اني حاسس انه ملوش علاقة

[mrastra]

انا طبعا معرفش سعر المقص كام بس سهلة
هاتسال علية جديد بكام
هاتروح الحرفيين تسال اكتر من واحد بتاع استيراد بكام وتفاصل وتجيب اخر السعر
اخر حاجة بقى تروح لعفشجى تانى وتشوف راية اية
ومن خلاصة تجاربك هاتعرف سعر المقص استيراد بكام بالمقارنة بسعرة جديد وتشوف انهى دراسة اقتصادية احسن
ومن راى العفشجى التانى هل فعلا العيب عندك عيب مقص ولا لا
جمع جمع جمع وبعدين اتكل على الله اعمل الصح

[Ahmod]

الف شكر لردك وده بالفعل اللى هعمله بس عايز اعرف هو فعلا لو المقص جاب سنتي ونص

ضروري اني اغيره ؟ ولو مغيرتوش ده هيأثر على حاجة ؟

وهل دي مشكلة تخليني لازم اغيره وماينفعش امشي بالعربية الا لما اصلحه ولا عادي ممكن ابقى اعمله على مهلي ؟

[SAMEH_FOUAD]

اة طبعا لازم يتغير الا المقص عشان لاقدر الله بياثر على التوجية والكاوتش كمان , وعدم اتزان السيارة فى الفرامل على سرعات عالية

[Ahmod]

قلت اروح عند عفشجي تاني اظبط زوايا واخليه يكشفلي على العفشة والمقصات للتأكيد قبل ماغير حاجة

استغربت بكلامه انه يقولي ان العربية مافيهاش حاجة

بقوله انت متاكد ؟ يعني المقصات والمساعدين والعفشة وكل حاجة تمام بيقولي اه تمام وانا ظبطتلك الزوايا وكل حاجة زي الفل دلوقتي ولو فيها حاجة هقولك

اصدق مين ؟ ؟ حد يعرف عفشجي يكون ضامنه اروح اتاكد عنده !

[saadelden]

روح مركز ظبط زوايا محترم زي مراكز بريدجستون و هم بيكشفو و يقولولك فيها مشكله ولا لا
و ان شاء الله خير

[SAMEH_FOUAD]

روح مركز ظبط زوايا محترم زي مراكز بريدجستون و هم بيكشفو و يقولولك فيها مشكله ولا لا
و ان شاء الله خير

+1111111111

هتروح مركز بريدجستون اللى فى عمارات العبور قولة بس عايز اظبط زوايا واربط عفشة هتتكلف 55 جنية كل الكلام دة

بس عربيتم هتترفع وهتشوفها من تحت , وقولة بصلى على المقصات