ظبط التاكيهات

[midooz]

يا جماعة
محدش يعرف صنايعي حرّيف في ظبط التاكيهات ؟؟؟
أنا رحت لواحد في الحي العاشر في مدينة نصر و طلع حمار آخر خمستلاف حاجة و التاكيهات بدل ما كانت بتتكتك لحد 60 بقت بتكتك علطول و العربية بتشرب البنزين .. فاكرة نفسها موستانج!!
حد يلحقني قبل مبيع هدومي عشان أحط بنزين!!

[heshamzaky]

أعتقد الخراط أحسن فى ظبط التاكيهات لو التاكيهات الى عندك فى العربية اطباق

[mrastra]

الشيخ اللى تحت كوبرى التجنيد فى جسر السويس
هو شيخ تايوانى وهايشتغلك بس شغلة كويس

[yamr2006]

فى واحد اسمة الحاج حسنى فى شبرا الخيمة المؤسسة خلف صيدناوى بجانب سور النادى الراجل دة ادية تتلف فى حرير وحنين فى سعرة دة ظبط تكيهات وكاتينة بس

[heshamzaky]

الشيخ اللى تحت كوبرى التجنيد فى جسر السويس
هو شيخ تايوانى وهايشتغلك بس شغلة كويس

+++++++ 11111111111 هو دة الخراط الى أنا بروحلة أحمد الخراط و بتظبط فى الممر الى جوة و بتروح من الصبح بدرى علشان تحجز دور و العربية تكون باردة

[smsm_cato]

أعتقد الخراط أحسن فى ظبط التاكيهات لو التاكيهات الى عندك فى العربية اطباق

فعلا الخراط احسن واحد يظبطهالك لانى من كام يوم فكيت وش السلندر علشان اغير الجوان والميكانيكى قالى نودى الوش للمخرطة يكشف عليه ويقيسة علشان لو مقفع ولا فيه حاجة قلتلة طيب بالمرة عايز اظبط التاكيهات لانى كان عندى تكة خفيفة واستهلاك البنزين كان زايد شوية وقالى المخرطة بردة هيا اللى بتظبطهم وفعلا ظبطوهم تمام ومبقاش فى صوت تكة خالص وظبطط الاستهلاك

[midooz]

+++++++ 11111111111 هو دة الخراط الى أنا بروحلة أحمد الخراط و بتظبط فى الممر الى جوة و بتروح من الصبح بدرى علشان تحجز دور و العربية تكون باردة

هوة إسمه الشيخ ؟؟؟

[retaliation]

طيب و التاكيهات ضغط الزيت دى بتتزبط ولا لأ عشان قلت عليها لكذا واحد منهم ميكانيكى قال دى ضغط زيت و مش بتتظبط

[heshamzaky]

هوة إسمه الشيخ ؟؟؟

هو مش شيخ يعنى شيخ بس ملتحى و معروف باسم أحمد السنى برضو .
طبص هو خراط واحد عند الكوبرى محل على الشارع العمومى جنب الناس الى بتبيع حاجات للشيشة و محل أخر فى الحارة الضيقة الى على ناصية المحل هو دة تبع بعض

[heshamzaky]

طيب و التاكيهات ضغط الزيت دى بتتزبط ولا لأ عشان قلت عليها لكذا واحد منهم ميكانيكى قال دى ضغط زيت و مش بتتظبط

مش عارف افيدك و اقولك معلومة غلط

[heshamzaky]

فعلا الخراط احسن واحد يظبطهالك لانى من كام يوم فكيت وش السلندر علشان اغير الجوان والميكانيكى قالى نودى الوش للمخرطة يكشف عليه ويقيسة علشان لو مقفع ولا فيه حاجة قلتلة طيب بالمرة عايز اظبط التاكيهات لانى كان عندى تكة خفيفة واستهلاك البنزين كان زايد شوية وقالى المخرطة بردة هيا اللى بتظبطهم وفعلا ظبطوهم تمام ومبقاش فى صوت تكة خالص وظبطط الاستهلاك

الخراط فعلا أدق من الميكانيى فى ظبط التاكيهات و بيظبط الموتور كلة تمام زى الفل

[saadelden]

مفيش حد قريب من الجيزه ؟

[ahmedtunning]

في خراط في شبرا سمه سعد الروبي ملوش حال فاهم جدااااااااااااااااااا ومصنعيته قليله

[midooz]

في خراط في شبرا سمه سعد الروبي ملوش حال فاهم جدااااااااااااااااااا ومصنعيته قليله

ده فين بالظبط؟؟

[THE_HERO2005]

لو حضرتك تعرف مركز الصفا بتاع الكربراتير .... هتروح هناك هيظبطولك التكيهات عندهم

الميكانيكى الى هناك اسمو سامح قولو عبده بتاع ال 127 والبولونيز