إعـــــــلان

Collapse

.

,
See more
See less

طحينة ازاى يعنى ؟؟!!

Collapse
X
 
  • Filter
  • الوقت
  • Show
Clear All
new posts

  • طحينة ازاى يعنى ؟؟!!

    السلام عليكم ورحمة الله وبركاتة

    العربية كانت بتسخن معايا جامد خصوصا فى الزحمة
    المهم شيلت سربنتينة التكييف عشان كانت تقريبا مانعة الهوا عن الردياتير وانا مش مركب التكييف اساسا والمشكلة اتحلت والحمد لله

    بس دلوقتى انا عندى مية الردياتير لونها غريب مش عارف دة لون طحينة ولا لون اية

    هو اللون اقرب الى لون اكنك حاطط تراب فى الردياتير اكنها مية متربة يعنى والمية كانت بتنقص جامد بعد كل مشوار بتنقص حوالى لتر ونص لترين بس مافيش مشاكل فى الحرارة

    المهم روحت لبتاع ردياتيرات قالى فى عندك ماسورة مخرومة او مكسورة ودى مش بتاعتى دة شغل ميكانيكى
    المهم روحت للميكانيكى غيرت الماسورة خالص مارضيتش الحمها والحمد لله موضوع نقص المياة دة قل بنسبة 85 فى المية تقريبا
    بس لسة موضوع لون المية دة هو الى قالقنى اوى بالرغم انى غيرت المية كلها بعد ما الميكانيكى ركبلى الماسورة الحديد دى وحط مية قدامى فى الردياتير وكانت زى الفل صافييية مافيهاش الهوا
    يومين تلاتة واللون رجع تانى
    ولانى مش عارف لون الطحينة دةا لمفروض يبقى عامل ازاى فى مية الردياتير

    فسؤالى هل فى اى تأثير تانى اعرف منو ان فية عيب فى وش السلندر ؟؟؟!!
    مع العلم
    1-انا عندى مروحة الردياتير متركبة فى طنبورة الموتور على طوول مش كهربا
    2-الحرارة ممتازة مابتوصلش للنص حتى فى عز الحر والزحمة بتبقى اقل من النص بحاجات بسيطة وفى معظم الاوقات بتبقى الحرارة فوق علامة c بحاجات بسيطة اوى
    3-مقياس الزيت لونو طبيعى جدا ومابينقصش والحمد لله
    4-مافيش فقاقيع فى الردياتير والعربية دايرة

    فياريت حد يشرحلى لون الطحينة دة بيبقى عامل ازاى وياريت لو بالصور جزاة الله كل خير
    او حد يقولى اعرف منين تانى ان فى عيب فى وش السلندر ولا لا
    وححاول اصورلكو لون المية عندى وياريت حد يقولى دة صدا مثلا ولاتراب ولا هو دة لون الطحينة

  • #2
    لون الطحينه بيبقى بيج فاتح
    هابقى اصورهالك ان شاء الله
    واكشف على وش السلندر
    [justify]ولقد سبقت كلمتنا لعبادنا المرسلين(171) إنهم لهمُ المنصورُون(172)وإن جندنا لهمُ الغالبون [/justify]

    Comment


    • #3
      انا معتقدش اللى عندك دة وش سلندر لسبب وش السلندر لو بايظ حتلاقى الزيت بيقل بردة مع الميه و حتلاقى الزيت اما عامل طحينه على المقياس او من عند طبه الزيت و كمان ميه كتيرة بتنزل من الجكمان مع ارتفاع طبعآ حرارة العربيه اللى عندك صدا فى دورة الميه و دة بسبب انك اكيد بتستعمل ميه عاديه من ميه خضرا او الزرقا روح نضف الدورة فى اى محطة بنزين و حط ميه خضرا
      [sor2]http://www.modifiedstreetcars.com/car_images/lamborghini/Lamborghini-Opel%20Corsa-4392.jpg[/sor2]

      Comment


      • #4
        محتاج تنظيف دورة الميه وتحط ميه خضرا
        don't judge a car unless you have driven it

        hm414 سابقا

        Comment


        • #5
          لو حضرتك عاوز تشوف الشكل يبقى زى كدة بالظبط لو الزيت مش كتير لو كتر حا تلاقى اللون بقى طحينة بمعنى طحينة .
          لو زى الى فى الصورة كدة يبقى الزيت بيدخل على المية

          Comment


          • #6
            عيوب وش السلندر
            المشاركة الأصلية كتبت بواسطة heshamzaky مشاهدة المشاركة
            الموضوع مش أنك لما تقشط الوش يبقى خلاص لازم العربية تسخن لآ الكلام دة لو الوش أتقشط أكثر من مرة ساعتها التخانة بتاعت الوش حا تقل جامد و يبقى لازم تغير الوش بتاع السلندر
            الموضوع ببساطة لما الوش بيحصل لة حاجة بتودية للخراط بينظف كويس و بيقشط بسيط جدا علشات لو كان حصل أى تفقيع للوش و بعض الميكانيكية و هو بيركب الوش يا أما بيركب جوان دوبل يا بيحط جوانين
            بس جوان واحد أفضل و الافضل ان الوش يكون مخدم تماما على بلوك الموتور
            الصور دى حا توضح شكل الوش و البلوك بتاع الموتور


            لو حصل شرخ فى الوش من النصف الخراط بيلحمة بس مش بيعيش الوش دة كتير و يجب تغيرة بعد كدة لو ضرب تانى و الشرخ بيبقى حاجة بسيطة جدا جدا بس مع الضغط ممكن يسرب مية

            و دة البلوك بتاع الموتور الى راكب علية الوش
            المشاركة الأصلية كتبت بواسطة heshamzaky مشاهدة المشاركة
            السبب الاساسى لخراطة الوش أن الوش بيحصل فية زى شرخ بسيط جدا و دة بيخلى المية تدخل على الزيت يعنى بالعامية ((( يعمل طحينة ))) و علشان كدة الوش لازم يتقشط عند خراط على المقشطة علشان يشيل الجزء الى حدث بة بعض التموجات التى لا ترى بالعين كدة بسهولة
            و المية الى فى العربية داخل الموتور بتبقى حوالين البستم من الخارج فى بلوك الموتور من الداخل زى الى فى الصورة دى كدةى لونها اصفر شوية دة مكان المية

            و دة شكل الصبابات بتاعت الموتور

            و دة الوش كلة على بعضة

            Comment


            • #7
              ماشاء الله عليك يا اخ هشام كل حاجة عندك موثقة بالصور
              استغفر الله الذي لا إله إلا هو الحــي القيوم وأتوب إليه

              Comment


              • #8
                متشكر جدا ياجماعة على الردود وشكر خاص للاستاذ هشام الله يباركلو
                بس عندى استفسار صغير كدة
                هو وسواس اكتر منو استفسار يعنى
                اطمن ازاى ان وش السلندر سليم

                يعنى اية الاعراض اللى لو مش موجودة اتأكد ان وش السلندر تماااام ومابيبدئش فى موضوع الشرخ دة
                معلش انااسف بتقل عليكم بس انا من النوع الى بيشيل هم الحاجة قبل وقوعها فعايز اطمن بس عشان ارتاح عشان العملية مش ناقصة مصاريف تانى على الموتور اناصارف علية مايقرب من 3500 جنية لحد دوقتى
                فبصراحة انا عايز اطمن بس

                Comment


                • #9
                  المشاركة الأصلية كتبت بواسطة hm414 مشاهدة المشاركة
                  محتاج تنظيف دورة الميه وتحط ميه خضرا
                  +111111111111111111
                  بتنضف الوره في اي بنزينه
                  ويمشي دوره كامله ويفضي و يملي تاني عشان ممكن يكون ده صدا

                  Comment


                  • #10
                    هتلاقي الزيت بينقص و العربيه بتسخن و المياه بتنقص
                    وش السلندر ده موضوع كبييييييير مش هين

                    Comment


                    • #11
                      المشاركة الأصلية كتبت بواسطة hemalotfy مشاهدة المشاركة
                      ماشاء الله عليك يا اخ هشام كل حاجة عندك موثقة بالصور
                      الله يكرمك و يخليك يا باشا ألف شكر

                      Comment


                      • #12
                        المشاركة الأصلية كتبت بواسطة silenty مشاهدة المشاركة
                        متشكر جدا ياجماعة على الردود وشكر خاص للاستاذ هشام الله يباركلو
                        بس عندى استفسار صغير كدة
                        هو وسواس اكتر منو استفسار يعنى
                        اطمن ازاى ان وش السلندر سليم

                        يعنى اية الاعراض اللى لو مش موجودة اتأكد ان وش السلندر تماااام ومابيبدئش فى موضوع الشرخ دة
                        معلش انااسف بتقل عليكم بس انا من النوع الى بيشيل هم الحاجة قبل وقوعها فعايز اطمن بس عشان ارتاح عشان العملية مش ناقصة مصاريف تانى على الموتور اناصارف علية مايقرب من 3500 جنية لحد دوقتى
                        فبصراحة انا عايز اطمن بس
                        الله يخليك يا باشا و تحت امرك .
                        بص موضوع وش السلندر أنا حطيتة للمعلومية فقط لكن مش شرط يكون عندك المشكلة دى و معلش ما تحطش مية خضراء لسبب بسيط أن حضرتك كاتب ان الدورة لسة فيها تسريب يبقى أنت بترمى فلوس فى الارض الاول نظف الدورة كويس و تأكد من ان مفيش أى تسريب للمياة و بعد كدة نشوف موضوع المية الخضراء
                        و السؤال المهم الرادياتير الى راكب فى العربية نحاس و لا ألومونيم علشان حا تفرق فى طريقة التنظيف
                        أعراض تلف الجوان او الوش أن العربية لو مفيش تسريب للمية من الدورة حا تلاقيها بتاخد كمية مياة كبيرة و الصبح لما تدور العربية حا تحس كأن بوجية قاطع و بعد شوية تمشى عادى و التنتيشة دى تروح و السبب أن المية الى على البساتم حا تتبخر و العربية تمشى بعدها عادى

                        Comment


                        • #13
                          اولا الشكلة الرئيسية ديه مشكلة صداء و ده في كل العربيات القديمة او الحديثة الي بيتم استعمال مياه عادية ليها
                          [CENTER][COLOR=sandybrown]الفورد عربية بشوات[/COLOR][/CENTER]
                          [CENTER][COLOR=#0040ff][B][U]I'm not so Rich [/U][/B][/COLOR][COLOR=#0040ff][B][U]to buy Cheap things[/U][/B][/COLOR][/CENTER]
                          [CENTER][FONT=Arial][SIZE=1][COLOR=orange][B][U]صرفت على 128 ضعف الي صرفتة على فورد في نفس المدة و عجبي[/U][/B][/COLOR][/SIZE][/FONT][/CENTER]
                          [CENTER][URL]http://www.nilemotors.net/Nile/91508-a.html[/URL][/CENTER]

                          Comment


                          • #14
                            اعراض تلف وش السلندر كتير علشان هو فيه مكونات كتير
                            1 المياه تنقص بصورة كبيرة و العربية تسخن و الزيت تبقي ريحتة وحشة
                            2 مع الدوارة الصبح العربية تدخن ابيض و بعد ما تسخن الدخنة تروح
                            3 الموتور ياكل بنزين
                            4 طبعا بيكون موتور مبرجل و مش بيتظبط
                            [CENTER][COLOR=sandybrown]الفورد عربية بشوات[/COLOR][/CENTER]
                            [CENTER][COLOR=#0040ff][B][U]I'm not so Rich [/U][/B][/COLOR][COLOR=#0040ff][B][U]to buy Cheap things[/U][/B][/COLOR][/CENTER]
                            [CENTER][FONT=Arial][SIZE=1][COLOR=orange][B][U]صرفت على 128 ضعف الي صرفتة على فورد في نفس المدة و عجبي[/U][/B][/COLOR][/SIZE][/FONT][/CENTER]
                            [CENTER][URL]http://www.nilemotors.net/Nile/91508-a.html[/URL][/CENTER]

                            Comment

                            Working...
                            X