مشاكل محيرانى

[hanyelsaghirf]

السلام عليكم
ارجو أن تتسع صدوركم لى
أنا معايا عربية هيونداى أكسنت 1500 أوتوماتيك 2004
ألمشكلة الرئيسية أن فى رعشة فى العربية بتظهر فى السلانسية و أكتر لما بحمل فرامل بحس بالرعشة فى الدواسة و طبعا مع التكييف بتزيد جدا بس بتخف و الفتيس على وضع n
رحت لاكتر من ميكانيكى معظمهم قالوا كراسى الماكينة و الفتيس قلت ماشى غيرتهم مرتين و نفس المشكلة
لما بنور النور العالى أو أرفع زجاج السيارة بحس برجة فى العربية و بعد كدة بتروح
على فكرة غيرت البوجيهات و فلتر البنزين
ياترى لو نظفت الرشاشات تحل المشكلى دى؟
سمعت ناس بتقول حساس air mass و ناس تقول حساس idle و ناس بتقول مسمار فاكيوم
و فى ناس قالت ظبط كهربا و تغيير فلتر هوا
طيب أعمل scan على العربية الاول و لا أية
انا عارف طولت بس سامحونىالموضوع محيرنى
شكرا جزيلا

[elewey]

انا حقولك على اعراض تلف الايدل هو انك لما بتسخن العربيه الصبح تلاقى الار بى ام نازل طالع وممكن لما تهدى على المطبات العربيه تبطل والايدل دة كل دورة انه بيعلى صوت الموتور عشان تسخن زى الهوا فى العربيات القديمة فمعتقدش انه السبب اما الاير ماس من اعراض تلفه دخنه سودا كتيرة من الشكمان و انتا ماشى و السحب بيقلل و استهلاك بنزين عالى والحساس دة دورة انه بيضبط كميه الهواء المناسب للحرق المضبوط و معتقدش انه بردة السبب

[SAMEH_FOUAD]

كل ماهنالك انك عندك مشكلتين

الاولى : كهرباء السيارة ضعيفة ياريت تراجع سلوك الارضى

الثانية : لازن تعمل نظافة شاملة للبوابة عن طريق سبراى wd-40 وبعد كدة تتحط المكنة على جهاز كشف الاعطال وتتظبط

وكلة هيروح بس معلش هسالك سؤال انت بتقول كراسى المكنة هو انت غيرت كراسى اية بالظبط؟؟؟

[hemalotfy]

اكشف على خارج الدينمو وشوف شحنه كام واتـأكد اذا كان سير الدينمو مشدود كويس ولا لأ واخر حاجة زي م قال اخونا سمسم شوف الرضي مربوط كويس واتأكد اذا كان مملح من عند البطاريه ولا كويس

وربنا يوفقك

[hanyelsaghirf]

شكرا علر الردود يا جماعة
أولا بالنسبة للكراسى أنا غيرت كراسى الموتور اللى فى القنطرة اللى تحت و غيرت الكرسى بتاع الموتور اللى فوق و غيرت كرسى الفتيس
بالنسبة للكهرباء أنا رحتت للكهربائى و شيك على كابل البطارية الارضى و نضف التماسات كويس و صنفرهم
و كمان قاس خرج الدينامو و قال أنة كويس و جرب بطارية تانية و كهربائى تانى قاللى العربيات دى نظامها كدة بس الحقيقة العربية عمرها ما كانت كدة معايا ودة الى مخلينى نفسى أرجعها زى الاول لأن الرعشة دى مزعجة جدا
يا ريت يا جماعة لو حد عندة أى أقتراح يقولى لان أنا صرفت كتير و محلتش المشكلة

[SAMEH_FOUAD]

ياباشا نظف البوابة بايدك انت حتى بلاش توديها لحد

شيل ماسورة العمة هتلاقى عندك البوابة الكلام دة تعملة والعربية باردة ,وتدور العربية ورش اسبراى وانت فاتح سنة البوابة ببكرة الاكسراتير بأيدك ورش هتلاقى العربية بتقطع او كانها بتشفط حاجة ومش قادرة تسحب زود بنزين لحد 2.5 ار بى ام وكررها شوية , وسيب العربية دايرة على السلانسية لمدة 5 دقائق لحد ماتحس ان صوت الماتور اتعدل وانتظم فى الحرق , روح شوف المؤشر عندك بقى وضعة اية لو لقيت تحسن يبقى كدة العربية عايزة تتنظف وهتلاقيها بقت زى الفل ان شاء الله

اسم المنظف wd-40

[hanyelsaghirf]

شكرا يا باشا و بعد ماجرب أرد عليك

[ahmedtunning]

انا حقولك على اعراض تلف الايدل هو انك لما بتسخن العربيه الصبح تلاقى الار بى ام نازل طالع وممكن لما تهدى على المطبات العربيه تبطل والايدل دة كل دورة انه بيعلى صوت الموتور عشان تسخن زى الهوا فى العربيات القديمة فمعتقدش انه السبب اما الاير ماس من اعراض تلفه دخنه سودا كتيرة من الشكمان و انتا ماشى و السحب بيقلل و استهلاك بنزين عالى والحساس دة دورة انه بيضبط كميه الهواء المناسب للحرق المضبوط و معتقدش انه بردة السبب

انت برنس