ايه اللي بيبوظ الترصيص ؟؟؟

[Eng.Mina]

مساء الخير
أنا لسه مركب جنوط HRS تايواني مقاس 14 بوصة جبتهم من ارابكوم وركبت عليهم كاوتش بريدجستون my-01 ورصصت العربية عند مركز شيبوب عندنا في الزقازيق والعربية طلعت من عنده زي الفل ولكن للأسف بعد حوالي الف كيلو لقيتها محتاجة ترصيص تاني مش عارف ليه ؟؟ مع اني مخدتش اي مطبات جامدة غير النقر العادية اللي احنا متعودين عليها علي طريق مصر اسماعيلية بالذات لاني بستخدمه كتير ياتري ايه المشكلة ؟؟؟؟
وهل فعلا ممكن مع النقر الجامدة الرصاصة تقع (أصل في واحد قاللي كده وأنا مش مقتنع بكلامه أوي)
منتظر ردودكم لأني حاسس أني صرفت 3500 جنيه علي الفاضي لأني كنت عايز أرتاح من جنوط الفيرنا الاصلية فطلعتلي المشكلة دي .
شكـــــــــرا مقدمـــــــــا

[Tarek_Swelm]

انا حصل مع صديق لي العكس , لما الرصاصة وقعت العربية اتظبطت :)
و فعلا الرصاص ممكن يقع وانت ماشي .

[mahmoudalaa]

انا حصل مع صديق لي العكس , لما الرصاصة وقعت العربية اتظبطت :)
و فعلا الرصاص ممكن يقع وانت ماشي .

ياريت يا جماعه توضحولي يعني ايه ترصيص لاني عايز اجنط واغير طقم العجل ومش عارف ايه الترصيص

[saadelden]

ماهو ممكن مايكونش مركب الرصاص مظبوط ف مع الخبط بيقع
و بتحصل كتير ان الرصاص بيتفك و المفروض كل شهرين او 3 تظبط زوايا و ترصص

[heshamzaky]

ياريت يا جماعه توضحولي يعني ايه ترصيص لاني عايز اجنط واغير طقم العجل ومش عارف ايه الترصيص

الترصيص ببساطة كدة يعنى الجنط الى راكب فية العجلة من الخبط فى الرصيف و انت بتركن مثلا أو المطبات الجامدة بيحصل فية انبعاج و زى رفة كدة فبيحطو العجلة على جهاز اسمة الترصيص و العجلة تلف بسرعة و الجهاز بيدى قراءة و يكتب الوزن المطلوب علشان يتحط فى العجلة و يظبط الرفا الى فى الجنط و ممكن يبقى الترصيص الى هو عبارة عن قطعة رصاص راكب من الدخل أو الخارج على شفة الجنط و بالنسبة للجنوط الاسبور فية حاجة اسمها ترصيص لزق مش بيركب على الشفة بتاعت الجنط

[heshamzaky]

و دة الفرق بين جهازين الترصيص العادى و ترصيص الحصان

معلش عاوز اقول على حاجة الفرق بين الترصيص العادى و ترصيص الحصان السبب الرئيسى لة من كلام ناس محترفة بتوع زوايا كان كالأتى
الترصيص بتاع الحصان دة بسبب ان بعض الجنوط بتكون مقفولة من المنتصف و علشان كدة ما ينفعش تتحط على ماكينة الترصيص العادية
بالنسبة للترصيص الترصيص العادى بيصلح للجنط الى لة شفة علشان الترصيص يمسك فى الشفة بتاعت الجنط أما لو كان الجنط ملهوش شفة بيتعمل ترصيص لزق
دى شوية صور للتوضيح
دة جنط مفتوح بس ملهوش شفة لازم الترصيص يبقى ترصيص لزق شكل الترصيص أحسن

و دة منظر الترصيص اللزق

دة جهاز الترصيص العادى و طبعا فية زى ماسورة دى الى الجنط بيدخل فيها و بيتربط الجنط فى الجهاز

و دة شكل جهاز ترصيص الحصان

[Eng.Mina]

شكرا علي اهتمامكوا حارصص تاني واحاول اكون حريص في النقر شوية

[sama_Sama]

الترصيص بيبوظ كمان لو الكاوتش إتأثر سواء عالي وواطي أو حصل فيه "لوحه" أو تأكل غير منتظم بسبب مشكلة في الزوايا

[ahmedtunning]

اهتم بظبط ضغط هواء الكاوتش وربطة العفشة كل فتره

[tamer_baseer]

نفس المشكلة

أنا إشتريت برضه جنوط hrs بس 15 ومن ساعتها والعربية بتترجرج بعد110 ك/س
مع إنى غيرت الكاوتش بجديد

شكل hrs ده فيه مشاكل وللا إيه !!!!