بالله عليكم عايز حل فى موتور 127 فيورا

[osha_ahmed]

بسم الله الرحمن الرحيم

العربية فيورا 127 مو 85

بداية المشكلة منذ 8 شهور
العربية بتقطع ...كشفت على البوجيهات لاقيت البوجيه 2 عليه زيت غيرته بقيت تمام

الموضوع ده اتكرر اكتر من مرة ..ولكن مع مرور الوقت الوضع ازداد سوءا
بقيت الاحظ دخنة بيضاء لما احرق على الغيار ..وفى اول الدوارة الصبح

المهم قولت اركب كرؤسى للبوجيه ده ولكن للأسف مفيش فايدة

حطيت زيت شنبر مع غيار الزيت....ولكن تأثيره لا يذكر ومازالات المشكلة قائمة

هل يوحود حل مؤقت للمشكلة ديه ؟؟

ولو عملت عمرة للموتور ايه اللى حيتغير ...والأهم التكلفة ختبقى فى حدود كام تقريبا مع المصنعية ؟؟؟؟

جزاكم الله خيرا على المساعده

[SAMEH_FOUAD]

طيب انت كدة بس هتغير طقم شنبر مع الجوانات وطلمبة الزيت اهم حاجة وتعمل رودية للصمامات بعد كدل دة واكشف على كاوتش الصمامات كمان لانك بتقول فية دخنة مع الدوارة

والموضوع كلة مش هيتكلف غير 800 جنية بالكتير

[osha_ahmed]

كمان فيه حاجة غريبة ميش فاهمة

لما بغير زيت ..وبعد فترة تقريبا 1000 كم بقيس الزيت الاقى بدأ ينقص ولما اكمل 2000 كم اقيسه تانى الاقيه يدوب ملمس المقياس
مع العلم انى بيقسه الصبح والعربية باردة ....

تمام كده
اروح الحق اغير زيت ديه العربية مفهاش ولا نقطة ....
الراجل يفضى الزيت القديم ..اساله انت لاقيت زيت اصلا

واشوفوه الاقيه الزيت كامل وناقص حاجة بسيطة.

ميش فاهم ده اسمه ايه ...

ياريت يكون فيه تفاعل من الأعضاء حتى تعم الفائدة وشكرا

[hemalotfy]

كده حاجة من اتنين

يا جلد الصبابات فيه مشكله وهو اللي بيجيب الزيت على البوجيه
او
محتاج طقم شنبر

طيب العربية بتنفخ من خرطوم الفايض ؟

[heshamzaky]

الموتور كدة حالتة مش كويسة و لو فتحت ممكن تلاقى نفسك داخل فى عمرة كاملة و تظبط الدنيا و حا تعدى ال 800 جنية دة وارد جدا
أنا بصراحة لما كان معايا ال 127 أشتريت موتور استيراد و كان زى الفل و كنت شارية وقتها ب 1350 جنية و ركب فى يوم و الحمد لله كان استاندرد و حالتة ممتازة .
العمرة الكاملة حا تتكلف على فكرة

[ahmedhawas]

الموتور كدة حالتة مش كويسة و لو فتحت ممكن تلاقى نفسك داخل فى عمرة كاملة و تظبط الدنيا و حا تعدى ال 800 جنية دة وارد جدا
أنا بصراحة لما كان معايا ال 127 أشتريت موتور استيراد و كان زى الفل و كنت شارية وقتها ب 1350 جنية و ركب فى يوم و الحمد لله كان استاندرد و حالتة ممتازة .
العمرة الكاملة حا تتكلف على فكرة

1111111111+
ومتتوقعش الكتير من موتور اتفتح واتلعب فيه --- مش هيعيش كتير
لان العمرات عندنا شغالة بالشبه -- مش بالمواصفات بتاعة مانيوال الصيانة
ودايما موضوع العمرة بيفتح في الفلوس -

[heshamzaky]

1111111111+
ومتتوقعش الكتير من موتور اتفتح واتلعب فيه --- مش هيعيش كتير
لان العمرات عندنا شغالة بالشبه -- مش بالمواصفات بتاعة مانيوال الصيانة
ودايما موضوع العمرة بيفتح في الفلوس -

العمرة فى أول موتور عدت معايا ال 1800 جنية مريح و اكتر
منهم 300 جنية للميكانيى مصنعية و 300 للخراط مصنعية

[SYD]

شرا العبد ولا تربيته

[heshamzaky]

و حيبقى عندك كاربراتير و اسبراتير و دينامو و مارش و قطع غيار كتير جدا احتياطى ممكن تحتاجها فيما بعد

[osha_ahmed]

تمام الله ينور عليكم

انا قررت اسقط موتور جديد

عازكم بأه تقوللى من الأخر انه انسب موتور يسقط لل127 فيورا
وميكنش عايز تعديلات ...

ويكلفنى كام ؟؟

انا عارف اننى تقلت عليكم ولكن احنا بنفيد بعض ...وربنا يكرمكم

[heshamzaky]

تركب موتور ال 127 برضو مفيش أسهل من كدة
بالنسبة لموضوع التعديل مش عارف أفيدك بصراحة

[osha_ahmed]

انا اقصد انه انسب موتور للعربية يركب من غير تعديلات

وهل بيجى بالفتيس بتاعه يكون احسن والتكلفه ممكن تكون قد ايه ؟

يعنى انا سمعت انه فيه موتورها المانى 1100cc

وفيه موتور الأونو ...ميش عارف انه الأفضل للعربية

برجاء المساعدة

والف شكر مقدما

[heshamzaky]

انا اقصد انه انسب موتور للعربية يركب من غير تعديلات

وهل بيجى بالفتيس بتاعه يكون احسن والتكلفه ممكن تكون قد ايه ؟

يعنى انا سمعت انه فيه موتورها المانى 1100cc

وفيه موتور الأونو ...ميش عارف انه الأفضل للعربية

برجاء المساعدة

والف شكر مقدما

أنا فاهم أن قصدك تعديلات بس قولتلك الاسهل و الاريح
بص فى عزبة شلبى الراجل الى هناك قالة موتور الاونو حا يركب من غير اى تعديل بس حا تركب تقريبا الفتيس بتاعك مش بتاع الاونو مش متأكد من موضوع الفتيس بالظبط
و سعر موتور الاونو تقريبا 1400 جنية

[osha_ahmed]

يعنى احسن موتور يركب بتاع الأونو 1000 cc

طيب هل بيجى بالفتيس بتاعه وبيعمل كام ؟
وهل ميش حيحتاج اى تعديلات...يعنى نشيل ونركب

والمصنعية تقريبا اد ايه ؟
علشان انا شوفت المر من الصنايعية

[aboomar22]

على فكرة بتوع قطع الغيار الاستيراد بيبقى عارفين الموضوع ده كويس قوى ايه يركب على ايه وتعدل ايه اسال بتوع الفيات