متى تدور مروحة رادياتير البيكانتو

[moh_kamal67]

حاجة محيرانى فى مروحة رادياتير البيكانتو اول ما تشتغل العربية وهى باردة لا تدور حتى لما تسخن بعد حوالى 10 او 12 دقيقة لا تدور لو دورت التكييف تدور لو وقفته تقف هل هذا طبيعى فى العربيات الاخرى بعد حوالى 5 دقائق لازم تشتغل هل ده عيب فى الترموستات العربية مو 2011 معملتش 5000 كم ، هل لان الموتور صغير دورة التبريد مختلفة عن موتورات 1600 ، انا محتار وموش عارف عطل ده ولا عادى كده

[mrwho1982]

عالتوكيل عدل

وهل العربية بتسخن معاك ولا لاء

[ahmedhawas]

حتة ان المروحة تدور لما تشغل التكييف (بغض النظر الموتور بارد ولاسخن) --- شيء طبيعي.

[mohdfouda]

ما تقلقش خالص يا باشا انا معايا لانسر 2011 والمروحه مبتدورش الا والتكييف شغال بس

[elewey]

ما تقلقش خالص يا باشا انا معايا لانسر 2011 والمروحه مبتدورش الا والتكييف شغال بس

يا باشا مفيش حاجة اسمها المروحة تدور مع التكييف بس المفروض ان الانسر فيها مروحتين واحدة للتكيف و التانيه بتشتغل لما توصل الحرارة ل 90

[mohdfouda]

يا باشا مفيش حاجة اسمها المروحة تدور مع التكييف بس المفروض ان الانسر فيها مروحتين واحدة للتكيف و التانيه بتشتغل لما توصل الحرارة ل 90

مع احترامى لراى حضرتك انا معايا العربيه من 5 شهور وعامل بها 8000 كيلو وبسافر بها كتير جدا يمكن يوم ويوم والعربيه انا جايبها من دبى والمراوح مبتدورش نهائى الا لما التكييف يشتغل وعلى فكره ده كلام التوكيل برضه والاغرب اللى محدش يصدقه ان مفيهاش طرمبة ميه اصلا التبريد فيها ضغط ميه ونيتروجين بس وحضرتك انا بتكلم من واقع العربيه تحت رجلى يوميا يمكن حضرتك بتتكلم من واقع اللى انت سمعته لكن انا بتكلم من ارض الواقع

[M!SHO]

اللانسر بقالها سنه ونص معايا والمروحه عمرها ماشتغلت

بالنسبه للبيكانتو أعتقد الموضوع عادى ومش مقلق....عندى مكانتش بتشتغل ( غير مع التكييف ) أول ما جبتها

دلوقتى شغاله على طول :)

[moh_kamal67]

شكرا لجميع الاخوة المهتمين بالرد ، طبعا الاضمن فحص التوكيل لان ساعات بيطلح منها رائحة شياط ، لحد دلوقت عايز اعايرها بعربية بيكانتو 2011 تكون باردة والاثنين يشتغلوا مع بعض اما اشوف ابه اللى هايحصل ، شكرا لكم لكن الموضوع مقلق ، لمبة الحرارة مابتنورش فالعربية مفروض مابتسخنش ولكن عندى افتراض ان يكون هناك لخبطة فى البرمجة

[moh_kamal67]

كان السؤال : متى تدور مروحة رادياتير البيكانتو والاجابة الان على درجة حرارة 103 مئوية للمياه فى الرادياتير وجارى تقصى هل هذا عطل ام طبيعى وسابلغكم بالنتيجة ، اخيرا المروحة اشتغلت بعيد عن التكييف بس على درجة حرارة نار نار نار

[Elawany13]

درجة الحرارة الطبيعية لتشتغيل المروحة فى نعظم العربيات اللى اعرفها عند 90

[samsong]

البيكانتو نفس الحكايه عندي 2010

[AHMEDCAR]

عربيتك طبيعيه جدا

[omarmakeen]

طبيعي جدا يا باشا أنا عندي نفس الكلام في نيو اكسنت

[moh_kamal67]

طلع ان درجة 103 طبيعى لان السائل موش مية بل كوول ووتر وان غطاء الرادياتير يزيد درجة الغليان الى 135 فمفيش قلق المشكلة فى ريحة الكاوتش المحروق اللى ساعات تطلع جارى تقصى السبب واعلامكم به اللى عنده بيكانتو عادى الغليان عند 113 الى 135 مئوية