مساعدة بخصوص نصف عمرة ماتور

[bebom]

السلام عليكم
العربية سخنة مني وجابت جوان وش السلندر ووخرطة وش السلندر
وطقم شنبر المهم دخلت في نصف عمرة كنت عايز اعرف دة يعيب العربية وانا بكرة هستلم العربية اية المفروض اني اعملة في العربية هي 128 احط اية فيها يني انا بقالي 5شهور بسوق يعني مش خبرة ياريت حد يفدني واعمل اية عشان احافظ عليها
شكرا ليكم

[ahmedsrs]

الاهتمام بالصيانة الدورية لدورة التبريد الى هى الراداتير والخراطيم والطرمبة والمروحة

[SAMEH_FOUAD]

بالنسبة لجوان وش السلندر تعمل الاتى :

1- تنظيف دورة التبريد كاملة ( ردياتير + خراطيم + طلمبة مياة + قربة )

2- خلى الميكانيكى يغيرلك مسماير وش السلندر ويربطهم بطريقة الصليبة ومن جوة لبرة

3- بعد ماتمشى بالعربية اسبوع تروحلة تانى عشان تقرط على الوش تانى بنفس طريقة التركيب

بالنسبة لطقم الشنبر :

1- لازم تغير طلمبة الزيت وتنظف المصفاة كويس

2- لازم العربية تتلين كويس خصوصا اننا فى جو الصيف ودة غير مستحب انك تعمل فية شنبر للمحرك بس كدة هتضطر تخليها دايرة فترة طويلة مش اقل من 6 ساعات يوميا ويفضل من بعد الساعة 7 مساءا

3- عدم القرص على العربية الا بعد ماتعدى 500 كم على الاقل عشان يكون الطقم طبع ومايسلخش الشمايز

وتوكل على الله قبل كل شىء وان شاء الله تكون العربية تمام

[bebom]

شكرا لردكم السريع
الرداتيرر عندي علي طول المياة فيها صدا انا بستعم لمياة عدية وممكن تقولي كل اد اية اعمل صيانة علي التبريد ولا في حاجة تاني والسرعة بتاعتي اخرها كام