اخص على دي أفففلة كهربااا ! الي بيفهم فيها يساعد !!

[smsm_nabawy]

بسم الله الرحمن الرحيم

السلام عليكم يا أعضاء المنتدى الكرام !!

النهارده ،، كنت بجرب تعديل عملته في الفانوس لاي خلفي ،، في نور الريفيرس "المارشدير يعني" !!!

المهم و أنا بجرب أوصل السلك الي واخد من التعديل بتاعي للبوردة بتاعت الفانوس ،، أيدي أتهززت :((((

و ياااااا ريتني ما أيدي أتهزت ،، عينكم ماتشوف إلا النووووووور !!!

تشاارز عجيب طلع و أيدي أتلسسعت ،، ولا كاني حطبيها على سخاان !! "العربية كانت دايرة و أنا بجرب الموضوع ده !!! "

و كانت اللأشارة شغالة !! المهم بعد محصل الشتارز ده

الأشارة فصلت !! أجرب أشارة يمين ،، أشارة شمال ،، "كله فاصل"

أجرب أنتظار ،، ألاقيه أشتغل عادي ،، بس الأشارات لوحدها مبتشتغلش !! لا قدام ولا ورا !!

جت الصدمة بقااا !! .. يا ريتها جت على كده و بس !!

أكتشفت أيضاً التالي ،،، لمبة نور التابله الخلفي و الفوجات شغالين عادي" لكن للأسف لمبة الفرامل مش شغالة ،، سواء اليمين ،، الشمال ،، أو حتى الي في نص العربية من جوا الصالون دي ،، الي بتبقى باينة من الأزاز الي ورا !!! "

قلت بالمرة اجرب أجيب مارشدير ،، لأقيت برده اللمبة بتاعته مش شغااااااالة !!

بمعنى

العربية فصلت ،، نور أشارات ،، و فرامل ،، و ريفيرس !! و ياريتها جت على كده و بسس

الداشبورد قدامي !! الكهربا بتاعت الآر بي أم ،، و عداد الحرارة ، و البنزين ،، و لمبة فرامل اليد ،، و التشيك أنجين ،، بححححححححح !! مش بينوروووا ااا !! و لمبة الساعة الي في التابلوه ،، بحححححح هيا كماااان !!!


مش عارف أيه الي حصل ،، أعمل أيه طيب ،، كده الكهربا كلها بح ؟؟ كل ده علشان أيدي أتهزت و أنا بوصل السلك بتاع اللمبة ؟؟

العجيب في المر ،، أني فكيت كل الفيوزاات !! و أتاكدت منهااا !!! أني ألاقي واحد محرووووق !!! أبدددددداً

طيب يا ترى ممكن المشكلة دي تكون أيييييييه ؟؟؟ :((

[abo_kanze]

ربنا معاك...

[sharpen]

سيادتك فى 3 فيوزات لوحديهم فوق علبة الفيوزات
دور عليهم ومستنى الشكر

[smsm_nabawy]

ربنا معاك...

آآآمييين

جزاك الله خير :((

[smsm_nabawy]

سيادتك فى 3 فيوزات لوحديهم فوق علبة الفيوزات
دور عليهم ومستنى الشكر

سلام !! :))


أي انهم بصحة جيدة !! مفيش حرق في واحد فيهم !!! :))

بس أنا حنزل تاني في النهار كده أتاكد من كله تااني :)

شكراً ،، و ياررررب يطلع فيوزات فعلاً :)
و شكراً ليك على أي حالي يا أخي والله ،، كفاية أهتمامك :)

[medododo]

الله يعينك يارب

[sharpen]

لو الفيوزات سليمة يبقى واحد من الكتاوت اللى جنبهم - مش هاتطلع برة المطقة دى لانها الوحيدة المشتركة بين القطع المحروقة
يبقى حضرتك ساعتها تشترى واحدة كتاوت 5 رجل زى اللى فيها وتجربها مكان كل واحدة من اللى فى العلبة او اللى قوق العلبة لغاية متلاقة المحروقة
انا اللى وصلت الباك سينسور بنور المارشدير واعتقد دة اللى انت كنت ناوى تعملة
ممكن كمان تاخد خرج السماعة بتاعة السينسور وتديها على امبليفير ومنة للسماعات الخلفية ( الامبليفير هياخد برضة مننور المارشدير ) وبكدة صوت التحذير يطلع فسماعات الكاسيت

[Elawany13]

ربنا ييسرلك الأمور ياسمسم

[momo44]

غالبا فيوزات
وخلى بالك ان بيبقى فى اكتر من علبة فيوزات
انا عندى 3
2 فى الكبوت و واحدة تحت الدواسات

[smsm_nabawy]

الحمممد لله المشكلة أتحلت بقدر كبيير أوي !!

حوالي 88 % منها اتحل ،، طلع الفييوووووز الوحيييييييد الي لا انا ولا أصحابي شوفناه !! :)))))

حاجة فققرر !! :)))

بس الحمد لله ،، كله رجع زي الول ماعدا الداش بورد !! فيها اللمبة بتاعت الأشارات مش بتنور لما أعمل اشارة شمال ،، لكن بتنور لما أعمل يمين !!

مع العلم أن الشاهين ليها لمبة واحدة فقط كمؤسر للأشارتين ،، عكس العربيات الحديثة نسبياً عنها ،، الي فيها لمبة للشمال و تانية لليمين !! :)))

ربنا يجازيكم خييير جمييييييعا !! :))

[smsm_nabawy]

لو الفيوزات سليمة يبقى واحد من الكتاوت اللى جنبهم - مش هاتطلع برة المطقة دى لانها الوحيدة المشتركة بين القطع المحروقة
يبقى حضرتك ساعتها تشترى واحدة كتاوت 5 رجل زى اللى فيها وتجربها مكان كل واحدة من اللى فى العلبة او اللى قوق العلبة لغاية متلاقة المحروقة
انا اللى وصلت الباك سينسور بنور المارشدير واعتقد دة اللى انت كنت ناوى تعملة
ممكن كمان تاخد خرج السماعة بتاعة السينسور وتديها على امبليفير ومنة للسماعات الخلفية ( الامبليفير هياخد برضة مننور المارشدير ) وبكدة صوت التحذير يطلع فسماعات الكاسيت

كلام جمييييل ،، بس مكمن تعيدوهلي تاني بالعربي لو سمحت !

! :)))

[sharpen]

الباك سينسور تركيبة سهل كلة فيش فى بعض المشكلة انت عايزة يشتغل مع المارشدير بس فبتاخدلة التيار من السلك اللى مدى لمبة المارشدير و الارضى من اى حتة فجسم العربية لان تيار لمبة المارشدير بيشتغل بس مع المرشدير- كلام جميل

نيجى لحتة تكبير الصوت السينسور كنترول يونيت طالع منها 6 بينات بيدو فيشة الوحدة الداخلية اللى بتنور وتعمل صوت
4 بينات منهم للنور و2 على جنب للسماعة الصغنطوتة للى فى الوحدة الداخلية
طيب انا رحت واخد فرع من ال2 بينات بتوع الصوت اللى مدين الوحدة الداخلية وعايز اكبر الصوت شوية فطبعا مقدرش ادى على السماعة الكبيرة علطول لضعف التيار
رحت جايب ايكوالايزر قديم - وممكن امبليفير - واديت وصلة ال2 بين بتوع الصوت على مدخل السماعات فى اليكولايزر و خرج الايكولايزر على السماعات الكبيرة بتاعت الكاسيت
وطبعا اديت الايكولايزر تيار من المارشدير زى السينسور علشان يشتغل مع المارشدير بس ( مع ترك زرار التشغيل بتاعة على on ) واتحط وحدة السينسور كنترول يونت مع الايكولايزر فى بطانة شنطة العربية

[smsm_nabawy]

ماشاء الله !! فعلاً كده فهمتك !! لا بجد شغل عالي ماشاء الله !! :)

تسلم أيدك على التوضيح !!

[Elawany13]

انت بتركب سينسور بارك للشاهين ؟
من ورانا ياسمسم ؟؟

[smsm_nabawy]

لا !! مش أنا ،،ده الأخ Sharpen

أنا بعمل فوانيس ليدات !! :))) و بعد معملتها ،،جربت أول حاجة في لمبات الريفيرس !! و الحمد لله ،، نورت دلوقتي ،، بس لسه حجربها بلييل !! :))

بس نجحت بنسبة 80 % حتى الان علشان أضائتها مش قد كده !! :((