من فضلكم عايز اعرف سرعة كل غيار

[hany_mossa]

الاخوة الاعزاء اخوكم جديد فى السواقة ولسة جايب 127 موديل 85 بس فى مشكلة ساعات بحس ان العربية مااخدتش الغيار الصحيح يعنى بحس ان لسة بدرى على الغيار وناس تقولى لا غير عايز اعرف عند اى سرعة ادى العربية الغيار ، ثانى حاجة العربية النهاردة الصبح عملت حاجة غريبة دارت من تانى مرة لمدة دقيقة ونص وبعد كدة بطلت جربت حوالى 7 مرات وبعد كدة رحت دوست بنزين وانا بدور اشتغلت على طول وفضلت دايس بنزين عليها لغايت لما سخنت ياريت حد يقولى العيب دة سببة اة واسف على الاطاااالة

[ahmedsamir5edr]

الأول .. مجرد التحرك حتي 20
التاني حتي 40
التالت حتي 60
الرابع حتي 80
الخامس .. الي ما شاء الله

ممكن تقلل 10 كيلو عن السرعات دي .. لو كده كتير علي العربيه و العربيه مش مستحمله

[hany_mossa]

تسلم على الرد وربنا يخليكم للمبتدئين وبالنسبة لموضوع الدوارة الصبح اة المشكلة ؟؟؟؟؟؟؟؟

[Ashraf_Ibrahim]

العربيات الكربراتير اعتقد بتعمل كدة طبيعي خصوصا الصبح وهي باردة فلا تقلق من دي !

[teto2007]

شوف سرعة السلانسية خلى الميكانيكى يظبطها ممكن تكون واطية وعايزة تعلى

[swimmer25]

انصحك متبصش علي السرعة وانت ماشي لنقل الغيار لان ده هيخليك مش مركز في السواقة
ممكن تجرب في حتة فاضية وتحس بصوت الموتور وهو بيعلي وانت بتنقل وتحس بسحب العربية هتتعود بس الاحسن تركز في السواقة
ومش هيحصل حاجة خاص اذا نقلت بدري شوية

[beshomilan]

كلام الاخوة صحيح
بس احب اضيف كمان
انك لو معاك العيلة فى العربية والعربية تقيلة وفيها احمال هتلاقى الغيار معدل التسارع بتاعه ابطا من وانت لوحدك
يعنى بدل ما انت ماشى على سرعة من 20 ل 40 فى 5 ثوانى هتوصل من 20 ل 40 فى 9 ثوانى وده نتيجة الحمل..وده مثال توضيحى

[rasim]

السلام عليكم
جزاكم الله خيرا
انا للاسف مش بسمع صوت الماتور علشان انا مشغل القران على طول وفاتج الزجاج ساعت لما الطريق فاضى بسمع صوته وساعات تانى مش بسمعه
وحكاية الحمل انا مجربةوكمان ساعات بحس ان العربيى بتكركر وانا ماشى على الاول ومعى حمل ايه المشكله ؟

[MOUSTAFA_SAAD]

تابع صوت الماتور لما يعلى تنقل الغيار لانك لو بصيت على العداد حيخبلك وانت سايق

[smsm_nabawy]

بالنسبة لمشكلة الدوارة !!

أنا فهمت ان حضرتك بتدور من غير متدوس بنزين !!

كده أنا فاهم صح ولا غلط ؟؟

[hany_mossa]

لا انا بدوس بنزين وانا بدور وبتلقط معايا