موضوع غريب جدا ومعتقدش حد مر بيه

[beshomilan]

دلوقتى انا كان عندى مشكلة سابقة من اسبوع وهى

انا عربيتى اكسيل 1500 حالة الماتور كويسة ودايما بحط شل الاصفر بس دايما كانت طبة الزيت بتنقط نقط صغيرة جدا وكل ما اركن العربية ارجع الاقى العربية تحتها زيت على حسب مده الركنة..والميكانيكى قفلهالى قبل كده كويس جدا وفضلت تنقط برضه بعدها بس اقل من الاول..لسة مغير زيت وفلتر من 2000 كيلو او شهر ونص كده

المهم..سافرت اسكندرية انبارح الصبح وقبل ماسافر بصيت على مؤشر الزيت كان على الماكسيمم عادى بس كان الزيت مسود شوية بس كان لسة بلزوجته..وبعد ماوصلت ركنتها وبعد يوم نزلت ابص على مؤشر الزيت لقيته على المينمم!!!

مش عارف الزيت راح فين؟؟مش معقول نقط كله وانا راكنها يوم؟؟

العربية مبتدخنش ومبتسخنش اطلاقا ومؤشر الحرارة اقل من النص دايما والشكمان العادم بتاعه شفاف وملوش لون..
ومكانتش المية بتقل ابدا لحد اسبوعين كده لما سلكت الريداتير بدات تقل بس بصورة بسيطة

ارجوكم انا دلوقتى فى اسكندرية بصيف مع اسرتى ومعرفش حد هنا اطلاقا والميكانيكى بتاعى فى القاهرة ومش عارف اتصرف ازاى وايه الحل المؤقت لكده والمشكلة دى من ايه؟؟؟؟
ارجوكم انا حزين اوى ومهموم ومستنى ردكم بسرعة

المهم انا اشتريت زيت توتال 3000 من اسكندرية وحطيته وقيست العلامة لحد الماكسيمم ورجعت القاهرة وركنت العربية يوم..ونزلت تانى يوم اقيس الزيت

لقيت المفاجأة

ان الزيت ضعف المؤشر يعنى فوق الماكسيمم الضعف!!!!
طبعا اتجننت واستغربت وقلت انا مزود 2 كيلو توتال بس وكان ماكسيمم قبل ما اتحرك من اسكندرية..ازاى بقى الضعف لما وصلت هنا؟؟

معنى كده ان زيت شل كان محبوس او مكتوم فحاجة ونزل على زيت توتال لما جيت ورجع لمكانه الطبيعى لما وصلت هنا؟؟ازاى دانا قايس هناك المؤشر كذا مرة وفاماكن مختلفة واوقات مختلفة واراضى مستوية ومكانش فيه زيت خالص وزودت توتال ووصل للماكسيمم ازاى بقى الضعف لما رجعت هنا؟؟
والميكانيكى ميعرفش سبب للى حصل ده

ازاى انا هتجنن؟؟

[essamenen]

السلم علبكم
حمدلله على السلامه
ممكن تنزل الزيت القديم وتعايره ثانى وتشوف انه كام ليتر بالضبط ممكن حضرتك تكون زودت الزيت وانتى لسه مشغل العربيه وبعديت ترجع تحطه تانى فى الماتور بس لازم تكون الوعاء الى حطيته فيه يكون نظيف
ايه اخبار الطبه والوزيت

[SAMEH_FOUAD]

معلش مافيش حاجة اسمها الزيت محبوس فى حاجة ورجع انت ممكن لما جيبت قيست كانت الارض غير مستوية فافتكرت ان الزيت طار

او قيست الزيت وكنت لسة مبطل المحرك فطبعا مالحقش يسقط فى الكارتيرة تانى

ودلوقتى لازم تنزل الزيت الزائد عشان خطر على الاولسيهات + عمود الكرنك + البوجيهات + البساتم

لانت كل دة وزن زائد على المحرك

[beshomilan]

السلم علبكم
حمدلله على السلامه
ممكن تنزل الزيت القديم وتعايره ثانى وتشوف انه كام ليتر بالضبط ممكن حضرتك تكون زودت الزيت وانتى لسه مشغل العربيه وبعديت ترجع تحطه تانى فى الماتور بس لازم تكون الوعاء الى حطيته فيه يكون نظيف
ايه اخبار الطبه والوزيت

الله يسلمك استاذ عصام :)

نزلت الزيت كله عند الميكانيكى وحطيناه من اول وجديد وكان مالى جركن 4 ليتر على اخره (طبعا ده القديم على الجديد اللى انا حطيته) والجديد اللى انا حطيته كان 1.8 لتر معنى كده ان الباقى كان 2.5 لان الجركن كان لاخره تماما
وانا عمرى ما بقيس الزيت وانا مشغل الماتور ابداااااااااااا او وانا لسة طافيها..
الطبة الميكانيكى خلعها ولفلى عليها خيط وركبها تانى وقالى كده هتبقى تمام

معلش مافيش حاجة اسمها الزيت محبوس فى حاجة ورجع انت ممكن لما جيبت قيست كانت الارض غير مستوية فافتكرت ان الزيت طار

او قيست الزيت وكنت لسة مبطل المحرك فطبعا مالحقش يسقط فى الكارتيرة تانى

ودلوقتى لازم تنزل الزيت الزائد عشان خطر على الاولسيهات + عمود الكرنك + البوجيهات + البساتم

لانت كل دة وزن زائد على المحرك

اشكرك اخى سمسم للرد
بس انا زى ماوضحت انا بقيس الزيت قبل ما بطلع بالعربية بدون تشغيل وانا جربت القياس فى كذا مكان غير اللى واقفة فيه وكانت نفس النتيجة

بس هو ينفع كده امشى بخليط الشل والتوتال كده؟؟

[smsm_cato]

اللى انا اعرفة انك مينفعش تحط نوعين زيت على بعض او حتى لما تغير الزيت من نوع لنوع لازم تغير الفلتر يعنى لازم تكون كل نقطة زيت فى الموتور والفلتر من نوع واحد نفس اللزوجة والقيمة واعرف بردة ان تغير انواع الزيوت الكتير غلط على الموتور والله اعلم

[essamenen]

مافيش اى مشكله من خلط نوعين من الزيت الفرق من اى نوع زيت او اخر هو الاضافات فقط لكن لايختلف فى الزيت نفسه لان الاضافات ديه تكون من اسرار الشركه وتختلف من شركه اى اخرى ولايتم اى تفاعلات كيميائيه عند اضافه ازيت
تاكدمن كفائه المحرك من الفايط وخلافه زى ما قلت لحضرتك

[beshomilan]

اشكرك استاذ سمسم للرد

اشكرك استاذ عصام للتفاعل
وانا عملت زى ما حضرتك قلتلى وشفت خرطوم الفايظ وكان مبيطلعش حاجة والميكانيكى شافه قاللى لا الماتور تمام بس انا خدت بالى من مطرح ماشلته ان حوالين مخرج الفايظ من ناحية العمة مزيته على خفيف جدا مش عارف كده عادى ولا لا

[MOUSTAFA_SAAD]

معلش مافيش حاجة اسمها الزيت محبوس فى حاجة ورجع انت ممكن لما جيبت قيست كانت الارض غير مستوية فافتكرت ان الزيت طار

او قيست الزيت وكنت لسة مبطل المحرك فطبعا مالحقش يسقط فى الكارتيرة تانى

ودلوقتى لازم تنزل الزيت الزائد عشان خطر على الاولسيهات + عمود الكرنك + البوجيهات + البساتم

لانت كل دة وزن زائد على المحرك

[essamenen]

اشكرك استاذ سمسم للرد

اشكرك استاذ عصام للتفاعل
وانا عملت زى ما حضرتك قلتلى وشفت خرطوم الفايظ وكان مبيطلعش حاجة والميكانيكى شافه قاللى لا الماتور تمام بس انا خدت بالى من مطرح ماشلته ان حوالين مخرج الفايظ من ناحية العمة مزيته على خفيف جدا مش عارف كده عادى ولا لا

تحت امرك خرطوم الفايظ ده لو بيطلع دخنه بيضاء لما تشغل العربيه وتدوس بنزين ده دليل على احتراق الزيت وبالتالى هينقص وده تفسير نقص الزيت مادام الميكانيكى طمنك كده يبقى تمام يبقى الباقى سهل ان شاء الله
لما بتركن العربيه لاحظ فى الى اثر للزيت اسفل العربيه وحدد مكانه بالظبط

[beshomilan]

اشكرك استاذ مصطفى للمشاركة

وبجد انا تاعب حضرتك معايا اوى استاذ عصام ومش عارف اشكرك ازاى :)

لما بتركن العربيه لاحظ فى الى اثر للزيت اسفل العربيه وحدد مكانه بالظبط

هو فعلا كان تنقيط زيت ناحية طبة الزيت بس الميكانيكى فك الطبة وربط حواليها فتله وقفل عليها كويس ولقيت امبارح نقطة بعد ماركنت لمده كده وانا فى مشوار

وساعات بلاقى نقط خفيفة ناحية العجلة الشمال..وده مكان زيت الفتيس

[mohamedadelemam]

السلام عليكم..أعتقد حضرتك والله أعلم جوان وش سلندر

[beshomilan]

السلام عليكم..أعتقد حضرتك والله أعلم جوان وش سلندر

اشكر حضرتك لمشاركتك

بس انا مش شايف اعراض وش سلندر خالص..لان المكنة مبتسخنش ومبتاكلش زيت والزيت لزوجته ولونه ممتازين

[mohamedadelemam]

السلام عليكم..كنت شفتها قبل كدا فى سيارة لانسر..بتبقى فى مشكلة بس فى مجارى الزيت وليس الماء..ودا بيأدى تقريبا لنفخ الزيت..قصدى دفعه فيظهر فى المؤشر على إنه مرتفع...عموما ربنا يوفق حضرتك

[beshomilan]

السلام عليكم..كنت شفتها قبل كدا فى سيارة لانسر..بتبقى فى مشكلة بس فى مجارى الزيت وليس الماء..ودا بيأدى تقريبا لنفخ الزيت..قصدى دفعه فيظهر فى المؤشر على إنه مرتفع...عموما ربنا يوفق حضرتك

اشكر حضرتك للمشاركة والافاده..هو كان عندى المشكلة العكس..اى الزيت مبيظهرش على المؤشر كانه مفيش زيت والزيت ظهر الضعف لما زودته كتير اعتقادا منى بانه مفيش زيت

[mohamedadelemam]

ربنا يوفق حضرتك لما فيه الخير