متشخنش عربيتك " الحديثة " صباحا و لا مساء و لا في اي وقت !

[CryptonX]

Drive away immediately on starting the engine even during early morning starts. The advanced 32-bit microprocessor is prograrnmed for automatic cold start and engine warm up. Hence there is no need to warm the engine by keeping the car idle. Just drive away gently without accelerating too much.
-----------------------------------------------------------------------

منقول من كتالوج سيارتي ( Fiat Palio 1.2 Fire )

ترجمة سريعة :

انطلق بسيارتك فورا عند تشغيل المحرك صباحا باكرا - المعالج الميكرو ذو ال 32 bit مبرمج لتشغيل في الظروف الباردة اوتوماتيكيا وتسخين الموتور اوتوماتيكيا , لذلك لا حاجة لتسخين السيارة بتشغيل السيارة و تركها لتسخن - ببساطة تحرك بسيارتك " بهدوء " بدون تسارع عالي مرة واحدة .

---

اعتقد الكلام ده ينطبق علي كل السيارات الحديثة .

[hero]

بس في كتالوج الياريس منبهين علي التسخين خصوصا ولمبة الحرارة لسة cold او خضراء اللون...هم برضة قالو ممكن تمشي بيها بس من غير زيادة في االسرعه....

بس عموما انا افضل تسخين السيارة ...حتي لو اتأخرت 5 دقايق....ما دام في جزء في المانيوال قال سخنها ...يبقي الاحوط ان الواحد يسخنها...وبعدين يتكل علي الله ويمشي...

[mtageldeen]

هل ممكن حد ميسخنش عربيته ويقول مش هزود السرعة في الأول؟
طيب جرب وخلي الطريق فاضي قدامك وشوف اللي وراك هيعمل فيك إيه !!!

[Nader]

حكاية التسخين دي مدتها بتختلف من سيارة لاخرى

ولكن الاهم هو الانتظار دقيقة على الاقل حتى يتم

تزييت الموتور بشكل يسمح للسيارة بالتحرك بدون

الحاق اضرار في المستقبل بسبب عدم تزييت الموتور

جيداً عند بدأ الحركة.

[fahd_628]

شكرا يا كريم باشا بس برضة الواحد مش حيخسر حاجة لو استنى دقيقة كدة عقبال ما الموتور يسخن

[جمال]

اغلب السيارات ( ان لم يكن كلها ) تطلب عدم الضغط على بدال البنزين ( بما يعنى عدم زيادة سرعة الموتور ) قبل ان ينتظم دوران الموتور - يظهر من هدوء صوت الموتور - وذلك للتأكد من تغلغل الزيت بجميع اجزاء الموتور وفى هذا حماية و صيانة للموتور
وفى حالة الاضطرار للتحرك فورا فيجب المحافظة على النقلات المثالية بمعنى عدم زيادة عدد لفات الموتور

[dr_3eshoo]

كلام نادر و هايما و فهد صحيح لان فكره التسخين ان الزيت يمشي في المتور كله قبل الحركه علشان تبقى سهله و ناعمه و يطول العمر الافتراضي للموتور
الفيات بيسخن بسرعه يعني وقت التسخين بتاعه قليل على عكس الفولكس و التويوتا و النيسان بيخدوا وقت على السخونيه يعني الكلام د مش بينطبق على جميع العربيات
شكرا على الموضوع

[CryptonX]

يعني الكتالوج الخاص بالسيارة خطأ ؟؟

[islamkhidr]

لازم العربية تسخن علشان الزيت يقوم بوظيفتة ومش يحصل مشاكل

على الاقل دقيقة وبعدين أحنا هانستعجل لية ؟؟؟ لما نستنى شوية احسن ما نتكلف كتير بعد كدة

[Nader]

دقيقة واحدة على الاقل يا كريم مش هتضر ... انما ممكت تفيد

اعمل نفسك بتلبس النضارة والحزام وبتشيك على البنزين وتشغل

اي حاجة تشغلك وانت في الطريق تكون عدت الدقيقة:).

انا بالنسبة لي النضارة بيلت اين على طول:)

[MohabSaeed]

انا اعتقد يا كريم ان ممكن الموضوع سختلف من سياره لاخرى . انا عماتا الصبح بسخن العربية لمده 60 ثانية بالظبط " بعدهم فى سرى " D:
ومبشى هادى لمده 5 دقايق " بحكم ان شوارع 6 زفت اكتوبر الجانبية غير ممهده وكلها ظلط" لحد ما بطلع على الطريق الرئيسى .

حقولك حاجة تانية .. موعد تغير سير التوقيت " الكاتينة " بيختلف من سياره للاخرى . مكتوب فى كتالوج الواجا عند 100 الف ., وفى عربيات بتغير عند 150 الف . وفى عربيات عن 60 الف .

انا رأيى ان كل واحد يمشى على حسب تعليمات الكتالوج .

[CryptonX]

يعني الكتالوج غلط برده ؟

انا علقت بقى ! Xd


انا بسخن عامة بس بعد مقريت كدة في الكتالوج - قلت تنحرق السيارة علي فيها .. و بمشي علي طول :)

[nasr-eldeen]

يعني الكتالوج غلط برده ؟

انا علقت بقى ! Xd


انا بسخن عامة بس بعد مقريت كدة في الكتالوج - قلت تنحرق السيارة علي فيها .. و بمشي علي طول :)

لا يا باشا الف سلامة على السيارة 100000000000سلامة على اللي فيها
أنا كان عندي بترا 2003 وعمري ما سخنت الموتور بتعها لا صيف ولا شتا بس كنت بمشي بالرحة لغاية المؤشر بتاع الحرارة مايجي لمستواه الطبيعي وده بيحصل في حوالي من 800:500م لأن السيارة بها محفز وكانت زي الفل
وفعلاً كان مكتوب في الكتالوج تنبيه على عدم التسخين وبعت السيارة في شهر يناير اللي فات وكان الموتور 100% وكان الشكمان بيجيب ميه
بس اللانسر بسخنها لمدة دقيقة أو اثنين
وربنا يحفظك انت والسيارة واللي يركبها

[Mzeid]

بص يا كيمو باشا أنا كنت قرأت قبل كدة إن طريقة التسخين اللي إحنا بنتبعها دي غلط و أن أنسب طريقة أنك تشغل العربية و تمشي على طول بس متعليش ال RPM يعني تمشي على سرعة منخفضة 10 15 كلم كدة لمدة حوالي من 1 ل 2 دقيقة ..

[zizo_motors]

الأجابه الصحيحه هو أن السيارات الحديثه لا يتم فيها التسخين حيث ان حساس درجة الحرارة مسؤل عن معرفة درجه حرارة المحرك وعن طريقها يتم تحديد كمية حقن الوقود ووقت الاشعال .