نفسي أخمس بقى .... إيه صعبة دي ؟؟

[Bassem Taha]

اولاً احب اوضح حاجه انا مش من هواة التخميس بالعربية علشان عارف انها هتيجي فوق دماغي في الأخر وهشتري كاوتش جديد
بس مش معنى كده ان الهاند بريك عندي تبقى كأنها مش موجوووودة بردو

الهاند عندي شغاله تمام و كل حاجه بس لو شدتها و أنا ماشي بتهدي العربية لكن مش بتخلي العجل يزحف
ونزلت النهاردة و ربطت السلك بتاعها شوية ( فكيت علبه السجائر اللي قدام الكنبة اللي ورا و ربطت الصمولة بتاعت الهاند شوية وفعلاً لقيت الهاند جمدت و معدتش بتطلع للأخر زي الأول يدوب هما 4 تكات و بتكون حجر ) ونزلت زقيت العربية علشان اطمن ان الفرامل مش ماسكه في الطنابير والحمد لله كله تمام
قلت اطلع بالعربية اجرب بقى

بردو العربية سرعتها هديت لكن مزحفتش ولا حاجه
يا تري العيب ايه دلوقتي ؟؟؟؟ اربط الصامولة شوية كمان ؟؟ ولا العيب في الهاند ولا ممكن يكون التيل بتاع الفرامل اللي ورا تعبان ؟؟؟؟؟
يا ريت تساعدوني في المشكلة دي

[amrelsaqqa]

لازم العربية تبقى واخدة عزم جامد
نقلة مناسبة وسرعة مناسبة وكدة
ولازم الموتور يبقى تمام
والاهم من ده كله السواق ;)

[Bassem Taha]

لازم العربية تبقى واخدة عزم جامد
نقلة مناسبة وسرعة مناسبة وكدة
ولازم الموتور يبقى تمام
والاهم من ده كله السواق ;)

ليه الاحراج ده بس يعني العيب طلع فيا و الهاند طلعت براءة أوريها وشي ازاي بعد كده
طيب يعني علشان العربية تزحف علي الأرض لازم اكون فوق 40 مثلاً ؟؟؟
اصل انا دايما بجربها و انا رايح اركن علشان اقف جنب الرصيف بس دايماً تحرجني و أضطر ارجع تاني و اطلع لأن وش العربية مش بيظبط و العربية مبتلفش

[mr_vampire]

ا........................................ علشان عارف انها هتيجي فوق دماغي في الأخر وهشتري كاوتش جديد
......................

كاوتش بسسسسسسسسسس !!!!!!!!!!!!!!! ده الكاوتش ده اخر حاجة لانه مش هيبوظ من تخميسة او اتنين انما ده هيفتح معاك حوارات كتيييييييييييير عد معايا :

-كبالن ومقصات لو عربية امامي.
-سير كاتينة ممكن يتقطع وتبقي ليلة.
-تاثير كلي علي اجزاء التعليق الخلفي لان اكييييييييييد هتشد الهاند مع الحرق عشان العربية تلف حولين محورها عالعجل الواقف الخلفي.

بلاش احسن يامعلم اكتفي بالفرجة بس زي حالتي واستمتع بعربيتك واقفة وشادة حيلها مادام مش مزعلاك فالسحب والجري وقت ماتحتاج انما تخميس اهانة للعربية من غير داعي.

[Bassem Taha]

كاوتش بسسسسسسسسسس !!!!!!!!!!!!!!! ده الكازتش ده اخر حاجة لانه مش هيبوظ من تخميسة او اتنين انما ده هيفتح معاك حوارات كتيييييييييييير عد معايا :

-كبالن ومقصات لو عربية امامي.
-سير كاتينة ممكن يتقطع وتبقي ليلة.
-تاثير كلي علي اجزاء التعليق الخلفي لان اكييييييييييد هتشد الهاند مع الحرق عشان العربية تلف حولين محورها عالعجل الواقف الخلفي.

بلاش احسن يامعلم اكتفي بالفرجة بس زي حالتي واستمتع بعربيتك واقفة وشادة حيلها مادام مش مزعلاك فالسحب والجري وقت ماتحتاج انما تخميس اهانة للعربية من غير داعي.

ههههههههههه ليه يا عم كل ده هو انا هدخل بيها في حيطه انا مش عايز اخمس بيها علي طول انا بس عايز لما اشد الهاند توجب معايا مش أكتر لكن زي ما قلت في الأول انا مش من هواه التخميس علشان عارف ان بعد كده هزعل

[osama.m]

لو العجل مش بيقفش يبقى ترجلش فرامل العجل الخلفي و ان شاء الله تظبط معاك
بس خللي بالك من الرصيف :d

[Bassem Taha]

لو العجل مش بيقفش يبقى ترجلش فرامل العجل الخلفي و ان شاء الله تظبط معاك
بس خللي بالك من الرصيف :d

حاضر يا اسامه هخلي بالي بس قصدك ايه ارجلش الفرامل الخلفية ؟؟
احطلها زي ورده مثلاً جنب الطنبورة مش فاهم

[osama.m]

رجلاش الفرامل دي مش هتعرف تظبتها بنفسك الاحسن توديها لحد يعملها .. هيا مش حوار كبير بس عشان فية فك كتير و عشان يظبتلك العجلتين زي بعض

[mrastra]

والله انت زى العسل
بس طول ما انت راكب 131 عمرك ما هاتخمس لان الايطالى عمر الهاند بريك ما بيقفش العجل
تقبل مرورى

[Bassem Taha]

والله انت زى العسل
بس طول ما انت راكب 131 عمرك ما هاتخمس لان الايطالى عمر الهاند بريك ما بيقفش العجل
تقبل مرورى

ربنا يخليك ده من ذوقك والله
بس انا مش معايا 131 دي راحت لحالها خلاص دلوقتي لانوس
وال 131 عموماً مش بتحتاج هاند بريك ده شوية بنزين و اتفرج علي اللعب يا معلم

[HOSSAM99]

أنا مش عايز أقولك طريقتها أزاي علشان مشلش ذنبك و أكون أنا السبب
لكن هاقولك علي معلومه من واحد بييخمس بالعربيه من و هو عنده 12_13 سنه يعني داخل في 10 سنين
أي عربيه تخمس حتي لو الفرامل الخلفيه ضعيفه
علشان الخمسه دي بتعتمد علي القصور الذاتي أكثر من الفرامل يعني لو أديناها نسبه هاتبقي الفرامل 30% و القصور الذاتي 70%

و لو عايز تعمل خمسه خليها تكون في مكان أنت عارف أنه فاضي و هايفضل فاضي محدش بيعدي عليه و تخلي العربيه موسعه للناحيه للي هاتلف فيها علي قد ما تقدر
و تشد بالعربيه و تجيب 50 كم/س و لما تيجي للمكان المحدد الفاضي و ترفع هاند لأقصي نقطه و تلف الدريكسيون علي قد ما تقدر لكن مش للآخر طبعا و دمتم
ساعتها هاتحس إن عندك وفره من الإدرانالين و نشوه غير معهود و فرحه غامره لكن لن يدوم ذلك علشان هاتزعل و هاتشم ريحة الكاوتش و هو بيشيط

أما عن أضرارها .....فلا تحصي و لا تعد
أولها بتبقي بتعرض حياتك و حياة الآخريين للخطر
عفشة العربيه كاملةً بتتأثر
شاسيه العربيه بيتأثر
الكاوتش الخلفي بيتنتهي
قواعد موتور و فتيس
أجزاء الفرامل بتنعم و تقل كفائتها

يا رب متعملهاش

[Bassem Taha]

أنا مش عايز أقولك طريقتها أزاي علشان مشلش ذنبك و أكون أنا السبب
لكن هاقولك علي معلومه من واحد بييخمس بالعربيه من و هو عنده 12_13 سنه يعني داخل في 10 سنين
أي عربيه تخمس حتي لو الفرامل الخلفيه ضعيفه
علشان الخمسه دي بتعتمد علي القصور الذاتي أكثر من الفرامل يعني لو أديناها نسبه هاتبقي الفرامل 30% و القصور الذاتي 70%

و لو عايز تعمل خمسه خليها تكون في مكان أنت عارف أنه فاضي و هايفضل فاضي محدش بيعدي عليه و تخلي العربيه موسعه للناحيه للي هاتلف فيها علي قد ما تقدر
و تشد بالعربيه و تجيب 50 كم/س و لما تيجي للمكان المحدد الفاضي و ترفع هاند لأقصي نقطه و تلف الدريكسيون علي قد ما تقدر لكن مش للآخر طبعا و دمتم
ساعتها هاتحس إن عندك وفره من الإدرانالين و نشوه غير معهود و فرحه غامره لكن لن يدوم ذلك علشان هاتزعل و هاتشم ريحة الكاوتش و هو بيشيط

أما عن أضرارها .....فلا تحصي و لا تعد
أولها بتبقي بتعرض حياتك و حياة الآخريين للخطر
عفشة العربيه كاملةً بتتأثر
شاسيه العربيه بيتأثر
الكاوتش الخلفي بيتنتهي
قواعد موتور و فتيس
أجزاء الفرامل بتنعم و تقل كفائتها

يا رب متعملهاش

وعد مش هعملها لأن انا والله مش من هواه التخميس يا جماعة
انا بس نفسي لما اشد الهاند العربية تزحف مش امشي اخمس بيها طول النهار هههه

[smsm_nabawy]

الايطالى عمر الهاند بريك ما بيقفش العجل
تقبل مرورى

مين قال كده ؟؟ :)))

دنا كل العربيات الي بسوقها أيطالي ،، مفيش عربية منهم ألا لما بشد هاند العجل بيكلبش !! =))

ملهاش دعوة بالعربية !!

ليها دعوة بالتيل نفسه !! و رجلاش الفرامل الخلفية !!

=======================

باسم ،، روح شوف الفرامل عندك التيل بتاعها أخباره أيه ،، و الراجل و هو بيركبلك التيل الجديد حيرجلشلك الفرامل صح !! :)

[zocor742]

ما بلاش يابسووم الحوار دة
خلينا محافظين على عربيتنا .
اغلبية اللى بيخمس يابيبقى مأجر يا مش تعبان فيها ولا حاسس بيها .

[Bassem Taha]

مين قال كده ؟؟ :)))

دنا كل العربيات الي بسوقها أيطالي ،، مفيش عربية منهم ألا لما بشد هاند العجل بيكلبش !! =))

ملهاش دعوة بالعربية !!

ليها دعوة بالتيل نفسه !! و رجلاش الفرامل الخلفية !!

=======================

باسم ،، روح شوف الفرامل عندك التيل بتاعها أخباره أيه ،، و الراجل و هو بيركبلك التيل الجديد حيرجلشلك الفرامل صح !! :)

اوك يا حسام
النهاردة قلت اجرب الفرامل تاني يمكن مكنتش بعملها صح قااااااااااااااااااال يعني مش هعرف اشد الهاند
المهم كنت ماشي علي 80 قلت لما اشد الهاند للأخر بس طبعاً وانا ماسك الدركسيون ملفتوش علشان مكنتش عايز اخمس انا بس كنت عايز اشوف هتشد ولا لأ
وطبعاً مشدتش ولقيت العربية بتهدي بس وشكراً