العربية اخرها 120 بس

[dr_magdi2009]

العربية لانوس 2001 ......... كاملة غيرت كل حاجة
سيور و زيوت و كل شئ حتى سير و بلية كاتينة



بفتح الموتور من ساعة ما جبت العربية من شهرين


المهم وانا مسافر انهارة على الصحرواى قلت اشوف اخرها كام

مشيت بالعربية كويس لحد الرابع و كانت السرعة 120 كم ... المهم بعد ماجبت الخامس ازود مافيش سحب ......... الار بى ام مش راضى يزيد عن 3 و الصوت العربية بيزيد و مافيش زيادة فى و السحب مافيش ..........ز بقيت امشى على الرابع بس

[Ashraf_Ibrahim]

متابع معاك !

[zegzaag]

حصلت مع واحد صاحبي وطلعت المشكله جنزير الصدر تقريبا ضعيف او مرخي حاجه كده فكان فتحو للصبابات ليه سرعه معينه مش بيقدر يتجاوزها فلما غيرو وربط الشدادت بأت بتفتح معاه وبتعدي السرعه الي كانت بتقف عندها

يمكن يكون الموضوع مشابه او مختلف مش عارف

[dr_magdi2009]

حصلت مع واحد صاحبي وطلعت المشكله جنزير الصدر تقريبا ضعيف او مرخي حاجه كده فكان فتحو للصبابات ليه سرعه معينه مش بيقدر يتجاوزها فلما غيرو وربط الشدادت بأت بتفتح معاه وبتعدي السرعه الي كانت بتقف عندها

يمكن يكون الموضوع مشابه او مختلف مش عارف

هو ايه جنزير الصدر دة ......انا معايا دايو لانوس

[zegzaag]

هو ايه جنزير الصدر دة ......انا معايا دايو لانوس

وظيفه جنزير الصدر : يقوم بربط بكره عمود الكامات بالبكره الرئيسيه لنقل الحركه ليه وطبعا هو المسؤل عن فتح وقفل الصبابات بحساب خلاف بعض فلو اتقطع او كان ضعيف فالعمليه بتبقى متخلبطه واحيانا ده بيخلي العربيه متتعداش سرعة معينه

طبعا فيه منو نوعين حسب موديل عربيتك في الي زي فالصوره معدن وفيه السير العادي الربل

صدر المحرك من قدام اذا كان من البلاستيك هذا يعني ان سير التيمن (جنزير الصدر ) ربل و البلاستيك يحمي السير بالاضافه الى سهوله تغيير السير عند عمليات الصيانه

اما لو كان صدر المحرك من الحديد ده معناه ان سير التيمن جنزير حديد و مغطى بقطعه من الحديد ليحمي الجنزير و يحافظ على عدم خروج الزيت من داخل المحرك لان الجنزير يجتاج الى تزييت



الجنزير (الي هو معدن او حديد ) كان في المحركات القديمه و اغلب الشركات اتجهت الى الربل و السبب ان الحديد مزعج نوعا ما و الربل اهداء في التشغيل ولا يسبب ازعاج ولاكن الحديد اعتمادي بدرجه كبيره و الربل يحتاج الى صيانه و تبديل كل فتره


اما الان طورت اغلب الشركات جنزير حديد و بتقنيه جديده بحيث يعطي اعتماديه الحديد و هدوء الربل

[zocor742]

الانوس مفهاش جنزير.

[Bassem Taha]

الانوس مفهاش جنزير.

بالظبط اللانوس فيها سير كاتينة جلد مش حديد اللي موجود في العلبة السودة اللي علي شمال الموتور خلي الراجل يبصلك عليه و لو انت كنت اصلاً لسه مغيره خلي ميكانيكي تاني يبصلك عليه

[Esam Mosaad]

رابع 120 كتير

[smsm_cato]

ديسك واسطوانة اكيد طالما العربية صوتها بيعلى بدون سحب وده حصل معايا فى عربيتى 132 وكان اخرها بردة 120 وعملت كل حاجة قبل تغير الديسك والاسطوانة تغيير فلاتر البنزين والهوا عمل طقم اصلاح للكاربيتير توسيع الفونيات من 115/120 الى 120/125 وبردة مفيش فايدة بعد ما غيرت الديسك والاسطوانة حسيت بفرق رهيب وبالذات وانا بعدى من اى عربية الاول كنت لما اجى اطلع من عربية اخد وقت انما دلوقتى ابقى ماشى ورا العربية ووقت ما احب اطلع منها الاقيها طيارة غير كده فرقت فى السرعة بقيت اجيب 150

[kar!m]

ديسك واسطوانة اكيد طالما العربية صوتها بيعلى بدون سحب وده حصل معايا فى عربيتى 132 وكان اخرها بردة 120 وعملت كل حاجة قبل تغير الديسك والاسطوانة تغيير فلاتر البنزين والهوا عمل طقم اصلاح للكاربيتير توسيع الفونيات من 115/120 الى 120/125 وبردة مفيش فايدة بعد ما غيرت الديسك والاسطوانة حسيت بفرق رهيب وبالذات وانا بعدى من اى عربية الاول كنت لما اجى اطلع من عربية اخد وقت انما دلوقتى ابقى ماشى ورا العربية ووقت ما احب اطلع منها الاقيها طيارة غير كده فرقت فى السرعة بقيت اجيب 150

[medododo]

حصلت مع واحد صاحبي وطلعت المشكله جنزير الصدر تقريبا ضعيف او مرخي حاجه كده فكان فتحو للصبابات ليه سرعه معينه مش بيقدر يتجاوزها فلما غيرو وربط الشدادت بأت بتفتح معاه وبتعدي السرعه الي كانت بتقف عندها

يمكن يكون الموضوع مشابه او مختلف مش عارف

كده يبئى كنت عايش في الخليج
وكل شيء انكشف وبان