عملت حادثة بالبونتو و محتاج مساعدة

[zocor742]

لا حول ولا قوة الا بالله
الحمد لله انك طلعت بخير

مشكلة البونتو عموما ان صدر العربية ضعيف ولما بياخد خبطة وحشة بيتكبس
عملين من 3سنين حادثة ببونتو 99 على طريق مارينا السكة وقفت وتقريبا اللى بيسوق كان سرحان ولا اية
اول ما اخد بالة ضرب فرامل شديدة العربية زحفت ورشقت بعزمها كلة فى شنطة a5 صدر العربية لحد اخر المتور متكربس , طبعا غيرت ربع وش .
وعندك البونتو الايفو كنا رايحين نتفرج عاليها لما فتحنا الكبوت (كل العربيات الشاسية بيبقى ليها فاخدة فوق العجل ) فى الايفو مفيش فخدة ومكتفيين بكارتيرة فيبر . حسيت انها اضعف من البوتنو اللى قبلها كمان

شوف سمكرى محترم يكون صنايعى يشوفها ممكن يقولك مش محتاجة ربع وهيستعدل الوش وتيجى فى مكنة وشوية هبشتكنات لو مش هضر العربية هيبقى احسن ماتغير حاجة فى العربية ........

[ahmed_al3alem]

لا حول ولا قوة الا بالله
الحمد لله انك طلعت بخير

مشكلة البونتو عموما ان صدر العربية ضعيف ولما بياخد خبطة وحشة بيتكبس
عملين من 3سنين حادثة ببونتو 99 على طريق مارينا السكة وقفت وتقريبا اللى بيسوق كان سرحان ولا اية
اول ما اخد بالة ضرب فرامل شديدة العربية زحفت ورشقت بعزمها كلة فى شنطة a5 صدر العربية لحد اخر المتور متكربس , طبعا غيرت ربع وش .
وعندك البونتو الايفو كنا رايحين نتفرج عاليها لما فتحنا الكبوت (كل العربيات الشاسية بيبقى ليها فاخدة فوق العجل ) فى الايفو مفيش فخدة ومكتفيين بكارتيرة فيبر . حسيت انها اضعف من البوتنو اللى قبلها كمان

شوف سمكرى محترم يكون صنايعى يشوفها ممكن يقولك مش محتاجة ربع وهيستعدل الوش وتيجى فى مكنة وشوية هبشتكنات لو مش هضر العربية هيبقى احسن ماتغير حاجة فى العربية ........

هو مهندس الصيانة اللى بيقول على موضوع الربع ده لان الشاسيه كمان اتعوج و الموتور و الفتيس فيهم كسر تقريبا و لسه هيعمل تقرير و يقول بالضبط ايه اللى فيها و انا بسأل على اسوأالاحوال على سعر الربع ده يبقى كام بس مش عارف اوصل لحاجة و الموتور بالفتيس اصلا يطلعوا فى حدود كام !!

[FrozenFire]

ربنا يعينك ويقويك ويكفيك شر الحوادث تاني إن شاء الله

[ahmed_al3alem]

متشكر جدا على اهتمامكم

المقايسة طلعتلى ب 8500 جنيه ( 5000 سعر الربع الامامى كامل صاج بدون عفشة و 3500 مصنعية كالاتى سمكرة: 1500 و دهان: للجزء الامامى الخاص بالحادث 1000 و كهرباء: 500 و ميكانيكا:500 )

خلاف ما يستجد لو طلع فى حاجة فى الموتور و الفتيس و العفشة بس الحاجات دى بيقول انها ظاهرياً سليمة و مش عايزة شغل

و دى بيانات الربع اللى هيتغير :

فبرة اكصدام امامى

شاسية اكصدام امامى

هواية اكصدام امامى

حامل اكصدام امامى يمين

حامل اكصدام امامى شمال

صدر امامى

مدفع اكصدام امامى يمين

مدفع اكصدام امامى شمال

ردياتير

سربنتينة

فانوس امامى يمين

فانوس امامى شمال

رفرف امامى يمين

رفرف امامى شمال

كبود

مفصلات كبود

كالون كبود

حامل كالون كبود

سيخ كبود

قنطرة عرضية

كرتيرة رفرف امامى يمين فبر

كرتيرة رفرف امامى شمال فبر

كرتيرة رفرف امامى يمين صاج

كرتيرة رفرف امامى شمال صاج

فردة شاسية يمين

فردة شاسية شمال

حوض موتور

ايه رأيكم مناسب ولا لأ

و المهندس بيقول ان ممكن انا اشترى الربع ده لو عايز بس هيبقى على مسئوليتى و لو فيه حاجة بايظة هو مش مسئول عنها انما لو اشتراه هو هيبقى على مسئوليتة انه يبقى سليم تماماً

[egyptiandiver]

لا حول ولا قوة إلا بالله

[killypunto]

انا معرفش فى الاسعار قوى بس انا حاسس ان مبالغ فيها قوى

سمكره 1500 جنيه و هو اصلا هيغير الربع .......... يعنى شيل و حط
و الدوكو 1000 جنيه ده يعملو نص العربيه ... انا مش متأكد هو هيرش قد ايه فيها بس العربيه كلها 2000 او 2200 دهان
و طبعا كهرباء 500 و ميكانيكا 500 بردة اعتقد كتيره قوى


ربنا معاك و ان شاء الله خير بس زى ما الساده الاعضاء قالو, حاول ماتستعجلش لان انت اولى باى قرش فرق

[ME5EMR]

بوص يا ابن عمي
اشتري مني و متبيعش(يعني اسمع الكلام)
انت تفك من الصيانه و اليلله دي
ده مشواااارررررر
من اوله لاخره نصبيه
انا معايا عربيه اوبترا 2010
اخويا خبطها الحاج قولتله اخدها
اعملهالك قالي هنسيبها في التوكيل
العربيه سرفت
قطع غيار لحد 3500
ده غير المصنعيه اللي قفلت بالمصنعيه 5000
و اللي كان في العربيه
كالتاتي:-
1-مساعد
2-رفرف(ممكن يتعل جابوا واحد جديد)
3-اكصدام (اي صنايعيي مبتدئ يعدله)(بس بما ان صاحب التوكيل كان صديق والدي عدلوا الاكصدام)
4- تيش استبليزر
5قربة مياه؟؟؟؟؟؟؟؟؟؟؟
مع ان كل حاجه اصليه بس لو كانت بره كان حلها سهل وارخص
يعني فاموس مان سعاتها عامل 650 او 550
سالت عليه بره التوكيل قالي 220
و الرفرف يتعدل
والاكصدام يتعدل
بس المساعد مكانش يتفع من بره التوكيل لانه لو بره التوكيل يبقي هخاغير الاربعه
فنصيحه لوجه الله
شد العربيه لبره وخدها انت روح لسمكري واظبط انت
هتوفرعلي قد 1500بالميت