انا اول ماشديت العربية وجيت اخدها من عند الدوكو مش عايزة تدور طول النهار نجرب ونغير بوجيهات وموبينة واسبراتير وبطارية ودى حالفة فى الاخر خطرت فى دماغة ان يحط بنزين خارجى وفعلا التانك كان مليان مية ازاى معرفش يمكن عيل شغال فى الورشة فتح التنك وملاه المهم فضيته بعد ماكنت صرفت على بوجيهات وفلاتر وطقم كهرباء وموبينة لحد ما دارات قلت يلا خير طالع اجرب بقى وهى برضه 305 اول حاجة طول ما انا ماشى العربية بتطقطق وتتهز نزل اشوف الاقى ال 4 عجلات مش مربوطين يدوب تشبيط بس الحمد لله انى مشدتش بعد ما ربطتهم قلت انزل اجيب حاجة ساقعة بطلت ونزلت اجيب البطارية مش قادرة تدور مع انها جديدة اتنرفزت ورحت ضاربها برجلى لقيت واحد بتاع ورشة جاى ايه يابيه اهدى بس وهنديك زقة وخلاص خدت زقة ومشيت معظم العدادات مش شغالة وهكذا لحد الحمد لله ماتظبطت معلش هما دول صنايعية بلادنا على فكرة انا بتعامل مع ميكانيكى كويس فى اول فيصل الجيزة لو عايز اى حاجة تحت امرك اروح معاك اى وقت وهو عملى عمرة وكذلك لاخونا ميدو 84 والحمد لله تمام عن نفسى ان شاء الله لما اجى اشترى مش هشترى عربية عايزة تتشد دى ليها ناسها
X

Comment