حرارة المحرك تزداد خلال النهار

[ahmed_eng2001]

السلام عليكم

درجة حرارة المحرك بتزيد فى النهار مع ارتفاع درجة حرارة الجو .. هل سربنتينة التكييف هى السبب ؟؟!!
و كيف اعرف ان كانت سربنتينة التكييف هى السبب ام لا

الردياتير نظيف داخليا و خارجيا .... طرمبة المياه تعمل و تقلب الماء

هذه المشكلة لم تكن موجودة الصيف الماضى .. و ظهرت هذا الصيف عند تركيبى للتكييف

سرنتينة التكييف تغطى تقريبا 75% من مساحة الردياتير المعرضة للهواء

هل وجود السربنتينة بهذا الشكل هو ما يجعل الحرارة تزداد بشكل ملحوظ ؟؟ و ما الحل ؟؟

[romieh]

هو أكيد مع تشغيل التكييف درجة حرارة الموتور بتعلى

لان التكييف بيكزن جمل على الموتور

الحل انك تخلى الكهربائى يخلى مروحة الردياتير تشتغل لما تشغل التكييف

(يعنى تخلي التكييف لما يشتغل يشغل مروحة السربنتينة والردياتير سوا)

بحيث انك تضمن تدفق الهواء على الردياتير باستمرار

[ahmed_eng2001]

هو أكيد مع تشغيل التكييف درجة حرارة الموتور بتعلى

لان التكييف بيكزن جمل على الموتور

الحل انك تخلى الكهربائى يخلى مروحة الردياتير تشتغل لما تشغل التكييف

(يعنى تخلي التكييف لما يشتغل يشغل مروحة السربنتينة والردياتير سوا)

بحيث انك تضمن تدفق الهواء على الردياتير باستمرار

شكرا على الرد

بس انا عندى مروحة التبريد ( مروحة الردياتير ) تعمل باستمرار مع المحرك !!!! يعنى مش كهرباء

[saadelden]

شكرا على الرد

بس انا عندى مروحة التبريد ( مروحة الردياتير ) تعمل باستمرار مع المحرك !!!! يعنى مش كهرباء

طيب التاكيف ليه مروحه كهربا علي السربنتينه شوفها شغاله ولا لا ؟

[ahmed_eng2001]

اسف تتاخير فى الرد

سربنتينة التكييف ملهاش مروحة .. الصنايعى الى ركب التكييف مكانش ليه مزاج يركب مروحة .. كان بيعتمد على مروحة الردياتير المسكينة
انا غيرت غطاء الردياتير ... بكرة ان شاء الله حغسل الردياتير كويس من جوة و من برة كمان ... و ححاول اركب مروحة لسربنتينة التكييف

[ahmed_eng2001]

السلام عليكم

انا بشكر كل الاعضاء الى ردوا عليا و حاولوا يساعدونى
كانت عندى مشكلة فى عربيتى انها بتسخن .... فعملت الاتى :-

1- غسلت الرديتير من جوة كويس و من برة ...... تقريبا مفرقش حاجة
2- ركبت مروحة اضافيه تشتغل لما التكييف يشتغل ... برضو تقريبا ملهاش تأثير
3- رحت للميكانيكى .. كشف على مروحة التبريد و قالى روح سلك الردياتير من جوة .... رحت لبتاع الردياتيرات قالى الردياتير شكله وحش و محتاج يتغير .... رحت زى الشاطر قلتله غيرة
العربية بقت مبتسخنش خالص ... و كان الحل فى تغير الردياتير و مع التكييف العربية حرارتها بتزيد حاجة بسيطة
الردياتير الجديد تمنه 700 جنيه و صناعة مصرية

[smsm_nabawy]

مبروك على حل المشكلة :)

[ahmed_eng2001]

الله يبارك فيك .... شعور سيئ جدا انك تركن بالعربية فى عز الظهر مستنى لما العربية تبرد .. و الاسوء منه انك متقدرش تشغل التكييف فى عز الحر و انت معاك اطفال فى العربية