استفسار عن الفرامل ؟

[Ayman-Ahmed]

السلام عليكم ورحمة الله وبركاته

كنت محتاج مشورتكم يا اهل الخبرة فى الفرامل :

العربية : نيو اكسنت 2010 اوتوماتيك

التيل : متغير من حوالى 10000 كم ولسة فاضله 10000

المشكلة :

- العربية بتزحف مع الفرامل وده ظهر من حوالى يومين .

- زيت الفرامل نزل عن الmax حوالى 5 سم ومنزلش تانى.

- غسلت العفشة بجاز .يمكن يكون تراب او بقايا اسفلت ولا جديد.

-امبارح اضطريت اضرب فرامل فجائية وحسيت تحت رجلى بتخبيط او تطبيل وزى ما تكون العربية هتبطل.

هل فى حاجة ممكن اعملها قبل ما اروح التوكيل وده هيكون الحل الاخير.

مشكورين.

[ahmedhawas]

يا باشا انت التيل اللي مركبه ده ، هل هو أصلي ؟؟
من التوكيل ولا لأ؟؟؟

في الغالب : العيب من التيل
وبالنسبة للتخبيط اثناء الفرملة .... فمحدش مخه يوديه لبعيد ويقول دا طبيعي عشان ال abs- طبعا مفيهاش abs
وده عشان أونكل غبور مبيعترفش بحاجة إسمها مواصفات أمان في عربية
في انتظار ردك ....

[ahmedhawas]

- العربية بتزحف مع الفرامل وده ظهر من حوالى يومين .

بالنسبة لتسلسل اللي حصل .... فأنا بحييك بصراحة على الترتيب والتنسيق للمشكلة.
أعتقد العربية مكانتش بتزحف : قصدي ان العجل مكانش بيقفش ويزحف في الأرض وإلا كنت تسمع صوت الفرملة الجامدة عالأسفلت وفي الحالة دي يبأى الفرامل ما شاء الله قوية ،
لكن اللي كان بيحصل هو فقد في قوة الفرملة (العربية بتهدي لكن مبتقفش تماما غير لما أقف عالدواسة - فيتهيألك وانت جوا العربية انها بتزحف).
المشكلة دي الميكانيكية بيقولوا عليها "التيل مبلط" يعني (brake fade or glazing)
يعني إيه : وانت في المرحلة دي لو فكيت التيل هتلاقي السطح أملس أوي وكمان هتلاقيه لامع زي ميكون واخد بوليش(شوف الفرق).

مشكلته إيه : فقد في القوة الفرملية
سببه إيه : تيل سيء ... مش أصلي لكن أحيانا قليلة بتحصل مع التيل الأصلي برضو.

طيب لما تستمر عالوضع ده بيحصل سخونة عالية في التيل والطنبورة وممكن توصل الطنبورة للإحمرار

ونتيجة للسخونة العالية دي بتسيح ال bonding material اللي ماسكة المواد الإحتكاكية اللي بيتكون منها التيل فتلاقي التيل حصل فيه تشققات وبدأ يتكسر ويسيب من بعضه أو الطنبورة بدأت تتشقق هي كمان.

وده يفسرلك النقطة دي:

-امبارح اضطريت اضرب فرامل فجائية وحسيت تحت رجلى بتخبيط او تطبيل وزى ما تكون العربية هتبطل.

والله أعلم.

[Ashraf_Ibrahim]

هي بالفعل في اغلب الظنون مشكلة تيل فرامل
التيل ملهوش عدد كيلومترات معينة يمشيها بل بيعتمد على اسلوب القيادة والطرق اللي بتمشي عليها !
وزميلنا احمد وضح الامر بصورة ممتازة الحقيقة

[Ayman-Ahmed]

يا باشا انت التيل اللي مركبه ده ، هل هو أصلي ؟؟
من التوكيل ولا لأ؟؟؟

في الغالب : العيب من التيل
وبالنسبة للتخبيط اثناء الفرملة .... فمحدش مخه يوديه لبعيد ويقول دا طبيعي عشان ال abs- طبعا مفيهاش abs
وده عشان أونكل غبور مبيعترفش بحاجة إسمها مواصفات أمان في عربية
في انتظار ردك ....

مشكور يا باشا على الرد واسف على التاخير والتيل اصلى من التوكيل وراكب عندهم.وانكل غبور مبيعترفش بحاجات كتيييييييير.

بالنسبة لتسلسل اللي حصل .... فأنا بحييك بصراحة على الترتيب والتنسيق للمشكلة.
أعتقد العربية مكانتش بتزحف : قصدي ان العجل مكانش بيقفش ويزحف في الأرض وإلا كنت تسمع صوت الفرملة الجامدة عالأسفلت وفي الحالة دي يبأى الفرامل ما شاء الله قوية ،
لكن اللي كان بيحصل هو فقد في قوة الفرملة (العربية بتهدي لكن مبتقفش تماما غير لما أقف عالدواسة - فيتهيألك وانت جوا العربية انها بتزحف).
المشكلة دي الميكانيكية بيقولوا عليها "التيل مبلط" يعني (brake fade or glazing)
يعني إيه : وانت في المرحلة دي لو فكيت التيل هتلاقي السطح أملس أوي وكمان هتلاقيه لامع زي ميكون واخد بوليش(شوف الفرق).

مشكلته إيه : فقد في القوة الفرملية
سببه إيه : تيل سيء ... مش أصلي لكن أحيانا قليلة بتحصل مع التيل الأصلي برضو.

طيب لما تستمر عالوضع ده بيحصل سخونة عالية في التيل والطنبورة وممكن توصل الطنبورة للإحمرار

ونتيجة للسخونة العالية دي بتسيح ال bonding material اللي ماسكة المواد الإحتكاكية اللي بيتكون منها التيل فتلاقي التيل حصل فيه تشققات وبدأ يتكسر ويسيب من بعضه أو الطنبورة بدأت تتشقق هي كمان.

وده يفسرلك النقطة دي:


والله أعلم.

الله يباركلك على الشرح فوق الرائع.وكدة نصيحتك تبقى اننى افك التيل عند اى ميكانيكى ابص عليه ولا اطلع على التوكيل او مركز معتمد ولا فيه حاجة ممكن اجربها.مع العلم اننى النهارده وبعد غسيل العفشة بالجاز الفرامل اتحسنت كتير ومبقتش بتزحف ؟

[Ayman-Ahmed]

هي بالفعل في اغلب الظنون مشكلة تيل فرامل
التيل ملهوش عدد كيلومترات معينة يمشيها بل بيعتمد على اسلوب القيادة والطرق اللي بتمشي عليها !
وزميلنا احمد وضح الامر بصورة ممتازة الحقيقة

والله يا استاذ اشرف من ساعة ما غيرت التيل فى التوكيل والفرامل مش مظبوطة خالص مع انه من عندهم وتركيبه عندهم.واسلوب القيادة والطرق لم تختلف عن الاول بتيل العربية اللى جاية بيه قبل ما اغيره.

[saadelden]

اي ميكانيكي هيفك التيل ب 5 جنيه يبصلك عليه
لو فيه حاجه هايقولك

المفروض ياخد هوا م الفرامل و يرجلش الفرامل الخلفيه

يعني انت ملاحظ ان الفرامل اليد عليت عن الاول و زاد عدد التكات بتاعتها ؟

[Ayman-Ahmed]

اي ميكانيكي هيفك التيل ب 5 جنيه يبصلك عليه
لو فيه حاجه هايقولك

المفروض ياخد هوا م الفرامل و يرجلش الفرامل الخلفيه

يعني انت ملاحظ ان الفرامل اليد عليت عن الاول و زاد عدد التكات بتاعتها ؟

يبقى اتوكل على الله وابص عليه عند الميكانيكى وهصلى العشاء وانزل ابص على فرامل اليد وارجع اقولك ومشكور جدا لمساعدتك.

وحسيت ان الفرامل فيها هوا زيادة وقلتلهم فى التوكيل اخر مرة قالولى لا لا متقلقش كله تمام.لاننى كنت بعمل تشيك على بدال الفرامل لانه كان بيزيق لما اسيب فرامل وقالوه انهم مفكوش ولا حاجة ورشوه مزيل صدا وفعلا الصوت راح ولكن حاسس الفرامل خفت.

[Ayman-Ahmed]

اي ميكانيكي هيفك التيل ب 5 جنيه يبصلك عليه
لو فيه حاجه هايقولك

المفروض ياخد هوا م الفرامل و يرجلش الفرامل الخلفيه

يعني انت ملاحظ ان الفرامل اليد عليت عن الاول و زاد عدد التكات بتاعتها ؟

جربت فرامل اليد والنتيجة :

الفرامل بترفع 5 مرات والسادسة بتيجى بالعافية.

ملاحظة ان من الثبات لحد رفع اول تكة حاسس ان المسافة بعدت شوية.

[ahmedhawas]

لو الفرامل فيها هوا --- هتحس ان الدواسة إسفنجية ، وان في حتت في مشوار الدواسة تحسها فاضية يعني بتنزل بدون تأثير عالفرامل.
لكن عندك : أنسب شيء تروح تفك تيل الفرامل وتشوفه سليم ولا لأ.
وكذلك شيك عالطنبورة.

[saadelden]

جربت فرامل اليد والنتيجة :

الفرامل بترفع 5 مرات والسادسة بتيجى بالعافية.

ملاحظة ان من الثبات لحد رفع اول تكة حاسس ان المسافة بعدت شوية.

اعتقد اول ما جبت العربيه كانو 3 بس صح ؟
كدا ممكن هتحتاج تعمل ريجلاش للفرامل الخلفيه و هتلاقي الفرامل بقت اقوى

ممكن تزود الزيت الي نقص و تاخد هوا من الفرامل

[Ayman-Ahmed]

لو الفرامل فيها هوا --- هتحس ان الدواسة إسفنجية ، وان في حتت في مشوار الدواسة تحسها فاضية يعني بتنزل بدون تأثير عالفرامل.
لكن عندك : أنسب شيء تروح تفك تيل الفرامل وتشوفه سليم ولا لأ.
وكذلك شيك عالطنبورة.

اعتقد اول ما جبت العربيه كانو 3 بس صح ؟
كدا ممكن هتحتاج تعمل ريجلاش للفرامل الخلفيه و هتلاقي الفرامل بقت اقوى

ممكن تزود الزيت الي نقص و تاخد هوا من الفرامل

متشكر جداااااااااااااااا لحضراتكوا والنهاردة روحت مركز معتمد وكان تفسيرهم : طالما الدواسة مش نازلة والفرامل بتعلق معاك والزيت نقص يبقى تطلع على التوكيل لان كدة ممكن يكون الماستر او فى تسريب للزيت.